هل فيه وكريات فارطه بالسبق ...

[خالد العطااوي]

السلام عليكم ورحمة الله وبركاته
يالربع هل فيه وكارى فارطه بالسبق وهل هي موجوده مع احد وابي من واقع تجربه يرد لي خبر
كم القاها حاليا ...

[عاذي]

نسمع عنها ولكن فارط سبق ماكد حصل معي اما طلع وهدد بالأرض وقريب فيه وكارا واجد .

[الذيب المتوحش]

يفيدونك الاخوان

[MMMمخاويMMM]

حياك اخوي الذيب المتوحش.. نعم فيه وكارى فارطه بالسبق شفت وحدة مع واحد من الربع ما شاء الله عليها فيها سبق فارط تضيعها فالسماء مع السوادي ولا يروح...

[خالد العطااوي]

مشكورين ع المرور ولاكن يامخاوي ع حدود كم القاها وياليت تشوف لي بكم القاها ع حدود هل بحدود 4 وحاي بلقاها او ب 3000 وتحت ردولي خبر يالربع هالسنه ودي انقل لي طير بتتديء فيه ...

[عواد الشمري2]

الله الله فيه وكارا فارطه وكارا فاعله

[خالد العطااوي]

مشكور ياعواد ع المرور
يالربع ابي ردود وياليت تذكرولي القاها حول 4 ودون ...

[كلي فخامه]

اذا معك 4000 تنقى تنقيه الوكارى من 2500 الى 4000 وشف مزاد مكه تأخذلك وحش تنقى تنقيه وتدربه على كيفك ... مع تمنياتي بتوفيق وتلقى ان شاءالله مطلوبك

[أبو أمين]

يالربع كلمه فارط كااااااايده والوكري بالذات مخبرت به فاااااارط

الوكارى عينت لي وكري اطيب ما شفت يطلع ويذبح الثلاث وجناحه حيلو اما فارط لا ماشفت

وبعدين السوادي مو كل من صاده فارط والوكري يصيده بطريقه وحده وكني قاعد اشوفه اللحين تلاب يقعد يردم ويسبر لين

ما تنزل الحمامه ثم يورد عليها بعد ١٠ كيلو تزود تنقص ويعلق هذا ماهو فارط هذا تلااااب

الفارط ساعه تاخذ برقعه الا هو لاحق ومعلق بسرعه .

اسعارها انا الوكري اللي تكلمت عنه عينته قبل ٤سنين وبيع ب ٥٠٠٠ ريال

وانا اشوف ان هذا الحد الاعلى لقيمته×

[خالد العطااوي]

انا متقدر انزل المزاد لاني منشغل حيل وابي وجهة نضرككم في الوكارى الفارطه سبق
وياليت هل فيه سبق فرط ومشكورين ع المرور اللي فوق
ابي ناس قد مرت عليها هالوكارى وشفتوها بعيونكم ..

[ســـبــار ربــعـــه]

يفيدونك الربع.
تحياتي.

[خالد العطااوي]

الفايده منك يسبار ان شاءلله ولاقصورن بالباقين خابر عندك طيورن واجد والله مدري ...

[اقدم صقار]

انا مع اخوي ابو امين


ما قد شفت وكري فارط بالسبق

الفارط مثل ما قال اخوي ابو امين هد ولحوق قبل تبعد من محلك


السبق الفارط في الجير ( ولاكن ) يبي صقار شد حيلك وكثر الدراهم



ادري فيه ناس بتنتقد كلامي ولاكن يبقى وجهة نظر تخصني انا .


اخوك ابو منصور

[خالد العطااوي]

طبب اجل مالي غير شويهينه طيبه ..

[خالد العطااوي]

ابيلي سبق وتلحق السوادي سلم ياليتني القاهأ لاني دايم مع هل الطيور اجي ولامعي طير
ودي بطيرن عليه العلم
وفللوسي من 3500 وحوول ...

[عواد الشمري2]

اجل خذ لك شيهانه وهي الي تطنخك ايه تلقا واجد ب3500 و2500 و2000 مهي واحد

[MMMمخاويMMM]

اشكر اخوي صقار قديم.. وابو امين ..

لكن ارجع واعيد كلامي انه يوجد وكارى فارطه بالسبق وهذا شي شفته بعيني ماهو كلام منقول لي من احد ....


واسعارها اخوي خالد العطاوي متفاوته .. لكن رفيقي شاريها بحوالي 4000من الزلفي...

