والهرج كلـه بالرمـوز. حله (تميمي وابو الفهد والرايق) .الحل(ماهر ورهام وتاروت 60م62هـ)

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغيز المطلوب فيها اسم الشايب والعجوز واعمارهم وديرتهم



شايب واختٍ له عجـوز=والهرج كلـه بالرمـوز
ون كنت مالك باللغـوز=في هرجهم والله تضيـع
ساءلتهم ويش اسمكـم=وعمرك وعمرالاخت كـم
ومن وين ربـي ساقكـم=والرد منّه جـاء سريـع
اسمي سعد من يعمله=ذا يقدره ذا يكهله
واسم اختي ربي نزله=وان طال ابشر بالربيع
اسمي ولا ظن به كلوف=من غير نقط اربع حروف
وليانعكس عينك تشوف=اسم اختي بيـن يالكيـع
انـا وهـي تـومٍ اكيـد=ون كنت للغطـوه تريـد
انا سنتين عمري يزيـد=ون كنا بالمولـد جميـع
والديره ماتجهل فطيـن=في قلبهـا نـزّل يقيـن
تنزيـل رب العالمـيـن=وبعض البشر فعله شنيع


مع تحيات ابو ماجد

منتديات مكشات 0 خيمة الالغاز

[ابو ماجد 2]

الاخوة الافاضل
ماعليش غلطه وتم التعديل قبل ان يروه الشماته

[ابو ماجد 2]

لي مدة وانا متحمس بالتعديل ابي اعدل قبل ان يروه الشماته
فحمت بهالشهر الفضيل
واثر الهيل متواجد
لاني اللي ريحت نفسي ولاني اللي افتكيت من الشماته
هههههههههههههههههههههههههههه

[الأديب]

وعليكم السلام ورحمة الله وبركاته
صح لسانك يابوماجد
ماشاء الله عليك تنويع وابداع
لله درك
جاري التفكير
دمت برعاية الله

[ابو ماجد 2]

وعليكم السلام ورحمة الله وبركاته

صح لسانك يابوماجد
ماشاء الله عليك تنويع وابداع
لله درك
جاري التفكير

دمت برعاية الله


هلا بك يابو حمود
صح بدنك يالغالي
الف شكر للمرور العطر والكلمات المحفزه
والحمدلله انك جيت جالس اهارج روحي بهاللغز سويت لي مشاركتين اهك على روحي كن معي احد
انتظر مرماعك
تحيتي لك وتقديري

[SHAAIFK]

ماشاءالله تبارك الله

الله لايضرك

والله اني شاكك ومحتار في جواب
لكن خلني اتمها كلها ولي رجعه

في امان الله

[ابو ماجد 2]

ماشاءالله تبارك الله



الله لايضرك


والله اني شاكك ومحتار في جواب
لكن خلني اتمها كلها ولي رجعه



في امان الله


هلا بك يالغالي
شرفني مرورك
وترى الدعوى سموحيه ممكن تجزئة اللغز اي عطنا مرماع لأي واحد من المطاليب الثلاثه والباقي يلحق
حياك يالغالي وفي امان الكريم

[أبو عاصم النجدي]

وعليكم السلام ورحمة الله وبركاته
صح لسانك على هالابداع
وجاري عصر ما تبقى من المخ لعل ما نرجع اليوم إلا صايدين

[ابو زياد 38]

المخ عندي مربوط بالمعده خل بعد الفطور يسير خير

[ابو ماجد 2]

وعليكم السلام ورحمة الله وبركاته

صح لسانك على هالابداع

وجاري عصر ما تبقى من المخ لعل ما نرجع اليوم إلا صايدين


صح بدنك يالغالي
هلا بك يابو عاصم
انتظر مرماعك
تحيتي لك وتقديري

[ابو ماجد 2]

المخ عندي مربوط بالمعده خل بعد الفطور يسير خير

هلا بك يابو زياد
انتظرك تتزود بالفطور بالهنا والعافيه
بس ترى نفس الشيء لاكثرت سيتراخى التفكير
هههههههه
ماعليش اقيس على نفسي اتراخى عن عمل اي شيء وقت العصر بحجة الجوع واذا افطرت اتراخى عن عمل اي شيء بحجة اني منبهت من الاكل
هلا بك يابو زياد ومرورك شرفني
تحيتي لك وتقديري

[ابوالفهد33]

صح لسانك وعلا شانك يابو ماجد

والشهر عليك مبارك

محاولة :

