:::::: هنا مشاورات اخبار الجرابيع داخل المملكة ::::::

[رفيق الأمل]

http://www.mekshat.com/pix/upload05/images247/mk45015_allah.gif




أخواني الاعضاء والزوارالأحباب الكرم


كما تعلمون لاحظنا في الآونة الاخيرة كثرة طلبات الاستفسارات عن الجرابيع وحول مواقعها وتواجدها وموسمها فقد رأينا ان يتم تخصيص هذه الصفحة خاصة

بموسم الجرابيع لعام 1433هـ

وتذكروا أخواني الاعضاء والزوارالكرام أولاً وآخراً
كنا ولازلنا "ولله الحمد" محافظين على توجه مكشات في تخصصه ، والتزامه بتعاليم ديننا الحنيف بالمحافظة على الحيوانات المهددة بالأنقراض وكذلك عدم الاسراف في الصيد0

وتذكر اخي الكريم أن الصياد المحترف :

لايصطاد وقت التكاثرللكائنات الحية
لايصطاد الأنثى أوالصغار
لايصطاد الكائنات المهددة بالإنقراض مهماً كان نوعها
لايصطاد أكثر من حاجته


---------------------------------------------------------

عَنْ أَنَس بْن مَالِك قَالَ : قَالَ رَسُول اللَّه صَلَّى اللَّه عَلَيْهِ وَسَلَّمَ " إِنَّ مِنْ السَّرَف أَنْ تَأْكُل كُلّ مَا اِشْتَهَيْت" .وقال صلى الله عليه وسلم : "لاتسرف في الماء ولو كنت على نهر جار"
---------------------------------------------------------



أخوكم المحب
بوعبدالله مشرف الخمية

[GHAAM]

جزاك الله خير يارفيق الأمل على هذي الفكره الممتازه
وكلامك موزون وجميل جدا

أسئل الله أن يتقبل منا ومنكم

[راعي ضببيان]

جزاك الله خير يارفيق الأمل على هذي الفكره الممتازه
وكلامك موزون وجميل جدا

أسئل الله أن يتقبل منا ومنكم

[ابوصالح .]

جزاك الله خير وكلامك والله درر

[هوينا وبتلينا]

جزاك الله خير يارفيق الأمل

[محمد الشرقيه]

الله يمدك آخوي بآلصحه وآلعآفيه

والله يكثر من آمثآلك

"ودي

[سهم الزود]

السلام عليكم
مساء الخير وجمعه طيبه على الجميع
وشكرن لك يارفيق الامل على الموضع وجزاك الله خيررر

[مودع الخلان]

بيض الله وجهك وجعلها في موازين حسناتك

[رفيق الأمل]

السلام عليكم :

لاهالي الاحساء كل واحد يذكر المنطقة بالتدقيق والتفصيل المتواجدة فيها الجرابيع

[هواوي روما]

الله يجزاك خير اخوي : رفيق الامل
الله يجعله في موازين حسناتكك

تحياتي

[رفيق الأمل]

السلام عليكم :
يوجد موقع يكثر فيه الجرابيع خط قطر العقير الجديد بعد الكوبري ب 10 كيلو يمين تجده مليان جرابيع طريق الرياض بعد نقطة التفتيش ب 5 كيلو تجده مليان جرابيع ومن له علم بمواقع ان يفيدنا وجزاكم الله كل الخير

[فوق الثريا]

السلام عليكم ورحمة الله وبركاته
مشكور مشرفنا العزيز على هاذي الصفحه


استطلاع من اهل القصيم عن اكثر الاماكن جرابيع

ومشكورين

[جنون السلق]

الله يجزاك بالخير اخوي
لاكن الجرابيع بالوقت الحالي مو كثر اول
ومالي علم بأماكن تواجها بالأحساء

لاكن تبي " الطايف . مكه . جده "
اعلمك اماكنها المتواجده فيها بكثر
لاكن غيرهم ما اعرف
تقبل مروري

[رفيق الأمل]

الله يجزاك بالخير اخوي

لاكن الجرابيع بالوقت الحالي مو كثر اول
ومالي علم بأماكن تواجها بالأحساء


لاكن تبي " الطايف . مكه . جده "
اعلمك اماكنها المتواجده فيها بكثر
لاكن غيرهم ما اعرف
تقبل مروري



ياهلاً ومسهلاً بك اخوي الغالي وينك طول هالغيبة نسيتنا
الموضوع لا يتعلق بمنطقة الاحساء ياخوي بل كل مدينة يسكن فيها لعضو وهذا للجميع
شاكراً ومقدراً جهودك الخيرة

[هاوي بندق]

