خرآب بالموتر .. الوكاله والورش ما عرفته ..!! أتمنى أحد يفيدني

[D.luffy]

السلآم عليكم ورحمه الله وبركاته

يالله حيهم

عندنا موتر تويوتا " أنوفا "

طبعاً هالموتر مهنا ورشه ما طبيتها

بالصناعيه القديمه وام الحمام والوكاله والعضيب والوعلان

الخرآب كالتآلي " لا حطيت الموتر بالـ D والموتر وآقف وانا راص فرامل يرج الموتر , وإذا شغلت المكيف تزود الرجه .. طبعاً الرجه تقريباً موجوده بجميع النمر حتى الـ N لكن أخف من الـ D بكثييير "

طبعاً أنا غيرت عدت أمور بالسياره

1 كراسي مكينه
2 بواجي
3 فلتر الهواء
4 صفايه البنزين
5 نظفت منظم الهواء
6 نظفت البخاخات

" وزيآده على ذلك عبيت بنزين 95 , 4 مرات " قلت أجرب يمكن يزين

طبعاً جميع الورش اللي رحت لها اغلبهم قال مآ أعرف حتى العضيب كذلك

رحت للوكاله قعد الموتر 4 ايام .. ما عرفوا الخراب وسووا خصم 50% للكشف وأخذت الموتر وطلعت


هل من أحد يفيدني ..؟

وأعتذر عن الإطآله

[الوافي512]

اخوي شيك على المروحة

لو ينكسر جزء بسيط جدا من الريش ترج المكينة وكلش يرج

افتح الكبوت وتاكد منها بنفسك

[ms662]

شيك علي شيالات الشكمان اذا كان واحد منها منكسر او منفك فيكون نازل علي حديد السياره ويسبب رجه للسياره

[أبـو زهـرهـ]

وعليكم السلام ورحمه الله وبركاته
شوف يأخوي أنا عندي خبره في الفورد وفيه حساس إسمه حساس الإيجار الحساس هاذا متى يشتغل بوقت التسارع يعني لمن تنحط السياره على الدي ويسبب تفتفه لو خرب فأنا مدري عندك الحساس هاذا بمثل موترك ولالا
وإذا تبي نصيحتي سو تنظيف للثروتل ودها عند أبويمن وقوله سو تنظيف للثروتل ب50 ريال يسويه لك وقوله برضوا ينظف منظم الهواء وحساس الدعسه

[D.luffy]

اخوي شيك على المروحة

لو ينكسر جزء بسيط جدا من الريش ترج المكينة وكلش يرج

افتح الكبوت وتاكد منها بنفسك


المروحه قاعدتها اللي تحت يمين منكسره

هذا اللي عرفوه الوكاله .. وحتى ما قال الخراب منها .؟

هقوتك يعني من هالمروحه ؟!

[D.luffy]

شيك علي شيالات الشكمان اذا كان واحد منها منكسر او منفك فيكون نازل علي حديد السياره ويسبب رجه للسياره

يعطيك العآفيه على المعلومه

وبأجرب وأشوف



وعليكم السلام ورحمه الله وبركاته
شوف يأخوي أنا عندي خبره في الفورد وفيه حساس إسمه حساس الإيجار الحساس هاذا متى يشتغل بوقت التسارع يعني لمن تنحط السياره على الدي ويسبب تفتفه لو خرب فأنا مدري عندك الحساس هاذا بمثل موترك ولالا
وإذا تبي نصيحتي سو تنظيف للثروتل ودها عند أبويمن وقوله سو تنظيف للثروتل ب50 ريال يسويه لك وقوله برضوا ينظف منظم الهواء وحساس الدعسه



أنا نظفت منظم الهواء ولا زان

بأشوف اللي تقوله .. وجزآك الله خير

[ماجد الهلالي]

اخوي فيه طريقه شيك عليها وسهله جداً

افصل منظم الهواء والموتر شغال وجرب اذا ما تغير شي يصير ان السبب هو المنظم عندك خربان لانه حساس جداً واذا تغير الوضع وطفت السياره يكون سليم وجرب مثل ما قال أخونا المروحه او يفيدونك الاخوان
هذا مجرد محاوله مني

[D.luffy]

اخوي فيه طريقه شيك عليها وسهله جداً

افصل منظم الهواء والموتر شغال وجرب اذا ما تغير شي يصير ان السبب هو المنظم عندك خربان لانه حساس جداً واذا تغير الوضع وطفت السياره يكون سليم وجرب مثل ما قال أخونا المروحه او يفيدونك الاخوان
هذا مجرد محاوله مني



