استفسار ياربع !

[ابو شهاب 11]

صبحكم .. مساكم الله بالخير

عندي استفسار وياليت تعلموني بالتفصيل

ياربع انا عندي شيهانة جبلية ماهي راكدة لاجيتها تكافخ بالعشة

واذا حطيتها. علئ كفي وامسح على صدرها تبي تعض اصابعي عيونها لصابعي

واذا معي علف تاكل من كفي وتنقز من الارض للكف بشرط يكون في علف لها.

سؤالي هناا كيف اجردهااا اذا ساق الموس وخلصت اخااف اذا لاعبتها الشلو ترروح ع وجها يعني تطير وتخليني ههه ولا اربط بسبقهاا خيط قوي وخفيف ل 200 متر وكذا افضل ومتى اهد لها حمام بعد الجرد ؟

ياليت تفيدوني وجزاكم ربي الف خير والله يرزقني ويرزقكم بالنادر .

[خيرها بغيرها]

السلام عليكم ورحمة الله وبركاتة
ابوشهاب الله يبارك لك فيها ويطعمك من صيدها
الشواهين اغلبها كفاخة والطير النزر محبوب عند الصقار
لكن في مواصفات معقولة يعني مايكون يكوش او صياحة مثلآ
بنسبة ان الله احيانا ان شاء الله لادعوها بخيط اول الايام بس لازم تقصر عليها اشوي
هذا والله اعلم
ودمتم سالمين

[خالد العطااوي]

صبحكم .. مساكم الله بالخير

عندي استفسار وياليت تعلموني بالتفصيل

ياربع انا عندي شيهانة جبلية ماهي راكدة لاجيتها تكافخ بالعشة

واذا حطيتها. علئ كفي وامسح على صدرها تبي تعض اصابعي عيونها لصابعي

واذا معي علف تاكل من كفي وتنقز من الارض للكف بشرط يكون في علف لها.

سؤالي هناا كيف اجردهااا اذا ساق الموس وخلصت اخااف اذا لاعبتها الشلو ترروح ع وجها يعني تطير وتخليني ههه ولا اربط بسبقهاا خيط قوي وخفيف ل 200 متر وكذا افضل ومتى اهد لها حمام بعد الجرد ؟

ياليت تفيدوني وجزاكم ربي الف خير والله يرزقني ويرزقكم بالنادر .

اول شيء سلام عليكم
اخوي طبعا الشيهان طبعها يكفخ دايم
لكن اذا هي وحش طبعا اول الايام تدعوها قريب قريب
لين تجيك وتناديها بسمها وتجيك ومع الايام لمدة شهرين او حولها ثم تفك الخيط وتدعيها من دون خيط
بس تأكد انها تعرف كل شيء وتعرف الدعو وقبل لاتدعيها جوعها وخلك ع هالحال
طبعا انا مماعندي طيور ولاقد نقلت طير لكن مع خوياي واقربائي ولي خبرتن بسيطه
واتمنى اني افدتك
تحياتي لك

[حامد الحنيني]

اول شيء سلام عليكم
اخوي طبعا الشيهان طبعها يكفخ دايم
لكن اذا هي وحش طبعا اول الايام تدعوها قريب قريب
لين تجيك وتناديها بسمها وتجيك ومع الايام لمدة شهرين او حولها ثم تفك الخيط وتدعيها من دون خيط
بس تأكد انها تعرف كل شيء وتعرف الدعو وقبل لاتدعيها جوعها وخلك ع هالحال
طبعا انا مماعندي طيور ولاقد نقلت طير لكن مع خوياي واقربائي ولي خبرتن بسيطه
واتمنى اني افدتك
تحياتي لك

السلام عليكم

اخوي خالد وين يدعيها بالخيط شهرين هههههههه

اسمع وانا اخوك اول يوم اذا نويت تدعيها من باكر لاتعلفها

واذا بغيت تدعيها اربط بسبقها خيط وادعها من قريب وابعد المسافه كل شوي

لين تشوف الطير مايراوي وتفك الخيط يعني اسبوع اوقل وتبدى تفك حمام شوي شوي لين ينجرد الطير

وقبل الدعو بأسبوع انقل الطير ودهله ولاتنسا الريشه تراها مهمه ترى الطير نوب تطريله طواري .

[كلي فخامه]

اخوي خالد تدعيها شهرين هههه كذا الموسم خلص وانت تدعي ...
على كلام اخوي حامد هو الصح ... ودمتم بخير

[عشق الرحيل]

أفدواك الاخوان

[ابو شهاب 11]

الله يجزاكم بالخير يالنشامة عز للله انكم ماقصرتم منكم نتعلم .
شاكر لكم .