يعطيك العافيه على الموضوع يابو عبدلله
والله يجزاك خيير على النصيحه
وعزالله انك صدقت منا من يتساهل في امر هذا المخلووق الصغيير
ويقصدوون مكانه لغرض العب وتتمرين السلق هو صح يمرن لاكن الى تمسكه ياتاكله ياتشويه لسلوقي احسن من رميه
وانا للاسف الشديد كنت من اصحاب هاذي العاده لاتقعوون فيها مثييلي يااخوواني الاعزاء عشان ماتندم مثلي :( لاكن ابشركم ولله الحمد الحين لاطلعت خمس جرابيع بس لتمرين ثم
بالفليزر لما يصيرن حول عشرين وانا واحد من الربع عاد تعرفوون وش يصير هههه:D
الله يهدينا لما يحب ويرضا
_______________
الاماكن الي تتواجد فيها الجرابيع بمحافظة الرس الي طلعت لمها
رامه : دخنه :وفي منطقه بالسحقان يم الدائري قدييم الحين مدري في ولا خلصن ههه: وفي عند العبيل لاكن قليل والمنطقه الى امام العبييل الي فيها الخيام
------------
هاذي الى اغلب الوقت فيها وماارجع الى ومعي الى يسر:D الخاطر:good2:
وشكراا
اخووكم :sهاوي بندق :s

[راعي سحابه]

السلام عليكم. تتواجد بكثره في الأصفر لاجاك الكبري الاول مع خط العقير في مخرج قبل خش معه سيدا وتشوف يسارك عواميد تمشي يسار معها سليته اركب السلليته لين مايجيك سقس ماي لف بعده يسار سيدا بتشوف لك ارض كبيره تطلع لك الجرابيع بالثنين مره وحده

[راعي سحابه]

تتواجد في الدايري لما تجي خط الدايري المظلم ادخله وروح لنهاية للشارع وديور بتل سيدا يمينك ضلع طويل يمشي ارقا فوقه لين ماتشوف لك نزله جامده حول معها وابشر بالجرابيع

[أبا نبيل]

السلام عليكم اخي الكريم راعي سحابه ممكن توصفلي المكان بالضبظ الي في (الدايري)

[الوافي]

وين اكثر الاماكن الي يوجد بها جربيع في الطايف

[أبوعابد 22]

ياربع فيه احد يخبر جرابيع في منطقة الرياض

[Mr.BOBO]

جرآبيع المدينهه وين ي الربععَ

[mohamad_2010]

الله يجزاك خير اخوي : رفيق الامل
الله يجعله في موازين حسناتكك

تحياتي . .

[al-rmali]

يعطيكم العافيه على الموضوع يالربع
أنا والله ماني راعي سلق لكن استمتع بصيد الجرابيع
عز الله ان له وناسة غير
لكن ياشباب المشكله ان أكثر وقت يتوفر به الجرابيع بالنفود بالربيع
وفوق كذا سمعت ان موسم التكاثر الربيع
هل الشي هذا صحيح ؟
واذا صحيح وش افضل موسم صيد له

[ابوعابد11]

اين مكان الجرابيع في الدوادمي

[ابو ثآمر]

يعطيكم العافيه على الموضوع يالربع
أنا والله ماني راعي سلق لكن استمتع بصيد الجرابيع
عز الله ان له وناسة غير
لكن ياشباب المشكله ان أكثر وقت يتوفر به الجرابيع بالنفود بالربيع
وفوق كذا سمعت ان موسم التكاثر الربيع
هل الشي هذا صحيح ؟
واذا صحيح وش افضل موسم صيد له


كل حيوان بري ولآ غيره يرعى فالربيع اكيد بيجي له طعم

[فوق الثريا]

السلام عليكم يا جماعه
يا إخوان ابي مكان تكثر فيه الجرابيع في بريده
وشكرا

[فهد هويدي]

سلام عليكم المشكله ان الجرابيع تتكاثر في الشبوك وتلقاها اغلب بعد في الحجره من ناحيتي انا هذا رأيي

[دندن وغن]

وين اكثر الاماكن الي يوجد بها جربيع في الطايف

اقرب محل للجرابيع بالطايف امش على طريق الرياض لين تعدآ كبري العرفآ الثاني يجيك كبري حضن وعشيرة وتربة ..اطلع معه وروح يسار يم عشيرة وامش كم كيلوو وانزل يمين وتعمق شوي وابشر بهآ

[abokhaled0]

اللي يسأل عن أماكن في الرياض عندك رماح مليانة تشطفك اثنين في وقت واحد .. المكان بالضبط تمسك خط الدمام لين يجيك مخرج رماح تاخذ المخرج وتسيد كأنك رايح لرماح تمشي حول 60 او 70 كيلو تجيك محطة على يسارك فيها محل قهوة شيشة .. اذا وصلت المحطة على يمينك ويسارك ارض رمل مستوية كبيرة ملياااااااااااااااااانة جرابيع

طيب الله لا يهينكم اللي يخبر مكان حول الشرقية يعطيني وصفها بالضبط لاني ما ادل الديرة زين وناوي اطلع جربعة .. الوصف بالضبط والتفصيل الممل الله لا يهينكم

[حفيد بن صعصعة]

