الفزعه ياهل السفاري

[ذgggق]

السلام عليكم

حر ورمضان وخرب المكيف :D رحت للوكاله قالوا كمبرسر المكيف ب 2600!!

السفاري موديل 99 فل كامل

رحت لكذا مهندس قالوا ان الكمبرسر يشتغل بس مايبرد ولازم تغيره وش الحل ؟؟ مع اني جيت مهندس قبل شهرين في الصناعيه القديمه بالرياض بعد ماقالوا هالمهندسين ان كمبرسر قالي انا بضبطه لك والكمبرسر مافيه شي قلت بكم قال ب 300 ريال مع التعبئه قلت صحة راسك الوكاد لقى فيه كذا كذا تهريب لحمها وشد السير كان راخي شوي وضبط المكيف وقبل سبوع خرب علي ,,رحت لنفس الورشه مالقيت الكهربائي الاول لقيت واحد ثاني قال هذا الكمبرسر خربان(مره ثانيه)

وش تنصحون فيه هل فيه كمبرسر رخيص اركبه او ان مشكلة المكيف ماهي كمبرسر ,, الهوا يدفعه قوي بس حاار والامبير حق الفريون كويس

وش الحل ياهل الخبره هل الكمبرسر يتصلح والا فيه تجاري يمشي الحال والا فيه مهندس جيد يضبطه
وان كان ماضبط فيه احد يشريه ويفكني منه :D

فزعتكم يالنشامى :good2:

[RW7..ALBDAWA]

يابن الاجواد رح لصنآعيه القديمه وادخل تشليح اليآبآني وخذ كمبرسر بآترول 99 بـ 500 ريآل وريح مخك

ترى اسعآرهآ من 400 ريآل لـ 600 ريآل وعليه ضمآن

[ذgggق]

تكفى ياروح افزع لي وصف لي التشليح وينه فيه

[ابو فهد العزي]

اذا كان الي ضبطه ب300 ومشى معك تمام
معناته المشكله ماهي كمبرسر اكيد بلف الثلاجه قافل
المكيف الخلفي كيف شغله تمام او نفس الأمامي
البروده يوم زينه الأول هل كان ماشي زي الحلاوه
اذا مشيت في الطريق وواقف سوى
او اذا مشيت يبرد واذا وقفت ماهو بارد
عاداذا كان البروده وانت ماشي تمام وواقف عادي
فهذا الكمبرسر
والله يعينك نادرا" ماتحصل الكهربائي الأمين

[RW7..ALBDAWA]

تكفى ياروح افزع لي وصف لي التشليح وينه فيه

اخوي مآيبيلهآ شي رح الصنآعيه القديمـه وسآل عن تشليح اليآبآني الكل الكل يعرفه

اسآل حقين الفريون المحلآت قل وين تشليح اليآبآن وهم يوصفون لك ..

وان رحت يفكون لك الكمبرسر من جيب قدآمك

[مسلم سني]

والله انا افضل الاصلي الوكاله حتى لو انه ب 2600

[ابو سالم3000]

رهمله كمبرسر ددسن اقوى وارخص

[مودع الخلان]

السلام عليكم ورحمة الله وبركاتة

فيه ورشة اسمها الخليج
معاملهم شغلهم ذمة ضرب الكمبرسر لموتري باترول 97 وصلحته عندهم
وللمعلومية الموتر فيه مكيف خلفي كلف علي 1100 ريال شامل القطع عليهم ويخلصه لك بيوم
وفريون عندهم اصلي امريكي مالك بالطويلة

وصف الورشة الرياض - الصناعية القديمة -شارع 24 غربي

ابورائد
ابواسامة
نتمنى لك التوفيق

ولاتنسانى من الدعاء

[اذاني]

انا كان معي سوبر سفاري98 وكان فيه ضعف في الكمبرسر

لاكن لقيت واحد سعودي وضب الكمبرسر ب 250 ريال واستخدام سنتين ممتاز

وبعته وهو مضبوط .