اسمه : صالح

واسم اخته : حلا

ديرتهم: مكـــــــــة

[ابو ماجد 2]

صح لسانك وعلا شانك يابو ماجد

والشهر عليك مبارك

محاولة :

ديرتهم: مكـــــــــة

صح بدنك يالغالي
وهلابك
مالك لوى
انتظر محاوله قادمه
تحيتي لك وتقديري

[ابو ماجد 2]

صح لسانك وعلا شانك يابو ماجد

والشهر عليك مبارك

محاولة :

اسمه : صالح

واسم اخته : حلا

ديرتهم: مكـــــــــة

هلا بك يالغالي
ومبارك الشهر على الجميع
مالك لوى

[حمد؟؟]

وعليكم السلام ورحمة الله وبركاته
صح لسانك الشيخ ابو ماجد
ورمعه خطافيه
ممكن الصفاء والمروه
او
ممكن المقصود
سورة الاعلى والغاشيه

[ابو ماجد 2]

وعليكم السلام ورحمة الله وبركاته

صح لسانك الشيخ ابو ماجد
ورمعه خطافيه
ممكن الصفاء والمروه
او
ممكن المقصود

سورة الاعلى والغاشيه






هلا بك يابو طيف



صح بدنك يالغالي


مالك لوى والمطلوب مسمى هالشخص وأخته تستشفهما من اللغز


كذلك العمر واسم البلدة التي هما منها

[تميمي.1]

هلا بمبدعنا هلا بفارسنا
اسمه : ماهر
اسمها : رهام
العمر : 24 لهم كلهم ( فيه شكه)
وواضح انهم شباب من اسمائهم يابو ماجد الله يهديك
هههههههههه
والديره : السعوديه

[ابو ماجد 2]

هلا بمبدعنا هلا بفارسنا
اسمه : ماهر
اسمها : رهام
العمر : 24 لهم كلهم ( فيه شكه)
وواضح انهم شباب من اسمائهم يابو ماجد الله يهديك
هههههههههه
والديره : السعوديه

ماخطيت حين سميتك المبدع القادم
حليث ثلث اللغز
نعم
الاسم ماهر واسمها رهام
وماهر قديكون من فعل يدينك ورهام المطر الخفيف الهطول وان طال ابشر بالربيع
العمر والمدينه مالك لوى يالغالي

[ناصر العلي]

سلمت يالغالي
وصح لسانك
وماشاءالله على أخونا تميمي جاب أسم الشايب والعجوز
نحاول نجيب الديرة
ماتكون
فلسطين....حيث نزلت المائدة من السماء
أو سيناء....نزل المن والسلوى

[ابو ماجد 2]

سلمت يالغالي

وصح لسانك
وماشاءالله على أخونا تميمي جاب أسم الشايب والعجوز
نحاول نجيب الديرة
ماتكون

فلسطين....حيث نزلت المائدة من السماء


سلمت وصح بدنك يادكتور
نعم تميمي اتى بالاسماء ماهر 0 رهام
فلسطين مالك لوى
والديره ممكن تصور دوله او مدينه او قريه
ومن شان نريحكم نستبعد الدول

[ناصر العلي]

طيب ماتصير الديرة
سيناء
وعمر العجوز,,,,,,90 أو 99 سنه والشايب..+سنتين

[ابو ماجد 2]

طيب ماتصير الديرة



سيناء


وعمر العجوز+++90 أو 99 سنه والشايب..+سنتين


مالك لوى يالغالي
والديره بالسعوديه لاتطلع عنها
وانت اقرب مني لها

[حمد؟؟]

ممكن المدينه سلوى في الشرقيه
او
الدمام
والعمر
ممكن العجوز23سنه او 21
وشايب ممكن 25 سنه او 23

[ابو ماجد 2]

ممكن المدينه سلوى في الشرقيه

او
الدمام
والعمر
ممكن العجوز23سنه او 21

وشايب ممكن 25 سنه او 23


هلا بك يابو طيف
مالك لوى يالغالي
انتظر مرماعك القادم

[ابوالفهد33]

(وبعض البشر فعله شنيع)

يمكن الديرة/ الأخدود

[ابو ماجد 2]

(وبعض البشر فعله شنيع)




يمكن الديرة/ الأخدود


مالك لوى يالغالي
وخلك مع ابو طيف
شرق المملكه

[ابوالفهد33]

