ياسايـق الفنجـال للعـود عـدّه

[محمد الدهيمي]

اخواني اعضاء وزوّار منتديات مكشات


ارجو ان تنال هذه القصيده رضاكم


ياسايـق الفنجـال للعـود عـدّه ===== اللي مـع الجـلاس كنّـه لحالـه
ان كان تعرف قيمة النـاس بـدّه ===== قدّام من يمـلا المجالـس جهالـه
وقـدّام مـن يستحقـره مايـودّه ====وقدّام من يرفـى خمالـه ريالـه
هذا من اتلى اهل النظا والاشـدّه ====اللي لهم في كل مركـاض قالـه
قلط عليك ظـروف وقتـه تحـدّه ==== الله لايجـزى الحسانـي عيالـه
مايملك اللا اللـي تشوفـه بيـدّه ==== اللي ليا مـال ركـزه وارتكالـه
وقته ونصف اهل اخر الوقت ضدّه ====مشيبـه ميـل الزمـان وعدالـه
وطيّب ومرهقتـه حيـاة المكـدّه ==== ولايرهق الرّجال غيـر الشكالـه
وصبيت فنجالـك وطرفـك تلـدّه ==== للّي من امـوال المرابيـن مالـه
اللّي يحسب ان المراكـي مخـدّه ==== يميـل ويمـدّ القصـار الجلالـه
واليا هرج لو يقف فالريـع سـدّه ==== وبالفعل مافـال النشامـى بفالـه
وعن الصحن لاحطّ محدن يـردّه ==== تقل معه من كل حاظـر وكالـه
وليا وصل بطنه من الـزاد حـدّه ====غسّـل يديـه وقـام يسبرنعالـه
والمشكلـه يلقـى رجـالٍ تعـدّه ==== قدم النشامى طايلـة كـل طالـه
وتنزلـه منـزال ماهـوب قـدّه ==== والبكر اله فنجـال والـلا بيالـه
وانته معزّب ولـك مـدّه وضـدّه ==== والحـق للّـي شايباتـن سبالـه
اللي قلط وظـروف وقتـه تحـدّه ==== ولاذاق من دلتـك غيـر الحثالـه



مـحــمــد الـدهـيـمــي

[العطيشان]

أخ محمد الدهيمي

صح لسانك مليووووووون على القصيدة الجزلة


وللأسف نشاهد من لا يحترم كبير السن ولا يقدره


لك تحياتي وتقديري

[برق المزون]

قصيده مميزه وتحكي واقع فعلاً موجود بشده
الواجب تقدير كبار السن في المجالس وإعطائهم الاولويه في كل شئ
والافساح لهم في المجالس وأمور كثيره انتم تعلمونها
أُلاحظ على بعض الشباب هداهم الله إهمال هذه الامور والتساهل بها
ولا الوم الشاعر لأنه قال القصيده وبداخله حرقه ومراره من ما يرى من عدم إنزال بعض الرجال منازلهم سواء كانوا كبار سن او غير ذلك
خللك عزيز النفس تنعم بدنياك

[برق المزون]

آسف اخوي محمد والله من روعة موضوع القصيده استرسلت في الرد ونسيت ماقلت لك
صح لسانك وتسلم ابدانك

[ولد شقرا]

صح لسانك وللأسف هذا الواقع :no2:

[أبوسرحان]

صح لسانك ..............؟؟؟؟؟؟؟؟؟؟

http://www.9q9q.org/index.php?image=ix5jIEnkJB3

[مقدور]

صح لسانك وماننحرم جديدك وخصوصا في مثل هاالعادات الاصيله

والقصائد المكشاتيه

ولك تحيااااتي

[أبو شعلان]

بسم الله الرحمن الرحيم

واليا هرج لو يقف فالريـع سـدّه ==== وبالفعل مافـال النشامـى بفالـه
وعن الصحن لاحطّ محدن يـردّه ==== تقل معه من كل حاظـر وكالـه
وليا وصل بطنه من الـزاد حـدّه ====غسّـل يديـه وقـام يسبرنعالـه


أخوي محمد صح لسانك وبيض الله وجهك وفيت وكفيت :good:

الصراحه قصيده مليانه بالحيل بالحيل

ــــــــــــــــــــــ وتقبل تحياتي ـــــــــــــــــــــــ
:j

[الغانم1]

الأخ محمد الدهيمي
بيض الله وجهك على هذهي القصيده
التي تحكي الواقع للأسف

[ابوالجازي]

السلام عليكم ورحمة الله وبركاته
اوي والله قصيده يامحمد الدهيمي صح لسانك ولا فض فوك
ماشاء الله عليك ولا تخلينا من مثل هالقصيده

[محمد الدهيمي]

اخوي العطيشان


ياهلا وغلا


ولاهنت على المرور والكلام الطيب

[النداوي HZ2AF]

صح السانك ورحم الله والديك
وهذه من الأداب التي حث عليها ديننا الحنيف
حيث جاء في سنن أبي داود 4203

حَدَّثَنَا إِسْحَقُ بْنُ إِبْرَاهِيمَ الصَّوَّافُ حَدَّثَنَا عَبْدُ اللَّهِ بْنُ حُمْرَانَ أَخْبَرَنَا عَوْفُ بْنُ أَبِي جَمِيلَةَ عَنْ زِيَادِ بْنِ مِخْرَاقٍ عَنْ أَبِي كِنَانَةَ عَنْ أَبِي مُوسَى الْأَشْعَرِيِّ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّ مِنْ إِجْلَالِ اللَّهِ إِكْرَامَ ذِي الشَّيْبَةِ الْمُسْلِمِ وَحَامِلِ الْقُرْآنِ غَيْرِ الْغَالِي فِيهِ وَالْجَافِي عَنْهُ وَإِكْرَامَ ذِي السُّلْطَانِ الْمُقْسِطِ

أخوك ابو عبدالله

[محمد الدهيمي]

ياهلا وغلا يابرق المزون

[majid-h]

أخ محمد الدهيمي

صح لسانك مليووووووون على القصيدة الجزلة


وللأسف نشاهد من لا يحترم كبير السن ولا يقدره


لك تحياتي وتقديري

[ابوبشير]

محمد الدهيمي صح السانك

اللة يعطيك العافيه

على القصيدة ارئعة

[مزموم]

تسلم والله على الأبيات
وصح لسانك

[محمد الدهيمي]

ولد شقرا



ياهلابك وغلا


وصح بدنك

[محمد الدهيمي]

هلا ياابو سرحان


وصح بدنك

[برق المنشا]

صح لسانك يالدهيمي

كذا الشعر والا بلاش

المعنى جزل والموضوع اجزل والشاعر كفو

[كحيلان 11]

صح لسانك يا الغالي
جزل ما تجيب غير الجزل ...