أنت قصدك حسآس الهوآء ؟

اللي بعد الفلتر على طول ؟

الحساس مضبوط لا فصلته يطفى الموتر

بس المروحه هذي جديده علي

يبي من يشيك عليها

[7ابو نواف7]

شيك على طرمبة البنزين يمكن ضعيفة

[sgl2002]

اخوي

الموتر وهو في N يعني شغال عادي

هل فيه تفتفه والا نفظه

والا ماتجي المشكلة الا وانت معشق وداعس بريك

والرجه هل هي ترج الموتر كامل والا بس صوت

طيب واخر شي هل جربت مواتر زي موترك ؟؟

[D.luffy]

اخوي

الموتر وهو في N يعني شغال عادي

هل فيه تفتفه والا نفظه

والا ماتجي المشكلة الا وانت معشق وداعس بريك

والرجه هل هي ترج الموتر كامل والا بس صوت

طيب واخر شي هل جربت مواتر زي موترك ؟؟


لا ما فيه تفتفه بس الرجه

تكون خفيفه بالـ N

لكن مع الـ D وداعس بريك ومشغل المكيف تكون قويه

لا الموتر كاااامل

ايه مجرب كثير :D

وانا الموتر اول ما فيه رجه ابد

[abo naser 1]

السلام عليكم

أخوي انا عندي نفس مشكلتك رجة او نفظة بالموتر اثناء الوقوف ووضع N وتزود بوضع D مع ضغط الفرامل مثلاً عند الاشارة وهذا مع التكييف طبعاً

حطيت سلك اضافي ارضي _ من البطارة للمكينة وتحسن تقريباً أكثر من 60% والحمد لله اعتبر الموتر الأن شبة طبيعي

هل سبق للسيارتك ان تعرضت لحادث بالمقدمة؟؟؟

[ابو فهد العزي]

الله يعينك
انا بدلك على شوية امور انشاء الله يكون منها
1 / شيك على البلوف في المكينه
يمكن واحد قافل او اثنين مقفلين يسببون رجه بالمكينه
وتكون واضحه اكثر معى الوقوف وكل مازاد الحمل على المكينه تزيد الرجه
مثل المكيف السيور مشدوده زياده

2 / بلف الهواء في لي هواء الباكم ممكن مقفل
افصل الي من عند الباكم وجرب فيه تغير
ملاحضه الفرامل بتكون الدعسه ناشفه

3 / المروحه 100% اذا ماهي ثابته او مكسوره
تسبب رجه تئكد من الروحه اول" وثبتها
وبعدين شف الفرق

هذا الي اعرف واتمنى اني افدتك
والله يعينك

[الوافي512]

فك المروحة طيب وتاكد

[D.luffy]

^^

الله يعآفيكم ويجزاكم خير يارب

بأجرب بالمروحه وأرد لكم خبر


شكراً جزيلاً لكل من رد

[ابيض واسود]

بسم الله الرحمن الرحيم

وعليكم السلام ورحمة الله وبركاته

اولا احب ان اضيف نقطه للموضوع وهي ان المكنيكي المتمكن ليس من يقوم باصلاح

العطل ولاكن المكنيكي المتمكن في نظري من يستطيع التشخيص السليم لان الصيانه ليست حكرا

على وكاله او ورشه محدده وليست سرا من اسرار الزمان ولاكن التشخيص يحتاج الى معرفه

جيده للمشكله وفهم المشكله ومعرفة الاسباب والمتعلقات والمترابطات والنتائج لهذه المشكله

وهي التي لايمكن اكتسابها الا من خبرة السنين والتعليم في الاساس السليم

وهذا احببت ان اهون عليك مشكلتك حتى لاتتكدر ولاتعطي المشكله اكبر من حجمها او اصغر منه

تاكد اخي هناك من الورش والعماله في الوكالة منهم لديهم كفائه عاليه ومتمكن ولاكن اعتاد على الاعطال

المعتاده ممى ادى الى نسيان العلم الذي تعلمه او نسيان بعض العلم ولاكن يبقى لو يملي النظر في

المشكله لوجد لها حل

اما الان فاحببت ان اقدم لك مارى وعلى حسب مافهمت وان اصبت فهو من الله الذي من علي وان اخطئت

