مثــل : الي مايعرف الصقــر يشويه

[شلهووب]

سلأأأم عليــكم ورحمه الله وبركاته
اخباركم ياربع انشاءالله بخير :good2:
بســـــــم الله الرحمن الرحيم
نبدأأ على بركه الله :D
يضرب هذا المثل للشخص الذي لايقدر قيمة الأشياء الثمينة ويتهاون بها:eek:، وقصة هذا المثل السائد بين الناس هو ما حدث في ماضي العصور القديمة أن خرج صياد ومعه صقر نادر إلى البر كي يصيد من الرزق ما كتب الله له، ولكن عندما كان هذا الصقر الغالي الثمين يطارد الحبارى اختفى عن أنظار صاحبه خلف جبل شاهق وهو يلاحق فريسته، فاتجه الصياد إلى المكان الذي اختفى فيه الصقر، وعندما وصل المكان وجد رجلاً عند ابله، فسأله الصياد: هل مر عليك طير؟ فقال الرجل: نعم لقد وجدت طيراً يلحق له طيرا وأنا الآن أشويهم.. فكان ردة فعل الصياد أن تفاجأ كثيراً بهذا التصرف الأليم الذي حدث لصقره الثمين، وعندما شاهد بالفعل صقره يشوي في جوف النار.. قال هذا المثل الشهير: (صحيح اللي ما يعرف الصقر يشويه).

ونبدأ بســــؤال :p
ماموقفك اذا صار فــيك كذآآ ...؟


وبنتظار الأجوبه :good2:

[الخزز تقليد]

والله اخوي شلهوب حد الان ماصرا لي شئ يعطيك العافيه علئ الموضوع



تقبل مروري

[أبو أمين]

موقفي طال عمرك

نفس عميق ولعنه الشيطان

ثم : اللي ما يعرف الصقر يشويه جعله بالسم اللي يهري بطنك

هذي الحقيقه ولا نبغى غير الحقيقه ما في مجاملات .

تحياتي

[جلاد الحباري]

يمكن احتمال اوسده الطير والحبارى واشويه معهم

[(هزاع)]

الموضوع ذوشجون
الموضوع ينطبق على امور واجد
يمسك السلعه الطيبه من لايقدرها ويحمد الله على امتلاكه لها
وتنطبق على من يخون الامانه كان يتعب راعي السلعه على امتلاك السلعه ويؤتمن عليها من لايصونها ويقدر تعب راعيها مثل اللي يفحطون بسيارات ابائهم ويعدموها
وينطبق على اللي يقدر الله ويرأس من هم اكفاء منه لانه رأسهم بالواسطه واساء التعامل معهم ولاقدر خبرتهم وقدراتهم
ياكثر مايشوون الصقور من لايعرفونها

[سلطان 1]

عزالله
ابقوله اللي مايعرف للصقر يشويه.
وقدر الله وما شاء فعل والحمدالله علي ما حصل.

[عواد الشمري2]

الـبـارحـة بالليـل مـا تـريـد حـالـي ..مضيـت أنـا ليـلي حـزيـن ومحـتـار ‏


أمـر جـرى مـا صـار طـول الليالي ..يـا تقـل تـوقـد بالضماير لهـب نـار ‏


مـا شفـت مثـل خليف بأول وتـالي.. من خلقت البدوان ما مثـلهـا صـار ‏


من صرت والـلـه مثلها ما جـرالي ..أربـع جـواراي لـوعني مـن الجـار ‏


الأولــه حـطــاب يـسـوى عــيـالي ..أشقـر عديـم ولبـرق الريـش نـثـّار ‏


والـثـانـيـه خـطـاف مـالـه مـثـالـي ..شـره عـلى تيس الجميلـه إلـى نـار ‏


والـثـالـثـه عـملـت بـأصغـر دلالـي ..وقصرتها وفاحت على بن وابهـار ‏


والـرابعـة بالعـظـم تـتـن الشمـالي ..وافلست منها وقت حـزات الأفطـار ‏


ما شفت مثل خليف شين العـمالي ..وزوداً عـلـى قـرده كـذوب ومــكـار


لـو كان جتـني قـوم وأفـنت حلالي.. اصبـر على عسر الليالي والأمرار ‏


مـن صـرت أنـا مهـزابـة للرجالـي ..ويا ما كسبت من العدا جـل وأبكار ‏

[ابرق الحرار]

ابلحقه ماء وبقوله (محل مايسري يمري)

[عشق الرحيل]

عزالله موقف الله الايحطنا فية ان شالله . الواحد مايدري وش يعمل ساعتها .....

[MMMمخاويMMM]

بتعوذ من ابليس واقول هذا قضاء وقدر

الله اللي اجابه والله اللي خذاه ..ويمكن تكون خيره من شي اسوء من ذلك..

[اقدم صقار]

ايه صدقت

اللي ما يعرف للصقر يشويه

مدري وش بسوي له ولاكن بيصير تخنيز ههههههههه

[قناص راكب شاص]

قال طير يطرد طير يبي السلامه وطير يبي الخير

[وحيد الليل404]

يعطيك العافية

[ذراع الذيب]

السلام عليكم ورحمة الله وبركاته..
مسيت بالخير ياشلهوب..

اللي بتجيني صدمه لاكن مااعتقد انها بتعدي سلامات هههههههه..
الله لايحطنا في مثل هالموقف لاهنت وتحياتي لك..