الحكمـــة مع قليل العقل !!! سالفة المسدس

[ابوعدي001]

السلام عليكم ورحمة الله وبركاتة


اخواني الكرام كل عام وانتم بألف خير وبركة الله يتقبل منكم صالح الأعمال ويغفر لي ولكم ماتقدم من الذنوبـــ ( أمين )

الحكمة لها معني اوسع بكثير من الذكاء. وقد يكون الذكاء مجرد جزء منها. فكل إنسان حكيم يكون ذكيا. ولكن ليس كل ذكي حكيما..!

فقد يتمتع إنسان بذكاء خارق وعقل ممتاز ومع ذلك لا يكون حكيما في تصرفه فربما توجد عوائق تعطل عقله وذكاءه اثناء التصرف ..وما أكثرها في عالم الصقاره ..منهــا


طيش الشخص المقابل !!

قلــة الــــمرجـــلة !! عذرا"

تأخذه العزة بالأثم وهذه مفتوحة لكـــــــــم كل يؤيلهــا كما يريد !!!


الطــــــــــــــــمع المذمــــوم وهذه بالذاتــ أن كانت بشخص ما لابد من احتوائها لكل ماذكر سلفا" ( وجهة نظر خاصة )


الحســــــــــــد نسأل الله أنا وأنتم أن نون بعيدين كل البــــعد عنه ويبعدها عنــــا .




( القصـــــــة)

في أحد الأيـــــــام كنت في رحلة قنص علئ الحدود العراقية السعودية لمعرفتي التامة لـــ تلك المنطقة هذا حدث قبل مايقارب10 سنوات كان عمري عندها ..18 سنة في تلك المنطقة كان يكثر المتسللين من اخوانا العراقين .


بينما أنا في بحثي المتواصل وجدت مجموعة منهم مايقارب 7 أشخاص فــ كانوا يريدون مني التوقف !!

طبعا" من باب النية الحسنة مني توقفت ولكن بعيدا" منهم لكي أرئ مايريدون ..فــ كان طلبهم الماء والأكل ..فتم تنزيل ماطلبوا بعيدا" عنهم ..ومن ثم واصلت طريقي !!


من منطلق هذه القصة ___ الثقة ليست واجبة عليك لمن لاتعرفهم ولكن الجــود والمرجلة والطيب صفات ملتزم بها الصقار ..لذالك يجب أستخدامها بعقل لتجنب المشاكل ...وهنالك كثير من القصص التي كان ضحيتها صاحب الثقة العمياء .


( قصة أخرئ )

في أحد الأيام وأنا اتجول في المقناص ..أذا بشخص يتوقف امامي ويفتح باب السيارة ويخرج مسدس كان يحمله معــه ...بصراحه تفاجئت ..!!


ثم سالني ماذا تفعل هنا ..من الصدمة للموقف والسؤال ضحكتــ بشكل هستيري !!:D

المهم أمرني بالخروج من هذه المنطقة ومثل مايقول ( صدري شمالي ) سالت من باب العلم بشي ..ابشر بس ليش !! مثلا" انت من سلاح الحدود ...قال لا :eek: بس أنت جااي وبتخرب الطير علينا !! طبعا" بعد اخذ وجذب بالموضوع ..مشيت وخليته !!


طبعا" الله العالم اني علئ نيتي ولاشفت طير حولي أبد ..طلع الطير علئ بعد 3 كيلو مني وكنت علئ نفس الأتجــاه .

ثانيا" كان معي ام خمس علئ يميني .:D

ثالثا" هذه المنطقة ليست بالبعيده عن ( قريتي ) .:D

يعني جميع مقومات العمل ( الشيطاني )موجــوده :p


لكن ولله الحمد تم تجنب ذالك الموقف ..ولا اعلم ان كان قد تم شبك الطير او لا !!


هذا مااحببت مشاركتكم به ..ومن لديه قصة مشابها يسعدنا ان نستفيد منها .


دمتم بحفظ الرحمن

[ابوعدي001]

الرجاء نقل الموضوع الظاهر اصوم أثر فيني !!

