دكتورنا نال العماده ينوله (معاد) . حله (ابو مهند 0 ابو بررق)الحل ( فرار مروحة السقف )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

هاللغز هو بمناسبة حصول حبيبنا ناصر العلي لقب عماده
عرض في حينها ولم يحل وحبيت اعادته ومن اراد ان يرمع الله يحييه
وان لم يحل الليله سأقوم بحله
فاللغز اللي يحمل اسم دكتورنا لايليق فيه ان يكون معلق
وبعدين انا شويب اخاف بكرى انسى الحل



دكتورنا نال العماده ينوله= ومن قبلها بالقلب حاز العماده
ان جاب لغزٍ وافيٍ في شموله= ون جاء على الالغاز طبعه اباده
رميه قرارٍ دام عينه تطوله= ماتلمحه عينه يجيبه زناده
واليوم لغزي لو تكاود حلوله= لكن على شرواه مامن كواده
جمعٍ وحول الورع ياتي حصوله= عشرٍ وعشر وعشر جملة عداده
الورع متحرك على امرك نزوله= بين الجموع اللي عرفنا جواده
الورع له عذراء لأمره مثوله= في كل خطوه سرعةٍ او ركاده



اتمنى التوصل للحل

مع تحيات ابو ماجد 0 منتديات مكشات

[ابو ماجد 2]

الاخوة الافاضل
نسيت ان اضع رابط اللغز للرجوع للمراميع والتوضيحات السابقه
http://www.mekshat.com/vb/showthread.php?t=493170

[ناصر العلي]

وعليكم السلام ورحمة الله وبركاته
صح لسانك زعيمنا الغالي
والله يرفع قدرك
وشرواك الطيب ياراع الطيب
لاخلا ولاعدم ياأبوماجد
دمت بألف خير

[ابو ماجد 2]

وعليكم السلام ورحمة الله وبركاته

صح لسانك زعيمنا الغالي
والله يرفع قدرك
وشرواك الطيب ياراع الطيب
لاخلا ولاعدم ياأبوماجد

دمت بألف خير


هلا بك يابو علي
وانت تستاهل معلقات بشهادة الجميع
فقد سكنت بقلوبنا بتعاملك الراقي
كذلك تملك مقدرة ماشاء الله عليك فائقه على ذبح وتفكيك الالغاز اضافة الى نظمها
زادك الله من فضله

[ناصر العلي]

سلمت يالغالي
ويش قولك بـ
مايصير الورع
صنقل السيكل
والعذرا دعاسة السيكل
أو
فرار جهاز السير حق الرياضة
أو
فرار الخلاط
http://4.bp.blogspot.com/-QNS8TAeblSo/TyKhRv0uuWI/AAAAAAAAAZc/wdtQjH9odLU/s1600/file_1.jpg

[ناصر العلي]

محاولة أخرى يالغالي
الورع المؤشر اللي يطلع وينزل بين الأرقام
وتتحكم به ضاغطة الهواء
بجهاز قياس ضغط الدم
http://1.bp.blogspot.com/_FSm8-GqEmfE/SpaE8a17rMI/AAAAAAAACrE/ty4GBRJNLbM/s320/Clinical_Mercury_Manometer.jpg

[ابو ماجد 2]

سلمت يالغالي

ويش قولك بـ
مايصير الورع
صنقل السيكل
والعذرا دعاسة السيكل
أو
فرار جهاز السير حق الرياضة
أو
فرار الخلاط

http://4.bp.blogspot.com/-QNS8TAeblSo/TyKhRv0uuWI/AAAAAAAAAZc/wdtQjH9odLU/s1600/file_1.jpg



ابو علي
انت قريييييييب ولكن
انتظر القاتله

[ابو ماجد 2]

محاولة أخرى يالغالي

الورع المؤشر اللي يطلع وينزل بين الأرقام
وتتحكم به ضاغطة الهواء
بجهاز قياس ضغط الدم

http://1.bp.blogspot.com/_FSm8-GqEmfE/SpaE8a17rMI/AAAAAAAACrE/ty4GBRJNLbM/s320/Clinical_Mercury_Manometer.jpg


الرمعه السابقه اقرب يالغالي

[ناصر العلي]

طيب يالغالي
مايصير الورع
الأسمنت بوسط الخلاطة
تقدر تنزله سريع وبطيء والجموع أعتقد تقصد أسياخ حديد التسليح
والعذراء يمكن المضخة

[صقر السديرات]

