جرد الطير والطريقه المثلى......صقار الاسياح

[صقار الأسياح]

السلام عليكم ورحمة الله وبركاته
اخواني اعضاء ومراقبي منتدى مكشات منتدى الاحبه اولا اهنئكم بشهر رمضان واهنئكم بان المنتدى ابتعد عن اللجات والكلام الهزيل والحمدلله هذا متوقع بوجود الرجال مثلكم وشرواكم
ودي اتكلم او نتكلم جميعا عن الطريقه الافضل لرفع معدل لياقة الطير الى افضل حال
انا عندي طريقه وقابله للخطاء والصواب
خلونا من التدهيل نبدا بالدعوا للطيور البيتيه
1- بالبدايه يدعى من قريب اول يوم
2- يدعى من مسافه حسب الطيور كيلوا مثلا بدون يطق
3- يدعى من المسافه مع 5طقات للملواح
4-=====مع 10 طقات
5-=====مع 15 طقه
6-=====مع 20 طقه
7-راحه
8-=====مع 20 طقه
9======مع 25 طقه
10=====مع 30 طقه
11-=====مع 35 طقه
12-=====مع 40 طقه
13-راحه
15-راحه
16-مسافه مع 45طقه
17=====مع 50 طقه
18=====مع 55طقه
19-======مع 60 طقه
20-======مع 65 طقه
وبعد ذلك ادع طيرك يوم ورى يوم لا تدعي يوميا ابد وزد بالطقات حتى ال80 وباذن 20 يوم يكون جاهز


وياليت اذا احد عنده طريقه يتفضل لنستفيد
ولكم تحياتي
صقار الاسياح
نايف بن مياس الفريدي

[جبار1]

طريقه حلوه لجرد الطير وحفظه من الملوع

يعطيك العافيه

[سلطان 1]

صقار الأسياح ما قصرت وبيض الله وجهك
علي هالمجهود.

لكن بالنسبه لي أنا في الدعو
شقلاب من اول يوم ومن قريب ٥ مرات الي ١٠ مرات.
عقبها اشقلب الطير وعيني علي جناح الطير ان ارتخئ عطيته الشلو وان كان جناحه حامي الاااعبه.
وأما العدد قليل اعد له.

[قانوص الفاو]

مبروك عليكم هاذا الشهر ويعطيك الف عافيه على هاذه الجهود

[القوبعي]

هلا ياصقار الاسياح طريقتك حلوه وجيده جدا
لكن انا رابطه طلق ومن اول يوم باذن الله بدعيه من قريب وبشقلبه عشر عشرين وعيني على جناحه ان برد جناحه عطيته شلوه
ويومين ثلاث شلو واهدله حمام حليو لين ينطلق جناحه وباذن الله تشوفنا نساقطك لحباري اول الوقت :)

[ابوناصر السهلي]

يعطيك العافيه

[عشق الرحيل]

السلام عليكم ومبروك عليكم الشهر الفضيل ويعطيك العافية علي الموضوع

[(هزاع)]

اللهم اجعلناواياكم من المغفور لهم المقبوله اعمالهم
مجهودجيد لاكن عينك على الطير من الملوع
الوسطيه ومراعات الطير ونت تحكم على طيرك هل تزيد اوتعطيه الملواح على كل حال

[خالد العطااوي]

مشكورين يالربع
بس حمستوني ولا:( وانا مامعي طير ولا جيب وش السوات ههههههه
عزالله اني بشتريلي طير وجيب وان ماحصل ددسن هههههه ..

[ابوماجد6641]

جزاك الله خير الله يعطيك العافيه

[عبدالرحمن بن ذياب]

جزاك الله خير

[راعي الونه]

جزاك الله خير اخوي ماقصرت
لكن انا اتفق معك بس مو بكل
شي مثلاً اول ماتدعي الطير
اول يوم مسافه بسيطه معينه
كما ذكرت وبعده تزود وتزود
لكن يجب ان يكون للطير
كل ثلث ايام يوم راحه
ومدري اذا زودت على كلامك
او نفس ماهو لني مافهمت
طريقتك صراحه الا القليل
تحياتي لك ومقدر لك جهدك

[طلال الفالح]

يعطيك العافية

[توكار]

ياسلام نستفيد

[قلب ذيب]