[عواد الشمري2]

الله يقويك على الصوم والله يعينك
مثل هسوالف واجد وبذات وقت طرح الطيور وحتى وقت القنص ناسن تارمو على شان صفاره واحده وبنسبه للي هد عليك بسدس يحسبك من هشباب الي ثقل بلا دفا اذا ماخبر عليك مايفيدك ويمكن انك سمعت واحد وبذات عندنا بالحماد
اول سالفه هذا واحد لقا طير وجو سته او خمس شباب الزلل مني وهو للحاله قالهم ياربع زلو عن الطير وخلوكم بعيد لين اطرحه وتراكم شركا قالو الطير لنا قال ياربع نتشارك به بس خلوني اطرحه قالو الدرب وراك ياربع عيو شافو انهم اكثر منه ياربع عيو اخر شي يوم شد الحستي رمو الطير طلق ومات وهو ينزل عليهم ويرقد الخمس بالمسشتفا دق خشومهم بتراب اعزك الله
و

وهذا بعد شباب طرحو مثلوث كلهم اعمارهم مابين 18 20 22 بالحود هذي يوم طرحوه جوهم ثلاثه اعمارهم 30 35 40 رجال كبار قالو الطير لنا قالو لا حنى طرحناه زاد الحسي وهم يطلعون الرشاش عليهم الي طلعو الراش الرجال الكبار وخذو الطير غصب واحد من الشباب اخذ رقم الوحه راح كل واحد للبيته مفلسين ومنقهرين من الي صار بهم واحد علم ابوه وقد شكوا وجبو الي خذو الطير وسجنهم وخذو قيمت الطير منهم 20000 ريال بعد شكوا وطلايب

وبنسبه لي حتى مدعا الطيور ماجيه اعكس العالم لك رزق الطير

[عابرالبر]

جزاك الله خير

[ابوعدي001]

الله يقويك على الصوم والله يعينك
مثل هسوالف واجد وبذات وقت طرح الطيور وحتى وقت القنص ناسن تارمو على شان صفاره واحده وبنسبه للي هد عليك بسدس يحسبك من هشباب الي ثقل بلا دفا اذا ماخبر عليك مايفيدك ويمكن انك سمعت واحد وبذات عندنا بالحماد
اول سالفه هذا واحد لقا طير وجو سته او خمس شباب الزلل مني وهو للحاله قالهم ياربع زلو عن الطير وخلوكم بعيد لين اطرحه وتراكم شركا قالو الطير لنا قال ياربع نتشارك به بس خلوني اطرحه قالو الدرب وراك ياربع عيو شافو انهم اكثر منه ياربع عيو اخر شي يوم شد الحستي رمو الطير طلق ومات وهو ينزل عليهم ويرقد الخمس بالمسشتفا دق خشومهم بتراب اعزك الله
و

وهذا بعد شباب طرحو مثلوث كلهم اعمارهم مابين 18 20 22 بالحود هذي يوم طرحوه جوهم ثلاثه اعمارهم 30 35 40 رجال كبار قالو الطير لنا قالو لا حنى طرحناه زاد الحسي وهم يطلعون الرشاش عليهم الي طلعو الراش الرجال الكبار وخذو الطير غصب واحد من الشباب اخذ رقم الوحه راح كل واحد للبيته مفلسين ومنقهرين من الي صار بهم واحد علم ابوه وقد شكوا وجبو الي خذو الطير وسجنهم وخذو قيمت الطير منهم 20000 ريال بعد شكوا وطلايب

وبنسبه لي حتى مدعا الطيور ماجيه اعكس العالم لك رزق الطير

هلا وغلا باخوي .. اي بالله سمعت بالسوالف هذه ..والواجب علينا الأستفاده من هالقصص واخذ منها العبره.

اعجبني كثير .... ماجيه اعكس العالم لك رزق الطير

شكرا" من القلب لمرورك الطيب

[ابوعدي001]

جزاك الله خير

الله يبارك فيك وشكرا ع مرورك الطيب

[خالد العطااوي]

الله يعين
لكن مزين من الحرص من كل شيء
واحسن شيء اني اقنص حول ديرتنا احسن او في محل قريب الحدود صعب شوي

[ابوعدي001]

الله يعين
لكن مزين من الحرص من كل شيء
واحسن شيء اني اقنص حول ديرتنا احسن او في محل قريب الحدود صعب شوي

هلا اخوي خالد ..لو هي علئ كيف كان قنصت ( بحوش البيت ) :D لكن وش نسوي ندور الكيف والبعد عن العالم .

