حراره الباترول مساااااااعده

[عزوز العصامي]

يا شباب والله اني وسوست من ها الجيب معي باترول 99 صالون بخاخ حرارته فوق الربع تقريبا ثلث والموتر اذا وقفته تطبخ قربته واذا احتر فوق الربع ووصل الثلث تسمع صوت المكينه قرقعه مع الدعسه كنه صوت الديلكو غيرتر راديتر صيني جديد علمن ان اديتر الوكاله سليم بس ابي اقطع الشك باليقين غيرت بلف غيرت تماتيك مروحه وكاله ب 650 ريال مافيه فايده انا قلت معد باقي الا راس المكينه ووديته امس للورشه وفكو الراس والحين الراس في المخرطه وشريتله وجه راس وكاله ب 140 ريال المشكله الي الحين قلبي يرقع منها اني دخلت موقع حراج وشفت صور باترولات كل حرارتهن فوق الربع بشوي يعني موتر مثلهم او ازود حاجه بسيطه ووالله اني خايف ما يضبط بالله دعواتكم وخبراتكم لاهنتم

[فتك 32]

اتوقع انه طبيعية مع الحر توصل الى الثلث

[sgl2002]

الباترول حرارته وهو واقف وفي اقصى الضروف تتعدا الخط الابيض بدرجتين

وقرقعه هذي اذا احتر بس يقوم يلقلق

لكن اما ان الموتر يوصل الثلث يعني قريب النص فلا

[pajro]

شيك على مروحه المكيف وركب مراوح سوبارو

[عزوز العصامي]

الله لا يهينكم بس اي خط ابيض الاول ولا الثاني يا الذيب علمن ان الموتر 4500 بخاخ

[sgl2002]

الخط الثاني

[sgl2002]

افدنا اكثر

موترك الحرارة توصل الثلث بالوقفه والا بالمشي ، مع المكيف او بدون ، هل تولع على طول والا بعد فترة ربع ساعه او اكثر ، بالنهار او بالليل وبالنهار...

[محب الهيف]

الله يعينا وياك وان شاء الله تزبط امورك

[عزوز العصامي]

افدنا اكثر

موترك الحرارة توصل الثلث بالوقفه والا بالمشي ، مع المكيف او بدون ، هل تولع على طول والا بعد فترة ربع ساعه او اكثر ، بالنهار او بالليل وبالنهار...

لا مع الوقفه والمكيف شغال ضهر ولا ليل تتعدا الربع بشرطتين تقريبا وذا طفيته تسمعه القربه تطبخ والمشكله ان خراطيش الاديتر تنضغط معي اضغطها بيدي عادي مهو محجره اذا وقفت لو 4 دقايق ترتفع فوق الربع بشرطتين مع العلم اني غيرت تماتيك مروحه واديتر وفكيت البلف وخرطت الراس وركبت وجه اصلي ما فيه فايده وطرنبه المويه يقول المكنيكي كويسه

[معوكس]

شيك يا الغالي على غطا الراديتر

ممكن يكون هو السبب


الله يصلح امورك كلها ان شاء الله ويسهل عليك


موفق

[sgl2002]

طيب المراوح اللي قدام تشتغل؟؟

شغل المكيف واذا اشتغلت المراوح الامامية خذ لك ورقه وحطها من ورا الشبك وشف بتشفطها المروحه والا لا

اذا شفطت الورقه ونشبت في الشبك فاعرف انها شغالة تمام

ثاني شي،

اذا شغلت المكيف راقب عداد الحرارة اذا وصل الخط الابيض الثاني دق بوري وشف بيتحرك والا لا

اذا تحرك فهذا سلك السالب مرتخي

[sgl2002]

بالاضافه غير غطاء جديد لان القديم ممكن يكون مايمسك الماءً ويروح للقربة على طول وبكذا تسمع صوت الماء الحار يطبخ يوم هو في القربة

مع العلم ان الصوت اللي تسمع هذا صوت الماء اللي جاي من الرديتر للقربة

[عزوز العصامي]

الله لايهينكم بنجررب الي قلتوه ونشوف

[العطاوي a511]

اللي ماهو مضغوط الوجه مافيه شي او الغطاء خربان بس غير الغطاء بعد ماتركب الوجه وفك البلف وريح راسك