[أبو أمين]

اشكر اخوي صقار قديم.. وابو امين ..

لكن ارجع واعيد كلامي انه يوجد وكارى فارطه بالسبق وهذا شي شفته بعيني ماهو كلام منقول لي من احد ....


واسعارها اخوي خالد العطاوي متفاوته .. لكن رفيقي شاريها بحوالي 4000من الزلفي...

الشكر واصل لك بعد

وانا ياخوك ما اكذبك لكن فاااارط كااااااااايده وحنا بعد شفنا بعيوننا وكارى لين الليل

والله ما شفت منهن اللي ترد المقفي اللي عليه العلم ولا فيها حتى السبوق الممتاز ولا فيها

السبوق الجيد جدا فما بالك بفااااااااااااااارط انا والله اعذرك لانك يمكن ما شفت الفارط

ولا قصورن فيك ويمكن معيار الفارط عندك مثل معيار العادي عند اهل الصنف وانا ماني

واحد منهم لكن اعتبرني متفرج معهم واستانس

عموما سؤال بسيط الوكري الفارط اللي تقول عنه يلحق السوادي النشيييييييط سلم ما تخذ منه

ريشه في اقل من 800 متر ؟؟؟

[ابرق الحرار]

جميع انواع الطيور يوجد فيها فارط ولكن ليس مثل الشاهين البحري والجير

[MMMمخاويMMM]

حياك الله اخوي ابو امين واشكرك على طرحت

لكن يمكن انك ماقد شفت وكري به سبق فارط فأنت معذور لانك ماقد شفت وكري فارط بالسبق ماهوب من المعقول انك شفت طيار كل الوكارى بالمملكه لكن الوكري اللي شفته ما قد شفت وكري بسبقه ورفة جناحه من يوم يطلع من يدك وهو بقلب السماء والسوادي سلم ما يروح..
(حمام الحل)
نقضبه الصبح ونهد عليه العصر سلم مايروح ...

تقبل مروري..

[أبو أمين]

حياك الله اخوي ابو امين واشكرك على طرحت

لكن يمكن انك ماقد شفت وكري به سبق فارط فأنت معذور لانك ماقد شفت وكري فارط بالسبق ماهوب من المعقول انك شفت طيار كل الوكارى بالمملكه لكن الوكري اللي شفته ما قد شفت وكري بسبقه ورفة جناحه من يوم يطلع من يدك وهو بقلب السماء والسوادي سلم ما يروح..
(حمام الحل)
نقضبه الصبح ونهد عليه العصر سلم مايروح ...

تقبل مروري..

مرحبا مره اخرى

اجل وكريكم اما حاله شاذه جدا او فيه بلا هههه جعله يتبارك وتاكلون من صيده

استمتعت بالاخذ والعطا معك تحياتي .

[تميم2222]

اذا بغيت الفارط اللي عليه الكلام .. لا تعدى الجير او الشواهين اما الوكري اغلبه يجي سد فيه ولاهو سبوق و يجيب لك الهم ماوصل صيده تقبل مروري

[ذراع الذيب]

السلام عليكم ورحمة الله وبركاته..
مسيت بالخير ياخوي..

الوكري نوع والشيهانه نوع والحر نوع والجير نوع
ولاقلنا حر فارط ماراح اقارنه مع نوع آخر لأن حنا نتكلم عن مقياس سبق الحرار فقط لاغير وش دخل الانواع الثانيه فيه..
مانقارن معه اي نوع ثاني وكل نوع من الطيور يوجد بها طير فارط سبق والوكري بالنسبه لمقياس سرعته فيه اللي سبقه عادي جدا وهذا الشي يغلب على الوكاره كلها..
وفيه السبوق وفيه السبوق الفارط لاكن قليل منها ومثل ماقلت لكم لايقارن سبق طير بسبق طير نوع آخر..
وتحياتي لكم

[MMMمخاويMMM]

هلا اخوي ابو امين الوكري اللي اقول مافيه بلا يمكن قليل تحصل مثله ...وقبل الحكم على الامور يجب الاستطلاع الكثيف لكي لايحرج الانسان قدام الاخرين..


وانا استمتعت اكثر يحواري معك وان شاء الله الفائدة تعم الجميع..

[MMMمخاويMMM]

السلام عليكم ورحمة الله وبركاته..

مسيت بالخير ياخوي..