صقار الاسياح .
جزاك الله خير على هذاالطرح الصادق .
طقطقة الطيورعدها ماجات , لكن من الضروري تمسيح الطير وشقلبته حسب نوع الطير وسنه فالشياهين تزاد لهن الشقلبه والتمسيح وكذلك الفروخ , اما القرانيس البيتيه فالافضل تمسيحهن قليلا
.. ويفضل دعو الطير من بعيد 2 كيلو ثم 3 كيلو وحتى 4 كيلو , في بداية نقل الطيرولابد من الانتباه الى عدم تمسيح الطير وشقلبته بوضع الملواح على الارض فذلك خطر على الطير سوف اتحدث عنه عند نقلة الطير ,دائما تمسيح الطير والملواح مرفوع في الهوى, وعلى بعض الصقاقير الذين لايجيدون ذلك تعلمه لأن وضع المواح في الارض خطر كبير على الطير وعلى راعيه الذي يدعيه .....والله الموفق .

[M7md bin]

اخوي صقار الأسياح والله انت وضعك يرثى له اللي تفكر بالدعو من اللحين وانت توك ما دخلت شهر اغسطس هههه بس والله انك حمستنا وانا اتوقع حسب معرفتي المتواضعة (لياقه الطير مع الجو) اذا برد ابشر باللياقة في عشره ايام واذا الجو حار عزالله لو تدور السنه بتقول للحين مأخذا لياقته ... وتقبل مروري

[فيصل الجربوعي]

نتعلم منكم وانتم خير معلم

ان حصل طيارة ممتازة صبح ومساء
لان الطير يطلع على الراحة
وممتازة في البداية
عليك بتحويم الطيرالايام الاولى
اذا المكان سهل
ان كان الطير من الطيور الي تحوم (ولاتنسى الجهاز)
بالنسبة للحر عطة الدعسة
بالنسبة لشاهين لازم تراعي القزازة من الكسر
وعقبة يجيك يامهنا على ما تمنا
الله يعطيكم العافية جميع

[عزوتي وايل]

مشكورين يالربع
بس حمستوني ولا:( وانا مامعي طير ولا جيب وش السوات ههههههه
عزالله اني بشتريلي طير وجيب وان ماحصل ددسن هههههه ..

الله يرزقك باللي يسرك وكل عام وانت طيب :good2:

[ســـبــار ربــعـــه]

مرحبا باخوي الغالي.

اشكرك على الموضوع والطريقه.
تحياتي.

[ذراع الذيب]

السلام عليكم ورحمة الله وبركاته..
مسيت بالخير ياصقار الاسياح..


برنامجك لتطليق الطير صراحه اعجبني وعجبتني ردود الاخوان كل واحد فيكم يقول الزود عندي..
بالنسبه لي مثل ماتفضلت ادعيه دعو من قريب على الدس وباليوم الثاني ابعد المسافه تقريباً 500 متر ادعيه على الشلو بدون ماطققه ..
وباليوم الثاني تكون المسافه نفسها واطققه من الثلاث الى الخمس واريحه يوم وادعيه يوم وازيده بعدها خمس واريحه يوم وازيده خمس صارت الحين 15 طقه مع مراعاة جناح الطير اذا فتر اعطيه
ماهوب لازم العدد اللي ابيه يوصله وعلى هالمنوال وادعيه يوم واريحه يوم وهذي الطريقه راح تريح اللي معه ثلاث طيور وانا واعوذ بالله من كلمة انا اسوي هالطريقه لومعي طير واحد.
وعلى كلام الفيتو مجهود اقل عطاء اكثر واتعلم من الجميع في هالمنتدى الطيب اللي يزهو بأمثالك ياصقار الاسياح..
ولاهنت على هالموضوع الطيب وتحياتي لك..

[بو_غانم]

بسم الله الرحمن الرحيم

كل ما اتفضلو به الاخوان الصقاقير ممتاز للجرد و بناء اللياقة، لكن يجب الانتباه لنقطة مهمه ويغفل عنها الكثير بسبب الاستعجال والرغبة بجرد الطير في اسرع وقت وهي:

إراحة الطير لمدة يوم بعد كل 4 ايام دعو او 3 ايام مع مراعاة تغذية الطير.

لانه كيف بيبني الطير عضل بدون راحه وأكل ؟

عن نفسي كنت قبل ادعي يومي وبدون راحه، لكن بعد ما استخدمت فاصل الراحه النتايج كانت غييير وطيران الطير صار يتطور اسرع بمراحل.

( الطيور كانت جير و جير حر )

تحياتي