ساكتون على شكل مسدس

[fawazakeel]

يا شباب ان طلبت واحد من النت لكن وقفته شركة اشحن علشانه ممنوع شحنة وين ممكن القى واحد في السعودية الرماية و صاب ما عندهم

[قناص502]

كان زمان يورده الرميح وانقطع اللحين بتلاقي فقط مستعمل يالغالي

[fawazakeel]

وين ممكن نلاقيه يا غالي

[قصيمي كم]

الي اعرف انه الي تصنعه شركه ديانا و انقطع هالحين و ما تلقى الا مستعمل

[fawazakeel]

العلم يا شباب ما لقيت لا جديد و لا مستخدم

[عواد الشمري2]

تبي العلم انحش عنه مايصلح بريااااااال ثققل بلا دفا لا زولن يونس ولا فعلن ينومس انحش عنه

[fawazakeel]

جزاك الله خير

[قلايد الخيل]

والله انا اذكر واحد من الشباب شاريه من الروسيين الي يجون للحج كانو يبسطون عند كل محطه
سعره كان 70 ريال اذا ماكنت واهم بس قبل 8 سنوات تقريبا
وصراحه ماذكر كان كيفية ادائه
واعذرنا ماافدناك

[fawazakeel]

ما قصرت يا غالي

[هزاع المطيري]

الا الآآن تصنعه شركه جامو الاسبانيه
وفيه منه بدفع الغاز بعد . خبري قبل سنه جيت الرمايه واخذت الكتلوج حق المحل
ولقيت بالكتلوج مسدسات انواع وشكال وقال هذي بتجينا بس والله اني مدري متا بس مهي بمطوله
والي بيتأكد يروح للرمايه الي بحفر الباطن . بس ترا السالفه حول سنه ونا مبطي ماجيته .. وشكرا

[fawazakeel]

اخوي هزاع امس انا عند الرماية يقول ممنوعة علينا

[fawazakeel]

up...........

[هزاع المطيري]

الله اعلم
يمكن منعوها

[fawazakeel]

للرفع رفع الله قدركم

[الشقردي 205]

مسدسات ام صجمه مو موجوده بالسعوديه وممنوع توريدها ..


لانها ماتفرق عن الحقيقي ابداً بس انها ترمي صجم ..


لكنه يصلح للاستعمال والدفاع عن النفس والمنظر ..