الوكري نوع والشيهانه نوع والحر نوع والجير نوع
ولاقلنا حر فارط ماراح اقارنه مع نوع آخر لأن حنا نتكلم عن مقياس سبق الحرار فقط لاغير وش دخل الانواع الثانيه فيه..
مانقارن معه اي نوع ثاني وكل نوع من الطيور يوجد بها طير فارط سبق والوكري بالنسبه لمقياس سرعته فيه اللي سبقه عادي جدا وهذا الشي يغلب على الوكاره كلها..
وفيه السبوق وفيه السبوق الفارط لاكن قليل منها ومثل ماقلت لكم لايقارن سبق طير بسبق طير نوع آخر..

وتحياتي لكم

حياك اخوي ذراع الذيب ومشكور على الكلام الطيب الرائع...

اكيد اخوي انه لايمكن مقارنه فصيله من الطيور بالاخرى بل يجب مقارنتها بنفس فصيلتها واكيد ماراح نقارن الحر بالوكري او الشاهين فكل منها له مميزات خاصه تفرق عن الفصيله الاخرى من سبق او حجم ..فمن المستحيل احد يقارن سبق شيهانه بسبق حر او وكري او جير ..وكذلك الحجم ...وكل فصيله منها الممتاز والجيد والردئ ..حتى على جميع الكائنات وليس الطيور فقط...


سعدت بمناقشتك اخوي ذراع الذيب ...

[أبو أمين]

هلا اخوي ابو امين الوكري اللي اقول مافيه بلا يمكن قليل تحصل مثله ...وقبل الحكم على الامور يجب الاستطلاع الكثيف لكي لايحرج الانسان قدام الاخرين..


وانا استمتعت اكثر يحواري معك وان شاء الله الفائدة تعم الجميع..

مرحبا والظاهر انا زودناها لكن ان شاء الله الصدور علينا وسيعه

انا قلت يمكن فيه بلا او شاااااااذ وحط تحت كلمه شااااذ ميه خط والقاعده العامه

عند اغلب الصقاقير ان السبق مفارق الوكري

وابشرك ان حكمي ما جا الا من استطلاع ولاني من اللي يهذرون بما لا يعرفون يالله لك الحمد

ولا ودي ازعل اهل الوكارى لكن وانا اخوك اللمز ماهو زين اما عطني اياها في وجهي ولا جنب

ولا احرجت نفسي الدعوه اخذ وعطى وكلامك لا انت بتفرضه علي ولا انا بفرض عليك

ولا يعني انك غلبتني ولا يعني اني غلبتك .

اكتفي بهذا القدر عسى الله يجعلني واياك والمسلمين من العتقاء من النار في هذا الشهر الفضيل

[MMMمخاويMMM]

مرحبا والظاهر انا زودناها لكن ان شاء الله الصدور علينا وسيعه

انا قلت يمكن فيه بلا او شاااااااذ وحط تحت كلمه شااااذ ميه خط والقاعده العامه

عند اغلب الصقاقير ان السبق مفارق الوكري

وابشرك ان حكمي ما جا الا من استطلاع ولاني من اللي يهذرون بما لا يعرفون يالله لك الحمد

ولا ودي ازعل اهل الوكارى لكن وانا اخوك اللمز ماهو زين اما عطني اياها في وجهي ولا جنب

ولا احرجت نفسي الدعوه اخذ وعطى وكلامك لا انت بتفرضه علي ولا انا بفرض عليك

ولا يعني انك غلبتني ولا يعني اني غلبتك .

اكتفي بهذا القدر عسى الله يجعلني واياك والمسلمين من العتقاء من النار في هذا الشهر الفضيل


حياك اخوي أبد عادي طال عمرك مازوتها ولاشي..والصدر وسيع ولا فيه شي يدعي لضيق الصدر او الزعل ..هذي وجهات نظر كل واحد عنده وجهه نظر ويدلي بها ليس بمعناه ان الشخص الاخر لازم يقتنع مجرد رأي
(اختلاف الرأي لايفسد للود قضيه)

واللمز وانا اخوك لاتدوره عندي ولاني راعيه ولاني متعود على ناس أهل لمز عشان اتوقع من كل من يبادلني الحديث انه يلمز ..والله يكتب الخير لنا ولك وللجميع المسلمين ..

سعدت بهذه المناقشه الطيبه والحوار الجميل معك اسأل الله العلي العظيم ان تعم الفائده للجميع...

[خالد العطااوي]

بيض الله وجيهكم ومنورين والحوار معكم ماينمل
منها وماتقصرون ع الردود لبى قلوبكم ...