صح لسانك فارسنا
وعز الله العزيز انك شاعر
والجهبذ في فن الالغاز ابو علي يستاهل
والرمعة
الماص اللي بوسط السماعة
دمت بخـــــــــــــــــــــــــــــــــير

[ابو ماجد 2]

صح لسانك



وش رايك:



عداد توقيت الفرن


هلا بك يالغالي
رمعه طيبه من وجه طيب
لاتنس ان ماأسأل عنه يامر على بنت
ولا تنس ان مجموع ماحوله بالبيت التالي
جمعٍ وحول الورع ياتي حصوله .....عشرٍ وعشر وعشر جملة عداده
انتظر القاتله يالغالي

[ابو ماجد 2]

صح لسانك



وش رايك:



عداد توقيت الفرن


اخوي ابو الفهد
رديت عليك وتفاجأت ان المشاركه اتت متقدمه عن مكانها يعني ظهرت في مكان ماتقدم على العموم كان ردي
هلا بك يالغالي
رمعه طيبه من وجه طيب
لاتنس ان ماأسأل عنه يامر على بنت
ولا تنس ان مجموع ماحوله بالبيت التالي
جمعٍ وحول الورع ياتي حصوله .....عشرٍ وعشر وعشر جملة عداده
انتظر القاتله يالغالي

[ابو ماجد 2]

ابو الفهد
المعذره يالغالي
يظهر فيه اشكاليه بتسلسل ادارج المشاركات
يمكن السبب بعد ان تم ضبط التوقيت بالمنتدى
فمشاركتي هذه ست ودقيقه بينما مشاركتك وقتها مسجل ست واربعين دقيقه
لذلك ماظهرت معها فالمشاركات تسلسلها حسب الوقت المدون عليها

[ابو ماجد 2]

طيب يالغالي

مايصير الورع
الأسمنت بوسط الخلاطة
تقدر تنزله سريع وبطيء والجموع أعتقد تقصد أسياخ حديد التسليح

والعذراء يمكن المضخة


هلا بك يالغالي
ورمعتك فرار الخلاط هي الاقرب
انتظر القاتله

[ابو ماجد 2]

صح لسانك فارسنا

وعز الله العزيز انك شاعر
والجهبذ في فن الالغاز ابو علي يستاهل
والرمعة
الماص اللي بوسط السماعة

دمت بخـــــــــــــــــــــــــــــــــير


هلا بك يابو فيصل
والشعر له اهله وانا يادوب اقدر امشي فيه لغز وما عدا ذلك يفتح الله
الرمعه ماصادت يالغالي
ورمعة ابو علي فرار الخلاط هي الاقرب

[ابوالفهد33]

صح لسانك

وش رايك:

عداد توقيت الفرن

[حمد؟؟]

ممكن المكرويف
او
حماسة القهوه الكهربائيه
او
ازرت الغساله

[ابو ماجد 2]

ممكن المكرويف

او
حماسة القهوه الكهربائيه
او

ازرت الغساله


مالك لوى يابو طيف

[ناصر العلي]

طيب يالغالي
مايصير
الورع....كاس الخلاط...وعليه مقياس بالجنب
وينزل على ريشة الخلاط

[ال-رايق]

بسم الله الرحمن الرحيم

السلام عليكم ورحمة الله وبركاته

هاللغز هو بمناسبة حصول حبيبنا ناصر العلي لقب عماده
عرض في حينها ولم يحل وحبيت اعادته ومن اراد ان يرمع الله يحييه
وان لم يحل الليله سأقوم بحله
فاللغز اللي يحمل اسم دكتورنا لايليق فيه ان يكون معلق
وبعدين انا شويب اخاف بكرى انسى الحل



دكتورنا نال العماده ينوله= ومن قبلها بالقلب حاز العماده
ان جاب لغزٍ وافيٍ في شموله= ون جاء على الالغاز طبعه اباده
رميه قرارٍ دام عينه تطوله= ماتلمحه عينه يجيبه زناده
واليوم لغزي لو تكاود حلوله= لكن على شرواه مامن كواده
جمعٍ وحول الورع ياتي حصوله= عشرٍ وعشر وعشر جملة عداده
الورع متحرك على امرك نزوله= بين الجموع اللي عرفنا جواده
الورع له عذراء لأمره مثوله= في كل خطوه سرعةٍ او ركاده



اتمنى التوصل للحل

مع تحيات ابو ماجد 0 منتديات مكشات



لالا انا ضد اللي انت تقوله=مافيك بالمرّة مواري عواده
اصبر ونعطي ناصر بعض العموله=مع انتدابه خارج باب العياده
وابو علي يستاهل كأس البطوله=وأنت الزعيم اللي تسلم شهاده
نبغى نرج الملعب عرضه وطوله=دام النسيم الليله ذعذع براده