يا ليت يفتح موضوع ثاني للجرابيع عاام 1434ه لان فيه فايدة كبيره للناس

[شطبان]

يالربع ياليت تفيدوننا بالجربيع بحايل

[ابوخطف]

صدقت ي حفيد بن صعصعة


اتمنى من اخواني يفتحون موضوع جديد لجرابيع عام 1434ه

[رفيق الأمل]

صدقت ي حفيد بن صعصعة


اتمنى من اخواني يفتحون موضوع جديد لجرابيع عام 1434ه



الموضوع مجدد ولا فيه فرق

[شمري فيد]

من أماكن صيد الجرابيع في منطقة مكة المكرمة
((( طريق الليث القديم )))
وطبعا ذيك منطقة مليانة جرابيع
تطول فيها الغيبات وتجيب الغنايم:good2::good2::good2::good2::good2::good2:: good2::good2::eek::eek::eek:

[شمري فيد]

طريق مكة - الليث القديم طريق كله جرابيع
وترجع ومعك اللي يسرك

[Nnny]

مكان في الرياض مين يخبر جرابيع اول قريب من الرياض

[هاوي بندق]

يااخوان الجرابيع الي تمسكونه بعد هدد السلق عليهه
اتمنا انكم ماترمونها
الافضل تشوا وتطعمها السلق الي عندك
__
والي من الرس ويبي منطقة جرابيع يجين خاص:D

[رفيق الأمل]

لاعضاء الاحساء مع كوبري وانت رايح سوق الغنم تسير لين تشوف محطه بنزين يمينك تجد لفه بعد المحطه تسير لين كيلو تجده ارض متوازنه وممتليه جرابيع

[زياد العنزي]

هههههههههه ياحليل الجرابيع

اسم ماسك حول 20 جربوع

صايدهن صيد مسك السلق مافلتهن عليهن

طيتهن في بيت للجرابيع عندي

جيتهن اليوم العصر ولا فيه 4 اناث جرابيع مولدات

[خطف الروقي]

هههههههههه ربهن عندك

بالنسبه للجرابيع ...؟

ابيلي موقع قريب مني من الرياض فيه جرابيع
ابي موقع معروف واحد جايه تكفون ابي اطلق رجول السلق

[عجب عجب]

http://www.youtube.com/watch?v=Pi2EDuI7f3Y&feature=youtube_gdata_player

اكبر جربوع بالعالم
معقوله ياعيال هذا جربوع والله فكرته كنغر صغير ههههه
...
نفسي ااعرف وين مكانهم والاكيد انه برى المملكه

[رفيق الأمل]

كل الشكر والتقدير اخي الفاضل عجب عجب على المقاطع المميز
لعل من زيادة الهرمونات الجينية ونسبة كريات الدم فيه جعله بهذا الحجم والله العالم

[زياد العنزي]

ايه معقوله والجرابيع لها احجام
ممكن باي مكان تلقاهم ماعليك الا البحث وان شاء الله تلقى كبر الطلي
بالنسبه لي قبل اسبوع لقيت لي واحد تقريباا نفس هالحجم وانا راجع من الحره وسحبت عليه مالنا خلق ننزل عليه

[ابونفال]

معبيه ادنيا في رماح ورضة خريم وهجرة دبيان

[شراع]

يالربع اكثر من عضو سال عن الجرابيع في الرياض

معقوله محد يخبر جرابيع حول الرياض !!!

[0المجروح0]

لا اهالي حائل بالقرب من نادي الفروسيه ونادي الهجن جرابيع واجد
والزريب تبعد عن حائل 30 كيلو تقريبا تلقى جرابيع فل وحصاني
وروضة خريم حول الرياض توجد جرابيع وحصاني
مع الشكر لمشرف الخيمه(رفيق الامل) والشكر للجميع.

[كاشت2]

اخي الكريم تم حذف الموضوع لمخالفتك شروط وانظمة مكشات لانه يمنع بيع والمتاجرة بالحيوانات الفطرية
مشرف الخيمة

[0المجروح0]

السلام عليكم ورحمة الله وبركاته
يوجد بحائل بالقرب من نادي الفروسيه جرابيع
والزريب تبعد عن حائل 30 كيلو تقريبا توجد جرابيع
وروضة خريم توجد جرابيع وحصاني:good2:

[مقزر الحال]

صبحكم الله بالخير .... ونشكر المدير والمشرف ...... رفيق الامل على هالحرص ... بخصوص مدينه الرياض وضواحييها فيه عندك روضة النوره وجنوب منها وعندك في الارض المشبكه اللي عند البرة غرب الرياض

[الشقررردي]

مسهم بالخير

الي يبي جرابيع ويبي يهد مهدات حلوه

حدباء قذله مليانه جرابيع وارضها مافيه ازين منها

الموقع بعد كبري لبخه وحويته بيجيك معبر جمال اطلع مع المعبر يسار ثم يمين الارض ذي مليانه بالجرابيع