الله يوفقك ويسعدك

[جلاد الحباري]

الناس انجنت ماعاد فيها عقل قامت تمد السلاح عشان كوم ريش لا حول ولا قوة الا بالله الحين تقنص مع مجموعه يعني ممكن يكون كل هالمجموعه قلبها على بعض اعتقد لابد فيهم واحد يروغ ويكون فيه شي من الحسد على خوياه وهذا ودك تطرده من المجموعه وتسرحه لانه ماهو كفو لصبحة هالاجاويد اللي تركوا عيالهم وبيتهم عشان يوسوعون صدورهم

[تميم2222]

جزاك الله خير ..واشكرك

[اقدم صقار]

العلم غير العلم

كل يوم اردى

المشكله بعض الناس اللي اذا شاف طيرك يطرد حباراه في النجوم لحقك وحذف له سواديه سلم لين يحول طيرك واردف بطيره بعدك
هذي والله اللي تقهر وجعلني ما اقابلهم
ما ادري وش بيصير
ودك اللي مثل كذا يوخذ طيره وسلاحه ويهان ويرمى موتره ويبهم ويصور وينزل يوتيوب ويشهر بسالفته عشان غيره يرخي ويقصر الجرير ويغدي رجال
ههههههه
اعوذ بالله من الغضب وقهر الرجال

[GHAAM]

موضوعك على الجرح
والله يا بعض الناس في حسد وكره للأخرين علشان حبارى والا قميريه تقول صايرين في مجاعه ان ماصاد والا بيموت
واتوقع ان الي نزل عليك بالمسدس قد مر عليه موقف من هالبزارين الي يخربون على الواحد

وعلى قولة الحكمه ((((((( أهل العقول في نعمه

شاكر لموضوعك الجميل

[هاوي الصلفات]

تسلم ابو عدي على هذا الموضوع
واكيد اذا غابت الحكمه حضر الجهل . والشيطان حريص
ولحظة غضب وحدة يمكن يكون ثمنها غالي او اعمار لا قدر الله
والصراحه فيه امور تحصل في عالم الصقاقير عند طرح الطيور
والا عند جرة حبارى والا عند هدد ماهي طيبه وهي
تفسد الكثير من جمال هذه الهوايه القائمة
على العطاء والسخاء والإثار على النفس للآخر لكن الجشع والحسد يعمي البصر والبصيره
وهو سبب انقطاع الخير عن الناس وقلة البركه .
الله يعافي المبتلى ولا يبلانى

[ابوعدي001]

الناس انجنت ماعاد فيها عقل قامت تمد السلاح عشان كوم ريش لا حول ولا قوة الا بالله الحين تقنص مع مجموعه يعني ممكن يكون كل هالمجموعه قلبها على بعض اعتقد لابد فيهم واحد يروغ ويكون فيه شي من الحسد على خوياه وهذا ودك تطرده من المجموعه وتسرحه لانه ماهو كفو لصبحة هالاجاويد اللي تركوا عيالهم وبيتهم عشان يوسوعون صدورهم



كلامك عين العقل ..لكن مع الاسف بعض الرجال ..ماتفهم !!


ودي وتقديري لك

[ابوعدي001]

جزاك الله خير ..واشكرك

الله يجزاك خير ويبارك فيك

[ابوعدي001]

العلم غير العلم



كل يوم اردى


المشكله بعض الناس اللي اذا شاف طيرك يطرد حباراه في النجوم لحقك وحذف له سواديه سلم لين يحول طيرك واردف بطيره بعدك
هذي والله اللي تقهر وجعلني ما اقابلهم
ما ادري وش بيصير
ودك اللي مثل كذا يوخذ طيره وسلاحه ويهان ويرمى موتره ويبهم ويصور وينزل يوتيوب ويشهر بسالفته عشان غيره يرخي ويقصر الجرير ويغدي رجال
ههههههه
اعوذ بالله من الغضب وقهر الرجال


هههههههههههههههههههههه والله اني اقهرت من سالفتك ..الله يبعده عن كل مسلم ويبعدك عن الغضب والقهر

اسعدني مرورك

[ابوعدي001]

موضوعك على الجرح
والله يا بعض الناس في حسد وكره للأخرين علشان حبارى والا قميريه تقول صايرين في مجاعه ان ماصاد والا بيموت
واتوقع ان الي نزل عليك بالمسدس قد مر عليه موقف من هالبزارين الي يخربون على الواحد

وعلى قولة الحكمه ((((((( أهل العقول في نعمه

شاكر لموضوعك الجميل


يمكن بس ماتوصل لمدة السلاح ...والله ان طلعة البر وفلة الحجاج تسوئ عندي مليون طير ..الله يبعد عنا كل حسد .


