||اختلفت التشكات والرمي واحد||>>>للبيكال

[راعي الشبب511]

السلام عليكم ورحمة الله وبركاته

كيف الحال اخواني
واعانكم الله على صيام الشهر الكريم وقيامه

اخواني اصحاب الخبره في البندقيه الروسيه(بيكال)
كثر الكلام عن التشكات وكل له رأيه لاكن الحاصل ان هنالك من يعارض ويقول هذا الأفضل
واصبحنا نحن المقتنين الجدد لا ندري ماذا نختار
واسعار التشكات من 300 الى 450 مع اختلاف انواعها
يا اخوان افيدوووووونا


وعندي استفسار اخر عن هذا التشك الطويل
اوصاف التشك 4 انش ضيق وبدون اي كتابات




http://up.arab-x.com/Apr12/JBa55182.jpg




والله يعطيكم العافيه
وموسم موفق ان شاء الله

[أبوصالح9]

السلام عليكم
بالنسبة لأفضل تشوك جربته ترولوك 690 ولا عندي نية اجرب غيره -واقع وطيار - والتوفيق من الله قبل كل شي-وميزته مايضر سلاحك ولا يخليك توسوس-تقنص وانت مرتاح حتى لو ترمي ضغوط-مع اني ضد الفشق الضغط - ضغط ( 40 ) جابت الدسم والحمد لله وشوله الهبال اللي ماله داعي-مقيوله (القنص بالركادة والتسرع جهاله )
660 يوسع الماصورة ويهري سلاحك على غير سنع -
وبالنسبة للوصلة الطويلة هذي تقليد مهب اصلية -شركة ترولوك الامريكية ماعندها مثل هالوصل للبيكال ابد

[شاهين12]

وعليكم السلام ورحمة الله وبركاته.
بخير عساك بخير وصحه سلامه .
اللهم اءمين ،وجزاك الله خيراااا.

شف يالغالي :تشوك الفل حليو للقريب 15م وجاي.
ويصلح لطيور الصغيره مثل الفروق (الحصد الصغير).
اما التشوك الطويل هذا اذا كان ترهيم تراه يأثر بجهاز البندق.
لاتاخذه لو بريال .ولو رميه كايف.نصيحه لك.
افضل شي لها من واقع تجربه 690 ترولك الامريكي الاصلي.
يعد من التشوكات الواسعه ليس له تأثير على البندق.

رميه زين افضل تنظيم لها،مع اني فضلت عليه
تشوك660
وخاصه بالمسافات البعيده ،لاكن مشكلته انه تشوك ضيق ، وخطورته
برمي الجرامات العاليه،مع اني رميت

فيه ظغط 50grتدبيل ماشفت الا انها تسخن الماصوره فقط.


(اهم شي بالتشوكات انك تنتبه تنتبه منه لايرتخي وينحل أثناء الرمي)

وماقصرو اخوانا :SilverSniperوابو صالح .
جزاهم الله خير الجزاء بهذا الشهر الفضيل .

وهنا رابط تستفيد اكثر :



http://www.mekshat.com/vb/showthread...57#post5495557 (http://www.mekshat.com/vb/showthread.php?p=5495557#post5495557)

وهنـــــــــــــــــــا
(((( تــشــوكــــات الــــبـــيــــكال )))) (http://www.mekshat.com/vb/showthread.php?t=190883)



والله يوفقنا ويوقفك للعمل الصالح بهذا الشهر الفضيل.

[علوش المقاطي]

ياهلا والله براعي الشبب

نصيحة من ولد عم عليك بتشك 690 ترولوك

من واقع تجربه والموسم اللي راح اطربني في الرهو

[راعي الشبب511]

يل هلا ومرحب يا ابو صالح وشاهين وعلوش
نورتو الصفحه اي كذا ثبتونا على راي :D
اخبارك اخوي علوش كيف موسم الرهو الي عدا عساها فالشحم

[علوش المقاطي]

والله بخير يابعدي

عز الله انها في الشحم والفضل لله

ثم لك يامراسلنا في جده هههههههههههههه

[راعي الشبب511]

هلابك اخوي وحنا في الخدمه لك ولشرواك من النشاما

[النرجسي]

