مشكلة بالبترول

[قناص الأشهب]

السلام عليكم ورحمة الله وبركاته
الموتر باترول موديل 90
فيه رجه خفيفه من سرعة 90 الى 100 قبل التسعين تمام وبعد المية تمام والرجة ماتحس بالموتر كله يهتز تحسها في وزوزة الطبلون وذا عندي في الدرج هلل ومسامير صغار تحس كأن واحد يهزها هذا بالنسبة لتوضيح مقدار الرجة :
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
أما عن الأصلاحات اللي غيرتها وعن وضع الموتر
غيرت تواير شواهين جدد
وزن أذرعه وترصيص أرضي
غيرت الذراع اللي يجي منعوج مع مساعد الدركسون وكالة
الرمانات شيكتهم تمام واحد فيهم كان مرتخي وشديدت علية
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
غيرت مع خويي التواير وأخذت اللي عندة دنلوب عريض طلع نفس المشكلة
( المقصد من الموضوع معرفة االمشكلة و ولكي يستفيدون الشباب لأني بحثت في المواضيع ولا حصلت موضوع بنفس المشكلة )

[خبايا انسان]

الرجة الي عندك خفيفه ,, لاكن يفضل استبدال مساعد الدركسون الوكاله ب مساعد جبريال ابيض

[ابوصالح .]

نفس المشكلة عندي ننتظر الشباب

[قناص الأشهب]

الرجة الي عندك خفيفه ,, لاكن يفضل استبدال مساعد الدركسون الوكاله ب مساعد جبريال ابيض

بيض الله وجهك ما قصرت

[قناص الأشهب]

نفس المشكلة عندي ننتظر الشباب

أبو الحالح شكرا على مرورك
وننتظر الشباب
ونسيت لا أذكر أني مركب فرارات يعني ما أتوقع تكون من العامود

[abo naser 1]

السلام عليكم

شيك على مساعد الدركسون مثل ماذكر أخونا بالرد السابق وصارت مع كذا مرة

[قناص الأشهب]

مساعد الدركسون مغيرة وكالة
لكن شكلي بغيرة جبريال ولا استرالي

[المنيعي1]

حصل معي رجة قوية بالباترول
وكبست الذراع فقط وذهبت الرجة حتى بعت الموتر

[محب الهيف]

شف طال عمرك انا كانت معي نفس الرجه الي تقول عنها
المهم مالك بطويله فك الفليروات الي واراء الهوب القادم
تلقى اربع مسماير فك المسماير ويطلعلك وجه حفيف سخيف
بلحيل نزله وطبق المسامير ويجيك فوق نفسه اربع مسامير
فكه ونزل الوجه وطبق المسامير ولجه الثانيه نفس الشي
وبأذن الله راح تروح الرجه وشغله سهله اقرب مكانيكي
بس يفك المسامير فوق وتحت وينزل جه ويطبق يعني
الشغله كلها ماتكلفك ولا مائه ريال وان شاءالله راح
تدعيلي واسف على الاطاله

[RW7..ALBDAWA]

اخوي نفسسسس نفسسسسسس المشكله صآرت معي

اول شي رح لورشة اسمهآ مرآت بالصنآعيه القديمـه وقله يدبلك مسآعد جبريآل يدبل مع شغل اليد مع كل شي يآخذ عليك 150 ريآل وقله يفكلك مسآعد الوكآله ويركب بدآله جبريآل يعني يصير عندك اثنين جبريآل

وصصدقني تبي تنسسسى شي اسمـه رجه لو تمشي بكفرآت مآفيهآ ترصيص مآرآح يرج ابداً ابداً وعلى مسئوليتي

[قناص الأشهب]

شف طال عمرك انا كانت معي نفس الرجه الي تقول عنها
المهم مالك بطويله فك الفليروات الي واراء الهوب القادم
تلقى اربع مسماير فك المسماير ويطلعلك وجه حفيف سخيف
بلحيل نزله وطبق المسامير ويجيك فوق نفسه اربع مسامير
فكه ونزل الوجه وطبق المسامير ولجه الثانيه نفس الشي
وبأذن الله راح تروح الرجه وشغله سهله اقرب مكانيكي
بس يفك المسامير فوق وتحت وينزل جه ويطبق يعني
الشغله كلها ماتكلفك ولا مائه ريال وان شاءالله راح
تدعيلي واسف على الاطاله



الله يجزاك خير على التجاوب
لكن فيه مسمى ثاني للفليورات ذي يعني لو قلتها لأي ورشه بيفهم علي
وهل تقصد أني أفك الجنط والهوب وهي تكون خلف الهوب وهل تقصد ان أفكها أو أغيرها

[قناص الأشهب]

اخوي نفسسسس نفسسسسسس المشكله صآرت معي

اول شي رح لورشة اسمهآ مرآت بالصنآعيه القديمـه وقله يدبلك مسآعد جبريآل يدبل مع شغل اليد مع كل شي يآخذ عليك 150 ريآل وقله يفكلك مسآعد الوكآله ويركب بدآله جبريآل يعني يصير عندك اثنين جبريآل

وصصدقني تبي تنسسسى شي اسمـه رجه لو تمشي بكفرآت مآفيهآ ترصيص مآرآح يرج ابداً ابداً وعلى مسئوليتي

بيض الله وجهك
وشكلي بسويها وأن شاء الله تضبط
مع اني بالشرقية مو بالرياض

[محب الهيف]

الله يجزاك خير على التجاوب
لكن فيه مسمى ثاني للفليورات ذي يعني لو قلتها لأي ورشه بيفهم علي
وهل تقصد أني أفك الجنط والهوب وهي تكون خلف الهوب وهل تقصد ان أفكها أو أغيرها


فك الكفرات الي قدام وشف وارء الهوب من تحت يجيك اربع مسامير فكهن
وبعده يطلعلك وجه نحاس سخيف نزله وطبق المسامير ويجك بعد فوق اربع
مسامير نفسه نزل الوجه وطبق المسامير والجه الثانيه نفس الشي
ومن ناحيت التغيير لا تغير شي بس نزل الوجه وترى هو سبب الرجه
بشرط اذا كان موترك سليم من جلد الذراع الي قدام والجنوط ممتازه

[قناص الأشهب]

محب الهيف أبيض وجه ونا أخوك
ماقصرت ووصلت المعلومة
الله يتقيل منا ومنك صالح العمل
جاري التطبيق

[محب الهيف]

محب الهيف أبيض وجه ونا أخوك
ماقصرت ووصلت المعلومة
الله يتقيل منا ومنك صالح العمل
جاري التطبيق

بالتوفيق وعطني العلم بعد مطبقه :D

[كديان]

اكبس الاذرعه لان الذراع الكورة او الرمانه اللي بوسطه يكون
به فضاوة و اذا حركته خفيفة
بعد الكبس تحركه بيدك تطلع ثقيله محمله و هذا الصح
تاكد من ذراع الشاصي قيمته حول ال٦٠٠ ريال اصلي
اسمه بن هارت
اخر حل لازم تشيك ع رمان العكس له ورده تكون راخيه
يشدون عليه و يضبط معك

[FaisalA]

وممكن جل بسيط ويغفل عنه اكثر الناس تشحيم العمود وعمود الشفت بعد كل فتره من الممشى !!