[ال-رايق]

أبو ماجد الله يسلمك
مايجي حق الاكسجين اللي يعلق على الظهر
وشكرا

[ابو ماجد 2]

طيب يالغالي

مايصير
الورع....كاس الخلاط...وعليه مقياس بالجنب

وينزل على ريشة الخلاط


هلا بك يابو علي
رمعة السابقه مؤشر الخلاط حلوه
ولكن اعتقد هالبيت هو اللي يجعلها غير راكبه بالميه ميه
جمعٍ وحول الورع ياتي حصوله .....عشرٍ وعشر وعشر جملة عداده

[ابو ماجد 2]

اصبر ونعطي ناصر بعض العموله=مع انتدابه خارج باب العياده

لالا انا ضد اللي انت تقوله=مافيك بالمرّة مواري عواده


وابو علي يستاهل كأس البطوله=وأنت الزعيم اللي تسلم شهاده
نبغى نرج الملعب عرضه وطوله=دام النسيم الليله ذعذع براده

هلا ومليون هلا
ماشاء الله تبارك الله
والشعر مايعوقك اطلاقاً يالغلا
وابو علي وانت الكل يستاهل كأس البطوله سواء حل اللغز او لم ينحل
بالعكس يمكن اللغز انا ماسقته بشكل صحيح

[ابو ماجد 2]

أبو ماجد الله يسلمك

مايجي حق الاكسجين اللي يعلق على الظهر

وشكرا


مالك لوى
وفيه رمعه من احد الزملاء اول ماانعرض اللغز وكانت رمعته فرار الغساله وكذلك رمعة ابو علي فرار الخلاط
يمشن بالاتجاه الصحيح

[ال-رايق]

طيب يالطيب
المروحة القعادية
وفيه واحد شرى لعجيزه مروحه قعادية وراح لشغله ويوم رجع قال هاه بشري ياميمتي عساها اعجبتك قالت
(الا والله بس كسرت خاطري ,, تلفت تدورك ياوليدي)هههه..قديمه.
وسلامتك

[ابو ماجد 2]

طيب يالطيب

المروحة القعادية
وفيه واحد شرى لعجيزه مروحه قعادية وراح لشغله ويوم رجع قال هاه بشري ياميمتي عساها اعجبتك قالت
(الا والله بس كسرت خاطري ,, تلفت تدورك ياوليدي)هههه..قديمه.
وسلامتك


هههههههههههههههههههههههه
حلوه يابو مهند
ولكن اقول لا ماني قايل صر مثل المروحه القعاديه تلفت ولكن اقول التفت مرة وحده والحل من نصيبك
انتظر القاتله

[ال-رايق]

المكيف
يابوماجد
ولاطفاي مروحة السقف الابيض
قل نعم
وشكرا

[ابو برررق]

الورع اللي ابلشنا هذا هو الفيش او الزر او المفتاح
وهذا الورع يتحرك على الارقام من واحد الى خمسه
والعذراء اللي تمتثل للاوامر هي مروحة السقف
تزيد سرعتها وتنقص حسب الرقم

[ال-رايق]

ابو ماجد للأمانه
انا سويت تعديل ما انتبهت لرمعة اخونا ابوبرق
لذا ان صادت رمعة مروحة السقف فهي من نصيبه
وتقبل تحياتي

[ابو برررق]

ابو ماجد للأمانه

انا سويت تعديل ما انتبهت لرمعة اخونا ابوبرق
لذا ان صادت رمعة مروحة السقف فهي من نصيبه

وتقبل تحياتي



اشكر لك امانتك اخي الغالي ونحن شركاء في الحل اذن

[ابو ماجد 2]

المكيف

يابوماجد
ولاطفاي مروحة السقف الابيض
قل نعم

وشكرا


الورع اللي ابلشنا هذا هو الفيش او الزر او المفتاح
وهذا الورح يتحرك على الارقام من واحد الى خمسه
والعذراء اللي تمتثل للاوامر هي مروحة السقف

قوم تعاونوا ماذلوا
ابو مهند 0 ابو بررق
لله دركم والله يريحكم دنيا وآخره
نعم
فرار مروحة السقف

http://u.madeinasia.com/img/catalog/201001/1264165220_9362.jpg

مجموع الارقام اللي حوله ثلاثين من صفر الى خمسه مكرر
في كل خطوه اما يهديها او يزيد سرعتها
لله دركما وآسف للزملاء جميعا ان كنت لم اوصل اللغز بالشكل الصحيح