فهو مني ومن عملي وعمل الشيطان سائل الله ان يوفقني وياك وان ينيران على الدرب السليم

لايخفى عليك ولا على القارء ولا على جميع الورش ان الان السيارات تنزل بانضمة تحكم الكتروني

مما يستدعي واصبح التحكم الكامل في السياره يتم عن طريق اوامر من عقل السياره اي الكمبيوتر باسمه الشائع

انا لا ارى المشكله لديك مكنيكيه ابد لسببين الاول فحص السياره مكنيكي لدى كم ورشه حتى انت لابد انك

فتحت كبوت السياره وجلست تبحث عن المشكله ولم تجدها والسبب الثاني ان المكنيكى شيء محسوس وملمووس

وتسطيع ان تراه بالعين المجرده

فانا هنا اقول ان المشكله تكون الاكترونيه والاكترونيات لايخفى عليك انه لايمكن عليك ان تراها

ولايمكن لاي احد بالعالم ان يرى الكهرب بوجه عام فهنا تكمن مشكلتك ان لاحد يستطيع ان يرا الكهرب

لكي يستطيع ان يحدد المشكله من هنا ولان في الاكترونيات نستعين باجهزه لكي نستطيع ان نرا الكهرب مثل

الذي لايستطيع ان يرا الا بنضرات لو قمت باعطائه نظرات غير مناسبه لمقاس نضره لن يستطيع النضر

هذا اذا ماتفاقمت المشكله لديه فالاجهزه هنا هي كالنضرات فلا بد لك البحث عن شخص مبرمج متمكن

يجيد التعامل الكامل مع البرمجه والتعامل مع الاكترونيات في عقل السياره الكمبيوتر هنا اتوقع ان تجد من

يشفي غليلك ويخبرك بما يراه لان المتمكن في البرمجه تضهر له الرسومات البيانيه للمستشتعرات اي الحساسات

المتواجده بالسياره ويقوم بفحصها والتشيك عليها وفحص اكترونيات السياره ككل واتمنى ان يجد لك المشكله





اما انا على حسب مافهمت منك وعلى حسب ماشرحت استطبع التشخيص مبدائيا لمشكلتك في نضام الحقن الاكتروني

اي بالبلدي مثل مايقولون وبتكلم معاك بلبلدي حتى توضح الصوره واذكر اسباب التشخيص

ان المشكله من دائرة البنزبن اما المشكله في نقص البنزين او المشكله في خليط الهواء في البنزين

وهذا هو السباب طبعا لازم تجرب موترك في عزمه كيف وكيف قبوله للدعسه طبعا ممكن انت تقول هذا الرجال

مسوي فيها فلم من اليوم واخر شيء راح يقولي المشكله من البنزين من حقك تستغرب لاكن اسمح لي ان ابين

لك اهم العناصر في دائرة التغذيه للبنزين

1 تانكي طرمبة بنزين 2 مواصير 3 ليات 4 فلتر 5 رقليتر 6 بخاخ 7 راجع البنزين

اما المترابطات مع هذه الدائره والي انا اذكره الحين

1 حساس قياس برودة الهواء 2 حساس قياس كمية الهواء 3 حساس الخليط مابين الهواء والبنزين

4حساس لمعرفة حرارة السياره لضخ الكميه المناسبه من الخليط 5 حساس الاوكسجين لعدم تلوث البيئه

6 حساس الحماي

هذا ماهو اذكره الحين ولو كنت مكانك الكان سجلت هذا الكلام كله في ورقه ورحت للمبرمج عليه الكلام

وشرحت له المشكله واذا فحص ولا عرف المشكله طلبت منه فحص هذي الامور كلها مع زيادة النقطتين هذي

هل الخليط الداخل للمكينه يتانسب مع الهوا والضغط داخل غرفة الاحتراق

هلل نضام الاشعال بوجه عام فيه مشكله ولا لا

والى هنا اتمنى ان افدت واستفدت واتمنى ان اكون قد قدمت يد العون ولو بشيء القليل

متمنيا حلول مشكلتك باسرع وقت والسلام عليكم ورحمة الله وبركاته

[D.luffy]

^^

يعطيك العآفيه على الكلام المفيد

والله ما قصرت وجزاك الله ألف خير

[محب الشافعي]

اخي الكريم : افحص ضغط الاسطوانات وتأكد من صلاحية عمل البلوف والشواكيش الراكبة على البلوف
ولا تنسى ان تفحص علب الشكمان .
تحياتي

