المساعد الشخصي الرقمي

مشاهدة النسخة كاملة : سؤال مهم للكشاته وش أفضل ................


kaaaatm
05/07/2006, 07:36 AM
السلام عليكم ورحمة الله وبركاته...................












يا جماعة الربع كثرت أنواع الشاهي والقهوة وكل يوم طالع لنا نوع جديد


علشان كذا حبيت كل واحد منا انه يبدي لنا النوع اللي يفضله ويستخدمه من الشاهي والقهوة




أنا بالنسبة لي : شاهي ربيع اللي علبته حديد والقهوة البريه الخولانية
alwammy
07/07/2006, 05:17 AM
شاي نبتن مع النعناع والزنجبيل والحليب عالصبح واااااااااااو يفتك الراس
اما القهوة افضل القهوة الي تسويها لي الوالدة ما اعرف شو النوع خخخ
من نجد
07/07/2006, 11:24 PM
أفضل الشاي أبوجبل
المخيال
08/07/2006, 03:10 AM
شف وانا اخوك الشاهي في البر تكيف عليه ويطلع اقوى شاهي اذا كان شاهي تلقيمه

تحط الماء على بريق ستيل حتى يفوح ثم حط عليه شاهي التلقيمه مع السكر وخله يفوح حتى يغلي الشاهي

اما القهوة فالقهوة لها انواع كثيرة ومتعددة وافضلها حسب خبرتي القهوة البريه باشنفر ( الأفضل تشتري انتاج السنه نفسها )

وتلقم القهوة حوالي نص ساعه ثم تحطها في الدلة وتضيف الحليب السائل اذا احببت ولا بكيفك

ويجب ان يكون في الدله فنجالين من الهيل علشان اذا صكك راسك تدح من ذا القهوه الين يطلع مع خشمك ههههههههه

والله اعلم ,,,,,,,,,
kaaaatm
08/07/2006, 09:37 AM
اخوي المخيال ما حددت نوع الشاهي
المخيال
08/07/2006, 07:56 PM
اخوي kaaatm
اسم الشاهي ((((( تلقيمه ))))
kaaaatm
08/07/2006, 08:43 PM
اخوي المخيال

اخبر نوع الشاهي تلقيلمه ولا فتله ولا ابو خيط
شبح الصحراء
08/07/2006, 08:48 PM
أفضل شاهي بالنسبة لي هو ليبتون أما القهوة فلا اشرب القهوة المر ولكن احب ان أشرب الكابتشينو من حين إلى آخر .
kaaaatm
09/07/2006, 12:28 AM
آفا يا شبح الصحراء


فيه احد ما يشرب القهوة


واكثر الناس يذمون شاهي لبتن
الضاري
09/07/2006, 12:49 AM
بعض أنواع الهي متقاربة ولكن يعتمد على طريقة اللي يصلح الشاهي

فبعضهم يخلي السكر يغلي مرة وبعضهم يخلي الشاهي يغلي وكلا له طريقتة

أما عن نفسي أفضل ابوجبل

أما القهوة فلا أركز على نوع محدد
المخيال
09/07/2006, 12:50 AM
لا حول ولاقوة الا بالله
كابتشينوا مرة وحدة ياشبح الصحراء
اتق الله يارجل
من جد فيه احد مايشرب قهوة
ولا الشاهي فيه احد يشرب شاهي ليبتون امزح معك هههههه
والله انا افضل من ها لشواهي الجديدة ربيع اكسبرس
اخوك المخيال
][الكاشت][
09/07/2006, 12:53 AM
بالنسبة للشاهي / ابو جبل بلا منازع

امام القهوة فإذا انت من اهل الرياض اوصف لك محل تحصل عنده قهوة جاهزة وهيل جاهز يحبه قلبك ... قهوته تصمد الراس

تحياتي ....
شبح الصحراء
09/07/2006, 03:26 AM
يا اخوان انا من كنت صغير وانا ما احب قهوة المر ما ادري ليش بس الله ما اعطاني حبها ولو اني اشربها مجاملة اذا كنت بالمجلس مع الرجال وما اشرب اكثر من فنجان او اثنين بس بصراحة والصراحة زينة احب قهوة الكابتشينو وما هو عيب كلهن قهوة ، والشاهي اشرب ليبتون لأنه يجي بورق ماهو مثل شاهي الربيع فالورق سهل تطليعه من الإبريق بس شاهي الربيع يقعد في قاع البريق ويخلي الشاهي يعقـد .
فل اوبشن
09/07/2006, 07:14 AM
شاهي تلقيمه الربيع خاثررررررررررر يصمد الراس ولو انه يثقل ويعقد لكن استعجل
في الشرب لاتعطيه فرصه.. :d
القهوه استخدم حاليا هرري افضل الموجود مع اني كنت على حدود اليمن في الخوبه قبل كم سنه واخذت
شوال تقريبا 100 انااا وربعي والله ياهي قهوه.. . ...................>الشاهد ان اليمنيه رائعه بعد وهي انواع كثيره فيه
خولاني فيه بريه وبعد كذا نوع
ما نسيتها حتي اللي عطيتهم منها جازت لهم بس من يلقاها ...
kaaaatm
09/07/2006, 09:03 AM
مشكورين اخواني على الردود


اخوي الكاشت ياليت توصف لنا المحل لاني من الرياض


اخوي فل اوبشن القهوة الهرريه يجي طعمها فيه مرورة شوي اما البرية الخولانية كااااااااااااااااااااااااااااااااااااايفة
][الكاشت][
11/07/2006, 09:32 AM
المحل في جنوب الرياض
المحل في جنوب الرياض - حي العزيزية

طبعاً اسمه محامص الفار :eek: سوينا دعاية مجانية :D

الوصف كما يلي :

1/ الدائري الجنوبي
2/ كبري البطحاء
3/ تتجه جنوبا وكأنك تريد تشليح الحاير
4/ يأتيك سوق الحمام على اليسار
5/ يأتيك كبري تدخل من تحته وتاخذ يسار
6/ أتجه على نفس الطريق ( طريق النصر ) باتجاه الشرق
7/ تأتيك 3 أشارات الثالثة خذ يمين
8/ يجيك المحل على اليمين بـ 100 متر تقريبا
9/ بجوار المحل محلات للرياضة والملابس الرجالية

وهذا كروكي سويته خصيصا لك ولو أنه متواضع وعلى وجه السرعة

آمل أني قدمت المفيد للجميع :rolleyes:

http://www.mekshat.com/pix/upload/images17/mk16259_hg.jpg



تحياتي ..

][ الكاشت ][
kaaaatm
11/07/2006, 11:02 AM
مشكور اخوي الكاشت


على تفاعلك المميز تجاه الموضوع................................







...................
][الكاشت][
11/07/2006, 11:32 AM
حياك الله أخوي kaaaatm

وماسوينا طال عمرك الا الواجب ...
kaaaatm
11/07/2006, 01:39 PM
مشكور اخوي


والله يعطيك العافية يا الكاشت ولا يهونون الشباب
kaaaatm
13/08/2006, 11:03 AM
يا زين هالفناجيل ودي اخذلي فنجال من كل واحد من هالمكشاتين