والجديد اذكر انه ب 2200 والله غالي والتشاليح ب 600 ريال

اذا لقيت احد يوضبه افضل لك

[ذgggق]

اذا كان الي ضبطه ب300 ومشى معك تمام
معناته المشكله ماهي كمبرسر اكيد بلف الثلاجه قافل
المكيف الخلفي كيف شغله تمام او نفس الأمامي
البروده يوم زينه الأول هل كان ماشي زي الحلاوه
اذا مشيت في الطريق وواقف سوى
او اذا مشيت يبرد واذا وقفت ماهو بارد
عاداذا كان البروده وانت ماشي تمام وواقف عادي
فهذا الكمبرسر
والله يعينك نادرا" ماتحصل الكهربائي الأمين
كله تمام بعد ماضبطه المهندس الاخير بالعكس الا يثلج واخر مره شغلته كان برودته قويه وقلت بقصر على البروده كان على 18 وقلت بخليه على 22 والقصره هي القصره خرب بعدها :D كانت برودته ممتازه ماشي وواقف كلها.. الان حر ان مشيت وان وقفت هواء حار

اخوي مآيبيلهآ شي رح الصنآعيه القديمـه وسآل عن تشليح اليآبآني الكل الكل يعرفه

اسآل حقين الفريون المحلآت قل وين تشليح اليآبآن وهم يوصفون لك ..

وان رحت يفكون لك الكمبرسر من جيب قدآمك
الله يعطيك العافيه بسئل عنه اليوم او بكره


والله انا افضل الاصلي الوكاله حتى لو انه ب 2600خابرين الوكاله زين بس لاصار قيمة الكمبرسر 10% من قيمة السياره مشكله


رهمله كمبرسر ددسن اقوى وارخص

كيف ارهم له وبكم جديد

[ذgggق]

السلام عليكم ورحمة الله وبركاتة

فيه ورشة اسمها الخليج
معاملهم شغلهم ذمة ضرب الكمبرسر لموتري باترول 97 وصلحته عندهم
وللمعلومية الموتر فيه مكيف خلفي كلف علي 1100 ريال شامل القطع عليهم ويخلصه لك بيوم
وفريون عندهم اصلي امريكي مالك بالطويلة

وصف الورشة الرياض - الصناعية القديمة -شارع 24 غربي

ابورائد
ابواسامة
نتمنى لك التوفيق

ولاتنسانى من الدعاء
غيروه لك والا تصليح بس ؟ يعطيك العافيه اخوي


انا كان معي سوبر سفاري98 وكان فيه ضعف في الكمبرسر

لاكن لقيت واحد سعودي وضب الكمبرسر ب 250 ريال واستخدام سنتين ممتاز

وبعته وهو مضبوط .

والجديد اذكر انه ب 2200 والله غالي والتشاليح ب 600 ريال

اذا لقيت احد يوضبه افضل لك
اذا هالسعودي في الرياض عطني رقمه بتصل عليه


يعطيكم العافيه ,,

[ابو فهد العزي]

برضه لي المويه الحار الي يروح للثلاجه قفله
اوافصله يمكن المفتاحط خربان من الثلاجهالغ الحار وجرب
اكيد هو السبب

[مودع الخلان]

غيرو الكمبرسر وانا انصحك بالورشه

[المنطلدز]

خذ الاصلي لو هو بـ 5000

[ذgggق]

برضه لي المويه الحار الي يروح للثلاجه قفله
اوافصله يمكن المفتاحط خربان من الثلاجهالغ الحار وجرب
اكيد هو السبب
تصدق يابو فهد اني اشك ان الخراب ماهو الثلاجه لان المكيف كان يشتغل مافيه شي ولما رفعت على البروده الا 22 ورجعته على 18 خرب ! فجأه

ابحاول اقفل اللي بس هل هو واضح؟

[ذgggق]

غيرو الكمبرسر وانا انصحك بالورشه


عندهم كمبرسرات؟

خذ الاصلي لو هو بـ 5000
بيني وبينك خمسه الاف زحمه على مكيف حتى لو اهف بكرتون :D تسلم على المرور

[عبدالله20008]

تاكد من علبة التبريد يمكن متسدده

[ابو فهد العزي]

قفل اللي الحار الي يروح للثلاجه
او خذ قسام جديد وركبه

مادام انه كان بارد حتى نقصة البروده ف المشكله 100% منه

[تمنيتك لي]

آتوقع الحسآس آللي تحت آلدرج وسعرهه 160

[ذgggق]

لحد الان ماسويته :(

مريت يمكن خمسه او سته كهربائيين في الصناعيه القديمه وكلهم يقولون كمبرسر ضعيف