طيب بعد التوضيح الأخير

الاحساء

هي الديرة

وذلك عندما سرق القرامطة الحجر الاسود اليها

[ال-رايق]

صح لسانك يابو ماجد
بعدين وش التحفه هذا /اقراه من البارح واتردد
على العموم نغتنم الوقت ونتقاسم الحاشي هههه ونقول:
العمر3
ولأنهم توم التوم سواء سواء هي 3
وشكرا

[ابو ماجد 2]

طيب بعد التوضيح الأخير



الاحساء


هي الديرة



وذلك عندما سرق القرامطة الحجر الاسود اليها


مالك لوى يالغالي واللغز فيه مايؤشر لها
بس تمعن المعاني وادرسها من جميع الوجيه وان شاء الله تلقاه

[ال-رايق]

الديرة يابو ماجد
سعد
على طريق الشرقية
هاه نحصل على الفقار ولا...الضلع احب الى النفس هههههههه

[ابو ماجد 2]

صح لسانك يابو ماجد

بعدين وسش التحفه هذا /اقراه من البارح واتردد
على العموم نغتنم الوقت ونتقاسم الحاشي هههه ونقول:
العمر3
ولأنهم توم التوم سواء سواء هي 3

وشكرا


هلا بك يابو مهند
والظاهر عقب هاللي على الخدود كثرت غلطاتك
ابد ياهالشباب من تجي طاري بوسه تضيعون
هههههههههههههههههههه
هلا بك يابو مهند
مالك لوى
ومفتاح الحل مانوهت عليه انت ( كيف توم والفرق سنتين )

[ال-رايق]

طيب يابو ماجد
12
او 102
وسلامتك

[ابو ماجد 2]

الديرة يابو ماجد

سعد
على طريق الشرقية

هاه نحصل على الفقار ولا...الضلع احب الى النفس هههههههه


مالك لوى يابو مهند
تمعن هالابيات خذ باحتمالات المعاني الباطنه وقد تجده
والديره ماتجهل فطين 00في قلبها نزّل يقين
تنزيل رب العالمين وبعض البشر فعله شنيع

[ابو ماجد 2]

طيب يابو ماجد

12
او 102

وسلامتك


مالك لوى يالغالي
ماترد على الجوال ترى ماهو ضروري ان كان ماهو قريب حولك

[ابوالفهد33]

طيب نقول الديرة

الــ خـــفـــجــــي

[ناصر العلي]

نعاود المحاولة يالغالي
تقول الديرة
في.... قلبها نزّل...يقين
يعني
فيقيني
جت معي كذا وبالشرقية ماعندنا ديرة بهالأسم
أنا ماشي صح وإلا أغير الدايركشن
والعمر يقول تومٍ ...يعني تو..إثنان...من
يعني...منين...والمن...ستة عشر كيلو*2=32 وعمره34
أو
المن : يساوي 30 أوقية أما الوزن الانجليزي فيساوي 138 رطلا 13 أوقية ونصف ويستخدم المن في بيع التمر والرز والقمح والملح والبصل وغيرها .

30*2=60 عمر العجوز....والشايب+2=62

[ابو ماجد 2]

طيب نقول الديرة




الــ خـــفـــجــــي


مالك لوى يالغالي

[عايش الذرب]

الديره مكـــــــــه

والشهر عليك مبارك يابوماجد

[ابو ماجد 2]

نعاود المحاولة يالغالي

تقول الديرة
في.... قلبها نزّل...يقين
يعني
فيقيني
جت معي كذا وبالشرقية ماعندنا ديرة بهالأسم
أنا ماشي صح وإلا أغير الدايركشن
والعمر يقول تومٍ ...يعني تو..إثنان...من

يعني...منين...والمن...ستة عشر كيلو*2=32 وعمره34


هلا بالدكتور
مالك لوى
وجرب وجهه اخرى بالتفكير

[ابو ماجد 2]

الديره مكـــــــــه

والشهر عليك مبارك يابوماجد

هلا بك يالغالي
مالك لوى
والديره بالشرقيه

[حمد؟؟]

ابوماجد
ممكن تصير الديره
عنك
ن < السوره في القران
وممكن العمر
اللي هو السنتين مفردها سنت
والسنت هي عمله
والدولار فيه 100 سنت
__________
عفوا
السنت يعادل خمس هلالاة
والسنتين عشر هلالاة
يعني
الشايب والعجوز كبر بعض
10الشايب
10العجوز
لاكن عشر سنين عشر قرون
الله اعلم
هههههههه

