تلقاه عند سبيع واضح وموثوق/لغزز .............. حله ( ابو ماجد ) .. الحل ( حرف السين )

[فريز الوغى]

السلام عليكم ورحمة الله وبركاته
كل عام وانتم بخير ومبروك عليكم الشهر

هذا اللغز طرحه علي احد الاخوة والصراحة انا ماني بعرف الاجابة :D
وقلت يمكن الاخوان في منتدى مكشات يعرفونه وايضا من باب المشاركة والسواليف

واللغز يقول:

بنشدك عن شي له ضروس من فوق
ومن تحت ماله لاضروس وزوايد

لاهوب في برقا ولاهوب في روق
ولاهوب في تغلب ولاعيال زايد

تلقاه عند سبيع واضح وموثوق
اهل الفعول الطيبة والعوايد

وسلامتكم...:p
وبالتوفيق ان شاء الله

[ابو ماجد 2]

هلا بك يالغالي
والله اننا نفرح بالمشاركه لاسيما من الاخوان الجدد
لكن يالغالي اللغز اللي ماتعرف حله يبقى مشكله من سيصحح لنا اذا مااتت الرمعه صحيحه
حسب فهمي للغز فالحل هنا
تلقاه عند سبيع واضح وموثوق


ويقصد حرف السين وسنونه تاتي من فوق
وعلى قولته السين
لاهوب في برقا ولاهوب في روق
ولاهوب في تغلب ولاعيال زايد

[فريز الوغى]

لابالله عز الله انك جبتها يابوماجد وبيض الله وجهك وانا والله اني كنت اعرف الاجابة مير لي رفيقن هنيا بالمنتدى مابيه ينشدني عن اللغز انا طارحه له من اسبوعين وعيا لايجيب الاجابة تنقصه سرعة البديه الي عندك ههههه
على العموم بيض الله وجهك ولاهنت على الرد والاجابة السريعة

[ابو ماجد 2]

لابالله عز الله انك جبتها يابوماجد وبيض الله وجهك وانا والله اني كنت اعرف الاجابة مير لي رفيقن هنيا بالمنتدى مابيه ينشدني عن اللغز انا طارحه له من اسبوعين وعيا لايجيب الاجابة تنقصه سرعة البديه الي عندك ههههه
على العموم بيض الله وجهك ولاهنت على الرد والاجابة السريعة

هلا بك اخوي فريز الوغى
الرمعه يالغلا تحضر وتغيب
ولكن يالغالي انت معك شقاوه ماعليش يالغالي شقاوة مقبوله
هههههههههههههههههه
وارجوك لا تباعد عنا خلك قريب لعلك تعاوني على بعض ناس ماهمهم الا يعيرونن بالشيب والتقاعد
اللي مهدي لي طقم اسنان واللي مهدي عكازات

[ال-رايق]

هلا بك اخوي فريز الوغى
الرمعه يالغلا تحضر وتغيب
ولكن يالغالي انت معك شقاوه ماعليش يالغالي شقاوة مقبوله
هههههههههههههههههه
وارجوك لا تباعد عنا خلك قريب لعلك تعاوني على بعض ناس ماهمهم الا يعيرونن بالشيب والتقاعد
اللي مهدي لي طقم اسنان واللي مهدي عكازات



ههههههههههههههههههههههه
أولا /صح لسان اخونا/فريز الوغى/ومثل ماقال اخونا ابوماجد كرر المشاركات مع اخوانك .
وعوايد ابو ماجد والله مايخلي احد الا ويرحب به وله عندنا ذكرى اطيب من الطيبة بهذا المجال.
------------
ثانيا/وانت يابوماجد الله يسلمك اذا جابوا لك هالثنين مثل هالاشياء تراها نوع من ابعاد التهمة عنهم وهذا مرض العصر (اقصد الهرم)كل يقط الشيب على الاخر مادرى انه فيه ولازق فوق الخيل ولا فوق الفورت(كليهما يسوق سيارة فورد).
والدليل مشاركاتك اكثر وهم كل واحد طالع بعذر .
والسلام

[فريز الوغى]

كلن يقط الشيب على الثاني ....ههههه الله اكبر
بيض الله وجيهكم على المرور وابشروا والله بالمشاركات والعلوم السنعة حرام ان ردودكم تفتح النفس وتحد والله الرجال انه يشارك ويجمل

[ابو ماجد 2]

ههههههههههههههههههههههه

أولا /صح لسان اخونا/فريز الوغى/ومثل ماقال اخونا ابوماجد كرر المشاركات مع اخوانك .
وعوايد ابو ماجد والله مايخلي احد الا ويرحب به وله عندنا ذكرى اطيب من الطيبة بهذا المجال.
------------
ثانيا/وانت يابوماجد الله يسلمك اذا جابوا لك هالثنين مثل هالاشياء تراها نوع من ابعاد التهمة عنهم وهذا مرض العصر (اقصد الهرم)كل يقط الشيب على الاخر مادرى انه فيه ولازق فوق الخيل ولا فوق الفورت(كليهما يسوق سيارة فورد).
والدليل مشاركاتك اكثر وهم كل واحد طالع بعذر .

