الامارات

[الا سير]

ياشباب انا ان شاء الله ناوي اروح لدبي
في العيد وابي استفسر عن بعض الاشياء
انا معي جيب gxr 2001وابي اركب هدرز
1- كم سعره كامل من عند السويدي ؟
2- افضل نوع هدرز وشو ؟
3- اقدر ادخل الشكمان والقزوز الاولى مع الحد ولاتروح علي ؟
اعذروني على كثرة الاسئلة

[الا سير]

معقولة ماحد ركب هدرز من الامارات

[بومحظار]

يا اخوي هدرز السويدي ما ينفع لأنه اينسم هواء يعني صدقني ما بيزيد موترك الى صوت على الفاضي بدون قوه
وسعره 1400 الستانلستيل مش الحديد لأنه الحديد رخيص بس يصدأ يعني الرجال بيقوللك 1700 لكن كاسره وبيعطيك ب 1400 بس في واحد احسن منه في نفس المنطقه اسمه رحيم اخوي هذا سعر الراس فقط وليس كامل ما اعرف سعره كامل .. ليش ما اتركب هدرز استرالي افضل بكثير وبيعطيك فرق حقيقي اما هذا كله شغل بنغاليه نصابين

[ابوسند9]

اخوي فيه في صناعية الشارقه محل متخصص لصناعة الهيدرز بس والله ما اذكر محله ممكن تسوي شوي بحث بالقوقل
وانا قد اشتريت منه كامل لفتك من الراس الى الدبه الاخيره اعتقد اربع قطع ب 850 ريال بدون تركيب طبعا حديد
لكن انصحك انك ماتركبه والله راح يشغلك مع الوقت مره دبه ومره شيال وربلات وبعد سنتين وهو منشعر الراس انا كلفني مع التركيب 1000 ريال لكن بعد اربع سنوات اصرفت عليه بحدود 3000 الاف ريال مابين راس جديد وكل سنه دبه وترهيم قواعد وربلات
واهم شي وانا اخوك فيه محل بالمصفح في ابو ظبي اسمه بامعروف خذا قطع غيار ليساراتك والاسعار تقربيا نص السعر عندنا بالسعوديه واصلي طبعا اذا تحتاج قطع غيار
والشارقه فيها التشاليح ودبي مافيها اللى الضعوي والغلاء
والقطع طبعا تدخل اذا كانت شي بسيط

[abo naser 1]

السلام عليكم

أفضل هدرز البحريني أفضل الخليج كله

[الكلاسك]

دول الخليج يصنعون ويرهمون وحنا فاتحين افامينا!!!
من وين جانا ذا الغباء وضعافة النفس !!