السلام عليكم مبروك عليكم الشهر الكريم
التشوك 690 او680 كا
لهن حلوات والاغلب يفضل 690 اما الاتسك الاربعة انش لا يقربك انا مجربه رميت يمكن 15 فشقة ونشعرة السنة والفشق كان ارسي اصفر 32-7.5 يعني خطير لانه ترهيم واتمنا لك التوفيق

[انا ابو بندر]

بلا منازع ترولوك 690 والطويل من شكله كرهته اصلا مهو ضابط مع البندق كان عندي صناعته باكستانيه

660 والله ماشفت منه شي يقولون يخرب ويفجر انا ماشفت الا انه نشيط بقووه للمسافات ينفع بس عقب كلام العيال عنه خفت منه صراحه واشتريت 690 تورلوك بـ 350 من بريده والحمد لله نتائج طيبه

[عااشق نفود]

ياشباب وين احصل التشكات فيه

[راعي الشبب511]

السلام عليكم مبروك عليكم الشهر الكريم
التشوك 690 او680 كا
لهن حلوات والاغلب يفضل 690 اما الاتسك الاربعة انش لا يقربك انا مجربه رميت يمكن 15 فشقة ونشعرة السنة والفشق كان ارسي اصفر 32-7.5 يعني خطير لانه ترهيم واتمنا لك التوفيق
الله لا يهينك اخوي النرجسي والله خطير ال4 انش

ياشباب وين احصل التشكات فيه
وينك فيه اخوي

بلا منازع ترولوك 690 والطويل من شكله كرهته اصلا مهو ضابط مع البندق كان عندي صناعته باكستانيه

660 والله ماشفت منه شي يقولون يخرب ويفجر انا ماشفت الا انه نشيط بقووه للمسافات ينفع بس عقب كلام العيال عنه خفت منه صراحه واشتريت 690 تورلوك بـ 350 من بريده والحمد لله نتائج طيبه
الله لا يهينك يا ابو بندر مشكور على المرور

[ابوتركي83]

السلام عليكم ورحمة الله وبركاته
اخواني ودي بمشورتكم وما خاب من شاور
اليوم بشوف البيكال الروسيه ودي اشتريها بس ما ادري تستاهل 11500ريال
شوروا عليكم الله يعطيكم العافيه

[رايق 2008]

660

يا بعدي يسوق سوق الخرازه

[سعد القاسم]

الله يعافيك وين نحصل التشوك 690 EF TC

موقعي الرياض ونبي الاصلي من شركة ترو لوك

[رعد سدير]

يمدحون 690 و680
وانا عندي 660 حليل ولاكن ماهو دقيق ومايصلح لطيار وضيق بالحيل




السلام عليكم ورحمة الله وبركاته
اخواني ودي بمشورتكم وما خاب من شاور
اليوم بشوف البيكال الروسيه ودي اشتريها بس ما ادري تستاهل 11500ريال
شوروا عليكم الله يعطيكم العافيه
نصيحه لوجه الله لا تشتريها ماتسوى هالقيمه ....

[انا ابو بندر]

انشهد ماتسوي البيكال طفره وانتهت بعد ماعرفتها الناس وانا والله شريت مستعمل واشتريت جديده لما وصل العدد اربع شوازن بيكال خذ وخل مره نقول تشكات ومره نقول فشق كلها اعذار لها لكنها وجه بن فهره ماتستحي غصب يطلع السبب منها نصيحه لوجه الله خذ امريكي ولا ايطالي واذا مالقيت انصحك بعطيه الله الستوقر واترك سالفه ضغوط وغيره ماوراها الا وجع القلب

[راعي الشبب511]

السلام عليكم ورحمة الله وبركاته
اخواني ودي بمشورتكم وما خاب من شاور
اليوم بشوف البيكال الروسيه ودي اشتريها بس ما ادري تستاهل 11500ريال
شوروا عليكم الله يعطيكم العافيه
هلابك اخوي ابو تركي والله انا شاريها ب 9500 قبل 3 شهور تقريبا
11500 احسها كثير انت من وين

660

يا بعدي يسوق سوق الخرازه
يعطيك العافيه اخوي رايق

الله يعافيك وين نحصل التشوك 690 EF TC

موقعي الرياض ونبي الاصلي من شركة ترو لوك
هلابك مشرفنا الغالي سعد القاسم
دبرلي عدسة 400-100 كانون ودبرلك اطلق تشك:D
والله في الرياض فيه محل يبيع بنشدلك وبردلك برساله