والسلام


يازين هرجك عن هالشيبان بس واثق انك ماتغيره
هههههههههههههههه
باكر تصير معهم

[ابو ماجد 2]

كلن يقط الشيب على الثاني ....ههههه الله اكبر
بيض الله وجيهكم على المرور وابشروا والله بالمشاركات والعلوم السنعة حرام ان ردودكم تفتح النفس وتحد والله الرجال انه يشارك ويجمل

هلا بك يالغالي ونفرح بالتواصل مع شرواك
وخل اعطيك نبذه عن الشيبان الشميته ( على وزن شبيحه )
الهيل ركبوه على فرس جاخ فيها عارضه بالمنتدى
النتائج
تقوس ظهر الخيل 0 ولاده قبل حتنه 0 صاحبها مايزال يعالج فيها
الشايب الثاني يبي يركب الفرس ماقدروا يركبونه
اقترح عليه الهيل ينزلون الفرس بحفرة بنشري
نفذت العمليه والنتيجة الختيار طاح بحفرة البنشري

[ال-رايق]

يازين هرجك عن هالشيبان بس واثق انك ماتغيره
هههههههههههههههه
باكر تصير معهم


هههههههههههههه
كفشوووووووووووووووووووووووووه
والله انك ماشاء الله عليك مايطوفك شي!!!!!!!!!
حين كتبت الكلام هذا قلت لا يقول اويعتقد ابو ماجد اني ابو وجهين ..تدري خلها على وجهها.
ولعلمك الكريم ترى بعض ردودي تبدو كأنها فزعه وهي احقاق للحق قدر المستطاع وبيني وبينك مانت قليل شر بترد -لكن المقصد قل مشاركاتهم وهذا دليل انهم ختيروا .
.ولو انا في ثوبك كل واحد رديت له هدية بحركة منها كالاتي:
عضّة راعي الطقم
وراعي العصا حاول تضربه بها فليا هرب ياحلوها اذا جات سمتية دونما تلمسه /فقط تطوف عليه من يمين مثل سواقتنا مانسقط الا من يمين.:D:good2:

[خيال الغلبا]

يازين سوالف الشيبان

تكفون ودي اجمعكم ...

من حولي منكم في مخرج 15 الرياض

[ابو ماجد 2]

يازين سوالف الشيبان

تكفون ودي اجمعكم ...

من حولي منكم في مخرج 15 الرياض

هلا بك يالغالي
انا والهيل بعنيزه وحدنا اذا ابعدنا ام سدره
لكن انت شباب والله يحييك عندنا يالغلا
اما الختيار
فهو بالرياض
وليابغيت تحدد مكانه
اطلع من بيتكم الساعه ثنتين وافتح قزاز السياره ستسمع صوت حاول ان تتبع هالصوت سيزداد عليك ضع في اذانك قطن واقترب اكثر واكثر ستسمع بالنهايه مثل كنبريشن الافغان
هذا هوبيتهم وماتسمعه هو شخير الختيار
طبعا نظام النوم عنده حوسه ولكن لعل الحل يسعفك ويكون لحظتها نائما

[ابو ماجد 2]

هههههههههههههه

كفشوووووووووووووووووووووووووه
والله انك ماشاء الله عليك مايطوفك شي!!!!!!!!!
حين كتبت الكلام هذا قلت لا يقول اويعتقد ابو ماجد اني ابو وجهين ..تدري خلها على وجهها.
ولعلمك الكريم ترى بعض ردودي تبدو كأنها فزعه وهي احقاق للحق قدر المستطاع وبيني وبينك مانت قليل شر بترد -لكن المقصد قل مشاركاتهم وهذا دليل انهم ختيروا .
.ولو انا في ثوبك كل واحد رديت له هدية بحركة منها كالاتي:
عضّة راعي الطقم

وراعي العصا حاول تضربه بها فليا هرب ياحلوها اذا جات سمتية دونما تلمسه /فقط تطوف عليه من يمين مثل سواقتنا مانسقط الا من يمين.:D:good2:


هلا بك يابو مهند
انت طال عمرك لاصرت طالع هاك الليله مع الختيار تصير مندبلة كبدك منه ومن بكرى تصبح ضده
اما اذا ابطيتوا ماطلعتوا يصير معك وله وتصبح معه ضدي
هههههههههههههههههههه
لكن اغديكم تطلعون كل ليله من شان اكسبك بصفي