شكرا" لمرورك الطيب

[ابوعدي001]

تسلم ابو عدي على هذا الموضوع

واكيد اذا غابت الحكمه حضر الجهل . والشيطان حريص
ولحظة غضب وحدة يمكن يكون ثمنها غالي او اعمار لا قدر الله
والصراحه فيه امور تحصل في عالم الصقاقير عند طرح الطيور
والا عند جرة حبارى والا عند هدد ماهي طيبه وهي
تفسد الكثير من جمال هذه الهوايه القائمة
على العطاء والسخاء والإثار على النفس للآخر لكن الجشع والحسد يعمي البصر والبصيره
وهو سبب انقطاع الخير عن الناس وقلة البركه .
الله يعافي المبتلى ولا يبلانى



اللهم أمين


فيه ردود تزيد جمالية وفائدة الموضوع ..لكن ردك تعداها لـــ موضوع بحد ذاتة

جزاك الله خير علئ الرد الطيب

[راعي - عديم]

يعطيك العافيه أبوعدي ع هالموضوع
وبما أن الشباب فتحو مجالات أكثر
قبل 8 سنوات كنت قانص أنا وربع معي أكثرهم من حفر الباطن وشمال
وكان عندنا جرة حبارى جديده المهم مع الجره نقص ونطلع طيورنا
أنا 12 سياره ألا وفيه سيارات قنوص شرق منا من دوله خليجيه
قلت يالربع بلغو الناس اللي شرق منا أن عندنا حبارى لأنهم مايجون 2كم منا بعد الأنتهاء من كلامي ألا واحد من خوينا قال أقضب وهد وسقنا معه ألا والحبارى قدام طيره تجلد
خوينا الله يذكره بالخير طيره يطلع طلع موقف لاكن السبق لك عليه وقام ينغز الحبارى لين أرتفعت والتلحيق لواحد فيه حرصه زايده منسقين بينا
المهم السيارات اللي شرق منا ساقو معنا وخلو بينا وبينهم مسافة 1كم
قال واحد من الشباب أكيد بيتفرجون ع الهدد
ولا كن عكس ذلك جابو العيد هدو علينا
خذينا حول 2كم حل طير خوينا اللي طلع وقال اللي له التلحيق المرجوج الطير حول ترى بلحق
نقز واحد من الربع وقال أشوف الحبارى بالدربيل خالطها طير ماشاء الله ماشاء الله
المهم حولبها طيرهم ألاوهو جير أبيض
وأول من وقف عنده خوينا المرجوج وهو يمد الشوزل ع الطير ويذبحه ع حباراه
بعض الناس الله يهديه فيه لقافه زايده
يعني 12 سياره مامعها ألاطير واحد
وتهد ع ناس سايقين مع حباراهم ولاتعرفهم
المهم وقفنا ألا راعي الجير ماسكينه ربعه ويتكلمون عليه ويسبونه
أنت اللي جبتنا للريجيل أنت اللي مخطي عليهم
صار فيهم عقال ويعرفون السلوم
والنهاية طلق عليهم واحد من الربع وعطى راعي الجير قرناس وحش صايد مثل أمس
والنهايه الله لايحطنا وياكم في هالموقف

[عاذي]

تصرفت بحكمة

[(هزاع)]

العدو هو الجهل ماغيره عدو

[القرناس المهاجر]

{ لقد كان في قصصهم عبرةٌ لأولي الألباب }


اسمع كثير عن الحنوا وشماله كثير من الزلات من بعض المخربين


لدرجة اني ماقد جيته على قول المثل( خلك بعيد حبك يزيد)


ولكن والله فيهم رجال شرواكم ينحطون على الجرح ويبرى


والغلط يحصل بكل مكان وزمان .. الله لايرينا ولايريكم مكروه

[سلطان 1]

ابو عدي
لا هنت علي المووووضوع المهم.