[ابو ماجد 2]

ابو ماجد للأمانه

انا سويت تعديل ما انتبهت لرمعة اخونا ابوبرق
لذا ان صادت رمعة مروحة السقف فهي من نصيبه

وتقبل تحياتي


طول عمرك راقي بتعاملك
وكلكم ماشاء الله رمعتوا بدون لاترون رمعة الآخر
وابو بررق ماشاء الله عليه ماقصر حتى بالشرح

[ال-رايق]

قوم تعاونوا ماذلوا
ابو مهند 0 ابو بررق
لله دركم والله يريحكم دنيا وآخره
نعم
فرار مروحة السقف

http://u.madeinasia.com/img/catalog/201001/1264165220_9362.jpg

مجموع الارقام اللي حوله ثلاثين من صفر الى خمسه مكرر
في كل خطوه اما يهديها او يزيد سرعتها
لله دركما وآسف للزملاء جميعا ان كنت لم اوصل اللغز بالشكل الصحيح




طول عمرك راقي بتعاملك
وكلكم ماشاء الله رمعتوا بدون لاترون رمعة الآخر
وابو بررق ماشاء الله عليه ماقصر حتى بالشرح


صح لسانك ياقدوتنا واخونا/الكبير
ابوماجد
---والاخ لاقال قلنا تم وبيض الله وجهك /ومن هالصفحة احيي اخونا ابوبررق ولو الود ودنا عطيناه جائزة عينية يد بيد وكلكم تستاهلون..ورغبة فيمن هم رجال وغالين شرواه جمعنا معهم هالمنتدى الطيب وبحضور من عليهم الكلام مثلك وشرواك يابوماجد فلا خلا ولاعدم.

[ابو برررق]

صح لسانك ياقدوتنا واخونا/الكبير

ابوماجد
---والاخ لاقال قلنا تم وبيض الله وجهك /ومن هالصفحة احيي اخونا ابوبررق ولو الود ودنا عطيناه جائزة عينية يد بيد وكلكم تستاهلون..ورغبة فيمن هم رجال وغالين شرواه جمعنا معهم هالمنتدى الطيب وبحضور من عليهم الكلام مثلك وشرواك يابوماجد فلا خلا ولاعدم.




وانا احييك اخوي ال رايق على امانتك واسلوبك الراقي ،، والشكر لابو ماجد على اللغز
ولجميع الاعضاء السابقين اللي رمعوا وساعدتنا رمعاتهم في ايجاد الحل .

[ا لجوا ل]

ابو ماجد الله يجزاك خير
ضيعتنا بالحسبه عشر وعشروعشر
يا خوي ماعمرنا شفنا فرار مروحه ارقامه تتعدى خمسه
تقبل تحياتي

[ابو ماجد 2]

ابو ماجد الله يجزاك خير
ضيعتنا بالحسبه عشر وعشروعشر
يا خوي ماعمرنا شفنا فرار مروحه ارقامه تتعدى خمسه
تقبل تحياتي

اخوي الجوال كلامك صحيح وبالغالب يتدرج الى خمسه .


http://u.madeinasia.com/img/catalog/201001/1264165220_9362.jpg


وانا قلت جملة عداداه اي جمعهن
والفرار حق المروحه حواليه ارقام من صفر الى خمسة مكرر
فالجمع يكون
0+1+2+3+4+5+0+1+2+3+4+5=30
والالغاز لازم من التمويه فلو قلت لك ارقامه من صفر الى خمسه مكرر لايصبح لغزاً

[المزيدي4]

صح لسانك يا أبو ماجد
على هاللغز المحبوك
وكفو والله يا أبو برق بيض الله وجهك ووجه أبو مهند على تعاونكم بالحل ..0
لا تكون أنت أبو برق القصيم اللي ماشاء الله ما يستعصي عليه لغز
ذاك الشبل من ذاك الأسد..
..تحياتي للجميع..

[ابو ماجد 2]

صح لسانك يا أبو ماجد

على هاللغز المحبوك
وكفو والله يا أبو برق بيض الله وجهك ووجه أبو مهند على تعاونكم بالحل ..0
لا تكون أنت أبو برق القصيم اللي ماشاء الله ما يستعصي عليه لغز
ذاك الشبل من ذاك الأسد..

..تحياتي للجميع..


صح بدنك يابو سعد
ومرورك بعد حل اللغز وكلماتك الطيبه شهادة اعتز فيها