ابي حل من اهل الخبره

[فوق الثريا]

السلام عليكم
ياجماعة الخير انا عندي جروتين عمرهن 6 شهور و7 شهور
حاولت ادربهن لاكن لي شهر الحين ومافيه اي فائده لا ركوب ولا صيد وحده منهن جفوله
وش رايكم وش الحل

[عواد الشمري2]

ريح راسك حطهن مع سبق مدربات وركبهن معهن وحولهن معاهن وماعليك تزين امورهن

[راعي ضببيان]

ريح راسك حطهن مع سبق مدربات وركبهن معهن وحولهن معاهن وماعليك تزين امورهن
مثل ماقال اخوي عواد

[سنافي الجزيرة]

والله انا اقول حطها معا سلقان مدربه وهده معا سلقان متعوده عليه والنشالله انفعك

[سهم الزود]

السلام عليكم..
مساء الخير
اخــوي خذ ها نصيحه مني دربهن اول على الصيد الركوب والنزول امره سهل وبسيط اهم شي خذهن لحالك واحسن مكان يكون في بر ماحولك ناس وخذ لك ارنب صغير وخلهن يلعبن عليه الثنتين ولا امسك لهم جربوع وربطه في خيط (خيط ثقاله اذا تعرفه اذا ماتعرفه رح اقرب محل حق رحلات وقله عطني خيط ثقله يعطيك على طول .لاطول الخيط مره )او لف على رجل وحده شرططون على مفصل الرجل مارح يكون سريع لاكن اركوب توهم صغار عليه خلها مع سلق مدرب تركب وتنزل معها بدون ماتكلمها انت هي تبي تشوف السلق يوم ينزل وتنزل معه والركوب مادري وش سيارتك اذا كان جيب ربع فك الباب الخلفي وهي تبي تركب من حالها بس ابعد عن السياره عشان ماتخاف منك اما اذا كان حوض هم فك لها باب الحوض وجها من جهه خلها تروح يم السياره ونت من خلفها اهم شي مثل ماقلتلك خذها في مكان بعيد عن الناس والبيوت عشان لو اذا نزلته في مكان خلاء او خبت مافيه احد يركدن ويهداء الجفول اصلن معاد فيه مكان ينحاش له مامعه الا السياره يبي يركب من الخوف لكن انت دربها على الصيد اول خل الركوب يبي يركبن وينزلن من حالهم واسف ع الاطاله ولونك في الطائف قريب مني جيتك برسم الخدمه وديتك مكان يحبه قلبك لي تنشري السلق وتدريب تفكه ومطرقين في ظهر الجفول يروح لين يطيح الي برسه ويرجع لك ههههه مافيه مكان ينحاش له غير السياره وهم اسف مره ثانيه وتقبل مرووري

[فوق الثريا]

يبيض الله وجوهكم يالذيابه

[ابو ثآمر]

الله يعينك على الجرااااء

[هاوي بندق]

الربع ماقصرو