[ابو ماجد 2]

ابوماجد

ممكن تصير الديره
عنك
ن < السوره في القران
وممكن العمر
اللي هو السنتين مفردها سنت
والسنت هي عمله
والدولار فيه 100 سنت
__________
عفوا
السنت يعادل خمس هلالاة
والسنتين عشر هلالاة
يعني
الشايب والعجوز كبر بعض
10الشايب
10العجوز
لاكن عشر سنين عشر قرون
الله اعلم

هههههههه


هلا بك يابو طيف
مالك لوى يالغالي
وفكر بهالشطر
في قلبها نزّل يقين

[حمد؟؟]

هلا بك يابو طيف

مالك لوى يالغالي
وفكر بهالشطر
في قلبها نزّل يقين



هذا اللي افكرفيه
قلبها
يعني ممكن يكون المطولب في وسط المدينه
او ممكن اذا قلبت اسم المدينه
يطلع معك النزل
مثل
السعيره
سعير هي جهنم على مااعتقد
لاكن ممكن تكو ال ماتعتبر من الحروف المطلوبه

[ابو ماجد 2]

هذا اللي افكرفيه

قلبها
يعني ممكن يكون المطولب في وسط المدينه
او ممكن اذا قلبت اسم المدينه
يطلع معك النزل
مثل
السعيره
سعير هي جهنم على مااعتقد

لاكن ممكن تكو ال ماتعتبر من الحروف المطلوبه


ياسلام عليك قلبها اي قلب اسمها
انتظر تريحنا من اسم الديره

[ابوالفهد33]

هاروت

وعكسها

توراه

[ال-رايق]

ماتجي الديرة /
القيصومة
نزل (الصوم).
==============
او
==============
حفر وعكسها رفح
---------------------------------------------------------
والعمر كلهم سواء لنهم توم:
ستين60......../ون نحذف النون من سنتين

[ناصر العلي]

يمكن
تاروت
وتراه لأبوالفهد إن كانه صح

[ال-رايق]

طيب في القطيف /
تاروت
صح علي او مسروقه

[حمد؟؟]

ممكن بقيق
واذا قلبنا بقيق
يصير
قيقب
والقيقب هو شراب الليمون على ذمت قوقل

[ابو ماجد 2]

هاروت



وعكسها



توراه


هلا بك يابو فهد
لله درك يالغالي
قصدك
تاروت
وقلبها منزل التوراة وبعض الناس فعلهم شنيع بماقاموا به من تحريف

[ابو ماجد 2]

ماتجي الديرة /

القيصومة
نزل (الصوم).
==============
او
==============
حفر وعكسها رفح
---------------------------------------------------------
والعمر كلهم سواء لنهم توم:

ستين60......../ون نحذف النون من سنتين


الديره اتى بها ابو الفهد
تاروت
العمر صح لسانك 60
ولكن اعطاك عمر العجوز بالميلادي ستين سنه وعمره هو حسبه بالهجري ليصبح 62 سنه ففرق الهجريه عن الميلاديه كل ثلاثين سنه تفرق سنه
وبهذا تطوا صفحة اللغز
الاسم ماهر 0 رهام الحل عند تميمي
الديره تاروت الحل عند ابو الفهد
العمر 60 بالميلادي و62 بالهجري الحل عند ابو مهند
لله دركم جميعا

[ابو ماجد 2]

يمكن

تاروت

وتراه لأبوالفهد إن كانه صح


بيض الله وجهك انت وابو الفهد
وبيض الله وجيهكم

[ابو ماجد 2]

طيب في القطيف /

تاروت

صح علي او مسروقه


هلا بك وتاييد موفق

[ابو ماجد 2]

ممكن بقيق

واذا قلبنا بقيق
يصير
قيقب

والقيقب هو شراب الليمون على ذمت قوقل


هلا بك يابو طيف
واللغز انتهى يالغالي

[محمد الظاهري]

كفو ابوفهد
وكفو فيك يابوماجد
ليتني لاحقت على التحدي الرائع
ابيات تطرب
وكل عاام وانت بخير
تحياتي

[ابو ماجد 2]

كفو ابوفهد

وكفو فيك يابوماجد
ليتني لاحقت على التحدي الرائع
ابيات تطرب
وكل عاام وانت بخير

تحياتي


هلا ومليون هلا
هلا بالغالي
اللغز يكفينا منه تشريفك