على وشك شراء جهاز نوفي من موقع قارمن ... سؤال اخير فزعتكم

[GX.3]

اخواني

على وشك شراء جهاز نوفي

من موقع قارمن الرسمي



يجي عليه خريطة امريكا فقط



سؤالي


اذا وصلني السعودية هل اقدر اركب عليه خريطه الشرق الاوسط مثل اي جهاز

ولا راح يرفض واتورط فيه ؟؟

ارجو الاجابه على هالنقطه


ولكم الاجرررررررر

[برق الشتاء]

السلام عليكم ورحمة الله وبركاته

اخي الكريم لم توضح موديل جهاز نوفي الذي تنوي شراءه

وعلى كل حال : اغلب أجهزة النوفي مهيئة للإستخدام العربي واجهة عربية وصوت عربي
وتوجد موديلات نادرة غير معربة ولا تقبل التعريب

أما الخرائط لاتحمل لها هما فخريطة الشرق الاوسط متوفرة بالمنتدى وخرائط الصحراء موجودة مكركة تجدها على النت ان شاء الله .


اتمنى لك التوفيق

[GX.3]

حيآك الله ياغالي

انا ناوي اشتري جهاز

نوفي 40


سعره عندنا بالرياض 1000 ريال

وبالموقع الرسمي بــ 400 ريال فقط


بس مايجي عليه الا خريطة امريكا

هل اقدر اركب عليه خريطة الشرق الاوسط سواء من المنتدى او من غيره

أو ما اقدر ؟؟؟؟؟؟؟؟

واتورط فيه


شكرا لك

[برق الشتاء]

تصحيح معلومة نوفي 40 بضمان سنتين من دار موجه موجود بالمنتدى لدى بعض الزملاء بـ 500 ريال جاهز بالخرائط وسوفتوير محدث
موجود لدى هذا الزميل
http://www.mekshat.com/vb/showthread.php?t=503717
وزملاء آخرين


وعلى كل حال
الخرائط متوفرة ان شاء الله
واللغة العربية من اللغات الأساسية الموجودة بالجهاز من المصنع


ومبروك الجهاز


اتمنى لك التوفيق

[برق الشتاء]

وهنا بـ 450 جاهز ولكن لم يتطرق للضمان
http://www.mekshat.com/vb/showthread.php?t=515482

[GX.3]

ماقصرت بيض الله وجهك


انا حاب اشتريه من الموقع كتجربة شراء من برااااااا


وكان يهمني سؤالي

هل اقدر اركب عليه خريطه الشرق الاوسط اذا وصلني

وجاوبتني انت مشكووووووورا


نعم اقدرررررررررر ..


جار الشراء الان

تحياتي لك

[برق الشتاء]

وجهك ابيض يالذيب

يبقى الخيار لك

وبالنسبة للخرائط متوفرة ان شاء الله

[أبوسعد111]

النوفي 40 كان عليه عرض بأول الإجازة عند دار موجة بسعر 399 ريال
وضمان وتحديث مدى الحياة
لعلهم زادوا الآن سعره بحدود 500 ريال

موفق

[GX.3]

صلو على رسول الله

اقسم بالله العظيم ان اخوي اشترى نوفي 40 قبل اسبوعين من دار موجه

بـــ 900 ريال


حسبي الله ونعم الوكييييييل

[برق الشتاء]

اللهم صلي على محمد وعلى آل محمد وصحبه أجمعين

900 ريال :eek::eek::eek: شيء غريب جدا

هنا بموقع دار موجه نوفي 40 بـ 499 ريال
http://www.darmoja.com/garmin/nüvi-40.html

اكيد حاسبين حق الخرائط حسبي الله عليهم

قول لأخوك يرجع لهم وياخذ حقه منهم


موفق خير

[GX.3]

بان السر

حسبو عليه الخريطه بـــ 500 ريال لوحدها

افااااااااا

بس الله يعوضه


وانا ما ابي يصير لي نفس الشي

عشان كذا باشتريه من برا واركب عليه خريطه الشرق الاوسط اللي بالمنتدى

شكرا لك اخوي برق