يمدحون 690 و680
وانا عندي 660 حليل ولاكن ماهو دقيق ومايصلح لطيار وضيق بالحيل



نصيحه لوجه الله لا تشتريها ماتسوى هالقيمه ....
مشكور اخوي رعد على المرور

انشهد ماتسوي البيكال طفره وانتهت بعد ماعرفتها الناس وانا والله شريت مستعمل واشتريت جديده لما وصل العدد اربع شوازن بيكال خذ وخل مره نقول تشكات ومره نقول فشق كلها اعذار لها لكنها وجه بن فهره ماتستحي غصب يطلع السبب منها نصيحه لوجه الله خذ امريكي ولا ايطالي واذا مالقيت انصحك بعطيه الله الستوقر واترك سالفه ضغوط وغيره ماوراها الا وجع القلب
هلا يا ابو بندر
يعني 4 شوازن بيكال بعدها تجي تقولها وجه ابن فهره ولا تنفع وين راحت العشره
وعساك طلقت الأربع

وعموما مشكور على المرور وابداء الرئي

[ابوتركي83]

الله يعطيك العافيه اخوي انا من المدينه

[عااشق نفود]

انا بالرياض ياراعي الشبب

[عااشق نفود]

ابي 690
كم سعره

[أبوصالح9]

سعره 350 بالقصيم

[راعي الشبب511]

مشكورين اخواني مشكور اخوي ابو صالح

[شمالي و الهوا غربي]

والله اخر المهازل البيكال وصلت هالاسعار؟ ولابعد ماهي روسي اصلي

[وادى الأب]

اذا وصلت القيمة هذي خذا شي يستاهل

[انا ابو بندر]

هلابك اخوي ابو تركي والله انا شاريها ب 9500 قبل 3 شهور تقريبا
11500 احسها كثير انت من وين

يعطيك العافيه اخوي رايق

هلابك مشرفنا الغالي سعد القاسم
دبرلي عدسة 400-100 كانون ودبرلك اطلق تشك:D
والله في الرياض فيه محل يبيع بنشدلك وبردلك برساله


مشكور اخوي رعد على المرور

هلا يا ابو بندر
يعني 4 شوازن بيكال بعدها تجي تقولها وجه ابن فهره ولا تنفع وين راحت العشره
وعساك طلقت الأربع

وعموما مشكور على المرور وابداء الرئي

والله اني بيكالي للنخاع وعاشرتها ياخي مدري احسها مثل الخوي المواصل تسولف عليه يوم تلتفت له الا بسابع نومه:D ابشرك الحين ستوقر كل سنه ترذلون حال الدنيا

[ابوتركي83]

السلام عليكم ورحمة الله وبركاته
بالنسبه للتشوك 660 ترولوك انا مركبه للبريدا وتوني شاريها جديده والتشوك
توني شاريه وما ادري في المنتدى يقولون 660 خطير لانه ضيق ويمكن ياثر
على الشوزن وانا ما ادري اشيل التشوك والا استعمل فشق ضغوط قليله
مثلا 32gr
وش رايكم انتم وش تنصحوني فيه.

[ابوتركي83]

السلام عليكم ورحمة الله وبركاته
اللي يقدر يفيدني التشوك اللي يجي طوله4انش للبريدا او البنلي بلاك ايقل 2
هل هو ضيق وكم ضوقه وهل هو اللي يسمونه الاكسترا فل تشوك
وسلامتكم.

[راعي الشبب511]

والله اني بيكالي للنخاع وعاشرتها ياخي مدري احسها مثل الخوي المواصل تسولف عليه يوم تلتفت له الا بسابع نومه:D ابشرك الحين ستوقر كل سنه ترذلون حال الدنيا

هههههه الله يسامحك بتزعل اصحاب البياكيل يا ابو بندر

السلام عليكم ورحمة الله وبركاته
بالنسبه للتشوك 660 ترولوك انا مركبه للبريدا وتوني شاريها جديده والتشوك
توني شاريه وما ادري في المنتدى يقولون 660 خطير لانه ضيق ويمكن ياثر
على الشوزن وانا ما ادري اشيل التشوك والا استعمل فشق ضغوط قليله
مثلا 32gr
وش رايكم انتم وش تنصحوني فيه.

هلا يا ابو تركي يفيدونك الأخوان ان شاء الله