لكن اللي أنا بقوله ان هذي سنه الحيااااااه والا كان مااااادمت ولا عشنا.
والله لو كلنا حكمااااااء كان ماعينت مشاااكل ولا عينت سجون ومحاااااكم.
ولو. كلنا خبول ومهبل تكرمون كان هذا أطرحه وهذا ادعسه وهذا إرمه روعه ورحنا فيهاااا هههههههههههه

[ابرق الحرار]

بالنسبة لي موقف شفت طير بالحوم وانا الحالي وشوي الى بسيارة جنبي الطير طبعا بعيد بالحوم وحذفت له زريق لكن مهب يم الزريق اتجاه الجبال لايطول الكلام الابراعي السيارة يطلع الرشاش ويقول وين الطير الى تشوف قلت الطير شوفه فوق الجبال المقابله طبعا انا عرفت انهم ليس قناصين من شكلهم واول مره اشوفهم المهم الطير الي دليتهم عليه باز المهم طاردوه وخذيت رقم الوحه والطير معي ماضيعته وراسلت اخوياي واستقبلوا الطير من الناحية الثانية ومسينا الطير وطرحناه في اليوم التالي ورقم الوحة عطيته رجال بالمرور وطلع اسم الرجال وعرفناه وتمت متابعته حتى مسكته في محطة بنزين وقابلته وجه بوجه وتم طعنه عدة طعنات حتى لايرفع السلاح مره على احد وتم المصالحه فيما بعد بين كبار السن وهذه قصة لايرضاها اي رجل فيه غيره لكن الحلم واجب وشكرا

[عبدالرحمن بن ذياب]

الله يعين على هالزمان

[الرامي الماهر]

لاحول ولاقوة الا بالله

والله قصص نسمعها وافعال يندى لها الجبين لكنهم ولله الحمد قله اهل المقناص والصقاره وافين وفيهم الكرم والعلوم الغانمه واتمنى اذا واجهتو مثل هالعينه عليكم بالحلم واتركو لهم الارض بمافيها ورزقكم على الرزاق الكريم والله اتمنى اشوف واحد يحاول طير او هاد على حبارى واستمتع بالمشهد واسبرالطير معه ولا ابغى غير المتعه

[راعي الونه]

والله انا بصراحه سمعت قصه من الشايب .
يقولي قصه ناقلها يقول ان في واحد طرح
شيهانه وجاه واحد يقوله انا اللي طارحها كثر
الحتسي على قولة ابن العم عواد هههههه والمهم
واحد منهم اخذ البندق ورما الرجال والرجال اللي مات خويهم
ماقصرو امسكو السلاح ورموه لين خلوه مثل الغربال
وماتت رجال قبلهم واجد عشان طيور

[ابوعدي001]

يعطيك العافيه أبوعدي ع هالموضوع

وبما أن الشباب فتحو مجالات أكثر
قبل 8 سنوات كنت قانص أنا وربع معي أكثرهم من حفر الباطن وشمال
وكان عندنا جرة حبارى جديده المهم مع الجره نقص ونطلع طيورنا
أنا 12 سياره ألا وفيه سيارات قنوص شرق منا من دوله خليجيه
قلت يالربع بلغو الناس اللي شرق منا أن عندنا حبارى لأنهم مايجون 2كم منا بعد الأنتهاء من كلامي ألا واحد من خوينا قال أقضب وهد وسقنا معه ألا والحبارى قدام طيره تجلد
خوينا الله يذكره بالخير طيره يطلع طلع موقف لاكن السبق لك عليه وقام ينغز الحبارى لين أرتفعت والتلحيق لواحد فيه حرصه زايده منسقين بينا
المهم السيارات اللي شرق منا ساقو معنا وخلو بينا وبينهم مسافة 1كم
قال واحد من الشباب أكيد بيتفرجون ع الهدد
ولا كن عكس ذلك جابو العيد هدو علينا
خذينا حول 2كم حل طير خوينا اللي طلع وقال اللي له التلحيق المرجوج الطير حول ترى بلحق
نقز واحد من الربع وقال أشوف الحبارى بالدربيل خالطها طير ماشاء الله ماشاء الله
المهم حولبها طيرهم ألاوهو جير أبيض
وأول من وقف عنده خوينا المرجوج وهو يمد الشوزل ع الطير ويذبحه ع حباراه
بعض الناس الله يهديه فيه لقافه زايده
يعني 12 سياره مامعها ألاطير واحد
وتهد ع ناس سايقين مع حباراهم ولاتعرفهم
المهم وقفنا ألا راعي الجير ماسكينه ربعه ويتكلمون عليه ويسبونه
أنت اللي جبتنا للريجيل أنت اللي مخطي عليهم
صار فيهم عقال ويعرفون السلوم
والنهاية طلق عليهم واحد من الربع وعطى راعي الجير قرناس وحش صايد مثل أمس