[ابوسند9]

اخوي
شيك على الخرطوش الكبير الخارج من فلتر الهواء وطالع للمكينه لو كان فيه شق خفيف يسوي كذا واكثر

[البدوي انترنت]

يالحبيب تعرضت سيارة اخي لنفس مشكلتك:D وعندما رحنا للوكالة قالوا يبغاله توضيب

وبيكلف حوالي 18الف ريال طبعا عندي خلفية بسيطة عن هذه المشاكل لكن هل السيارة تكتم يعني اذا جات في الطلوع تحس انها تسحب سحب صعب :mad:

طبعا انت دائما تحط بنزين 91 اخضر :r
وهذا مزود بالرصاص الى هو الاكتين وهذا يسوي في الاقزوز كربون لانه رصاص
انت سيارتك الاقزوز مسدود بالرصاص شفلك مكنيكي حق شكمانات :p
وخله ينظف الاقزوز المجاور للمكينة ويصنفره وشيك على البلوف لايكون واحد منها تسكر
بفعل الرصاص وبعدين سيارتك لاتبخل :good2:عليها حط لها بنزين 95 منزوع الرصاص افضل ودمت بود رح الان ولاتنتظر يفتون لك دمت بود

[D.luffy]

يعطيكم العافيه جميعاً

ووالله للحين ما سويت شيء

خوفي ازين فيه واخسر على غير سنع

لو أحد بآخص للخراب ياليت يراسلني او يعرف احد يزينه لي

[v506]

يعطيكم العافيه جميعاً

ووالله للحين ما سويت شيء

خوفي ازين فيه واخسر على غير سنع

لو أحد بآخص للخراب ياليت يراسلني او يعرف احد يزينه لي
شغل الموتر وحط يدك على الشكمان كان الهواء مره يزود وينقص معناته من البلوف وكانه صافي معناه البلوف طيبه

[عبدالله العمرو]

أخي الفاضل : السلام عليكم .....

إذا كنت لا تريد الخساير مثل ما تفضلت ، إذا كنت قريب من الرياض وتعرف الخرج هناك ورشة اسمها الشرق الأوسط جوار ميدان الساعة ....

كان عندي مشكلة تعبت وخسرت كثير من تجارب الميكانيكيين
وأخيرا رحت لهم وركبوا جهاز كمبيوتر صغير مطابق لمواصفات المصنع وعلى طول اكتشفوا أن العطل بسبب شي تافه وتم إصلاحه فوراً ...

مر عليهم ولن تخسر شيء بدل الوسوسة والخساير اللي مالها داعي ....

وبالتوفيق ...

ورجعت سيارتي كأنها شد بلد ما شاء الله ...

[كاشت بالبر]

اذا الـ RPM ينزل وتنتفض السياره

ممكن :

قربة فلتر الهواء مكسورة او فيها تهريب

ممكن هوز ( لي ) فلتر الهواء فيه تهريب

او

ممكن حساس الدعسة

أو

انحاست وزنية منظم الهواء مع التنظيف


شيك عليها


وتأكد ان الخراب منها 100% قبل تغيرها

[تويوتا 2010]

السلام عليكم

الـ RPM عندك ثابت وقت الرجة والا ينزل الى الـ 0

لمبة التشيك انجن شغالة بالطبلون

بانتظار ردك

[Dr.Banned]

نسيتوا اهم شغله وهي احتمال كبير 80% انها سبب المشكله

حساس الآيدل

idle sensor

افحصه ولا تغيره الا اذا تأكدت ان المشكله منه وهي العاده وحسب اغلب المواضيع اللي مرت عليها كان هذا هو سببها

[qha]

احتمال كبيييييير من وايرات البواجي

[مهزوز]

السلام عليكم اخوي شيك على الكويلات بتلقا واحد ضعيف اومايشتغل قد صارت النفضه لواحد من العيال معه فكس ار موديل 2002 لقا واحد من الكويلات ضعيف شف لك كهربائي فاهم وخله يفحصهن ودمت بود

[D.luffy]

السلام عليكم

الـ RPM عندك ثابت وقت الرجة والا ينزل الى الـ 0

لمبة التشيك انجن شغالة بالطبلون

بانتظار ردك


لا الضغط مضبوط

واللمبه ما تشتغل

وديته ورشه وآحد سعودي فاهم وللأسف ما عرف الخراب