سوبر بنلي ريفاليو

[هاوي بنلي]

السلام عليكم
يالربع نبي خبرتكم عندي ريفاليو جديده ركبتها امس ورحت ابي اجرب الرمي حطيت طلقتين والثالثه عيت تجي وانا اعرف ان البنادق الجديده يقولون فيها حاجه بالمخزن لازم تشيله
المشكله ماعرفت افتح المخزن مخشتها بالزراديه لين شوهت منظرها نبي طريقة فك مخزن الريفاليو لو تكرمتم
ودمتم

[اقدم صقار]

الله يبارك لك في حلالك

ولاكن نصيحه لك ولغيرك الشي اللي تجهل فيه استشر العوارف فيه قبل تسوي اي شي

وما خاب من استشار

يفيدونك الربع اهل الخبره لاني ما احب الحديد :D:D ;)

راعي طير :good2::good2::good2: متعه :D:D:D:D


ولو لا اختلاف الانضار لبارت السلع

اخوك ابو منصور

[هولوكس2005]

السلام عليكم

الي أنا اخبره بانها تجي مخزن مختوم مقفول

[ابوتركي5555]

تجي من قدام بالخزن حاجه مثل القرش فرها وراح تطلع معك واسحب عصا بلاسيكيه وارجع ركب المخزن ويشيل اللي تبي يالغالي

[هاوي بنلي]

بارك الله فيكم وشاكر ومقدر تفاعلكم لكن انا حاولت افتحها بزراديه لين حكيت بويتها ولا انفتحت

[انا ابو بندر]

شف الكتالوج

ولا تابع شرح لها بالمنتديات

لا تشووه بندققك فالك الشحم

تدري عاد الحين مافي صيد اظن طلقتين بالمخزن وبيت النار وحده صارن ثلاثه يمديك تدبل على القوقسي

ههههههههههه

[هاوي بنلي]

طلقتين وثلاث ماتبري الكبد

[هاوي بنلي]

هلا
يالربع ما احد يعرف حل لمخزن الريفاليو

[قناص502]

هلا والله اخوي المشتل
وانا اخوك الدعوى سهاله وما تحتاج صور
1.فك السنه اللي فوق الرقبه(مخزن الفشق)
2.طلع السسته وانتبه تراه مضغوطه وان ما مسكته تنبط!!
تلقى مدخل بوسط المخزن إصبع لونه احمر عشان ما تشيل الا ثلاث وخر هالعود وشده من جديد مثل ما فكيته وإن شاء الله تنحل الامور.
موفق خير.

ان شاء الله يفيدك شرحة ^^

[ابو تركي 500]

ان شاء الله يفيدونك الاخوان
لو تكرمت تقول كم سعرها

[هاوي بنلي]

يالربع ماقدرت افتح السنه اللي تقولون جبت ابو جلنب عيت مجيمه ولا لها الا ممسكين اثنين
عموماً الله يعطيكم العافيه ماقصرتم وبيض الله وجيهكم

[حمد النامي]

ما نقول الا يالبى البيكال

[بدران99]

مرحبا بهاوي البانلي مخزنها اللي أعرف أنه مسكر من فوق وأذابغو يرهمون أخزانه يقصونه وكملونه وتصير زي البلاك أيقل وال90
أتمنا بأني أفدتك