باشق الامر طبيعي.......صقار الاسياح

[صقار الأسياح]

السلام عليكم ورحمة الله وبركاته
امس قبل الافطار رحت اتمشى حول الديره قريتنا ولقيت باشق يطارد اليمام والقوقسي وصراحه مالي خبره ابد بعبور الجوار انا راعي مقناص حبارى وكروان فقط هل هذا الباشق طبيعي وجوده ام انه دليل على عبور الجوارح لاني ماكنت اشوفه طوال العام
صقار الاسياح
نايف بن مياس الفريدي

[قلب ذيب]

حياك الله اخوي صقار الاسياح .
الباشق بعضه يستوطن الاراضي الجبليه , وبعضه الاخر يهاجر من البلدان القريبه البارده , ووجود الباشق دليل على قدومه ولو ان نجم سهيل بقي منه شهر تقريبا .
لكن شوف لوافي البر أمر جيد المهم انك غيرت جو وجبت لنا خبر طيب . حفظك الله .

[جبار1]

حياااك اخوي ومتواجد منه عينااات

مستوطنه ؛؛؛والأغلب مهاجر بس توه

على الهجره

[جلاد الحباري]

بعضهن يقيض اذا عين الصيد حوله بكثرة وانا اخص المزارع دائما يقيضن فيها وانا شفته قبل شهر حول مزارع وللمعلوميه تراه يفرخ ماعنده مشكله

[SHAAIFK]

بعد له يالغالي زوود عن الشهر

والصبر زين
والله يرزقك كل ماتتمنى والحاضرين

في امان الله
وكل عام وانتم بخير

[(هزاع)]

توالعبور يالله مهل وعافيه
هذا مستوطن

[العميد430]

هلا فيك ياابو طلال ,,,

بعضهن يستوطن واذكر قبل كذا شهر لقيت باشق معشش عندنا بالطيره ,,,,,

بالتوفيق يابعدي

[الطير وكري0]

اي بالله يستوطن ويفرخ