والنهايه الله لايحطنا وياكم في هالموقف



راعي - العديم بعض الناس تصرف بطيش بموقف اقل حكمه وعقل تنفع فيه .


تسلم يالغالي ع المرور الطيب

[ابوعدي001]

تصرفت بحكمة



هلا وغلا بالعاذي ...الحمد لله والشكر

[ابوعدي001]

{ لقد كان في قصصهم عبرةٌ لأولي الألباب }



اسمع كثير عن الحنوا وشماله كثير من الزلات من بعض المخربين


لدرجة اني ماقد جيته على قول المثل( خلك بعيد حبك يزيد)


ولكن والله فيهم رجال شرواكم ينحطون على الجرح ويبرى



والغلط يحصل بكل مكان وزمان .. الله لايرينا ولايريكم مكروه



القرناااس شرواك الطيب يابعدي

[ابوعدي001]

ابو عدي

لا هنت علي المووووضوع المهم.


لكن اللي أنا بقوله ان هذي سنه الحيااااااه والا كان مااااادمت ولا عشنا.
والله لو كلنا حكمااااااء كان ماعينت مشاااكل ولا عينت سجون ومحاااااكم.

ولو. كلنا خبول ومهبل تكرمون كان هذا أطرحه وهذا ادعسه وهذا إرمه روعه ورحنا فيهاااا هههههههههههه



هههههههههههههههههههههه بعد قلبي يالغالي نورت الموضوع

[ابوعدي001]

العدو هو الجهل ماغيره عدو


اي بالله صدقت يالغالي ..اسعدني مرورك يالغلا

[عشق الرحيل]

جزاكم الله خير ومشكور اخوي علي الموضوع الطيب الاخذ العضة ....

[ابوعدي001]

بالنسبة لي موقف شفت طير بالحوم وانا الحالي وشوي الى بسيارة جنبي الطير طبعا بعيد بالحوم وحذفت له زريق لكن مهب يم الزريق اتجاه الجبال لايطول الكلام الابراعي السيارة يطلع الرشاش ويقول وين الطير الى تشوف قلت الطير شوفه فوق الجبال المقابله طبعا انا عرفت انهم ليس قناصين من شكلهم واول مره اشوفهم المهم الطير الي دليتهم عليه باز المهم طاردوه وخذيت رقم الوحه والطير معي ماضيعته وراسلت اخوياي واستقبلوا الطير من الناحية الثانية ومسينا الطير وطرحناه في اليوم التالي ورقم الوحة عطيته رجال بالمرور وطلع اسم الرجال وعرفناه وتمت متابعته حتى مسكته في محطة بنزين وقابلته وجه بوجه وتم طعنه عدة طعنات حتى لايرفع السلاح مره على احد وتم المصالحه فيما بعد بين كبار السن وهذه قصة لايرضاها اي رجل فيه غيره لكن الحلم واجب وشكرا

هههههههههه لاطابت ولاغدا شرها ...عالجت الخطاء بخطاء ...لكن والله ماتنلام


اسعدتني مشاركتك دمت بحفظ الرحمن

[ذراع الذيب]

السلام عليكم ورحمة الله وبركاته..
مسيت بالخير يابوعدي..

لاهنت على هالسالفه اللي فيها عظه وعبره والله يعطينا خير هالمقانيص ويكفينا شرها..
وتحياتي لك..