الدس الدس وما أدراك مالدس ---- تعالوا افيدونا بخبرتكم

[برق البروق]

السلام عليكم ورحمة الله وبركاته

الله يتقبل من الجميع وييسر لنا صيام وقيام مابقي من رمضان

يالربع انتم تشوفون مواضيعي كلها واستفساراتي والنقاشات مسوي زحمه

تراني ماعندي طير بس صقار قادم إن شاء الله :) وحاب استفيد منكم

يالربع الاحظ ان الصقاقير يخلي الدس موسم كامل لايغسله ولايغيره وهو كل يوم يعلف الطير عليه ويجيه دم وبقايا لحم صغار ،،

وهذا مما يسبب تجمع الجراثيم والبكتريا

توقعي انها تسبب امراض في كفوف الطير هل هذا صحيح ؟ ولاتوقعي خطأ

والشيء الثاني وش الافضل الدس ،، قماش أو جلد ، واللون الزين

عطونا خبرتكم بالدس من جميع النواحي

وودي تسيرون على ذا الموضوع لاهنتوا اذا مابه كلافه وتفيدونا


http://www.mekshat.com/vb/showthread.php?p=8574638#post8574638


وحياكم الله أخوكم برق :l:l

[الطير وكري0]

دام موضوعك مبني على توقعات
اتوقع لو تشمسه يكفي

[صقار العنزي]

انت قلتها دس قماش ولا جلد انا افضل الجلد على شان تغسله وطبعن
اهم شي نظافة كفووف الطير

[ابرق الحرار]

صباح الخير اخوي برق بالنسبة الافضل هو الدس الجلد وبالنسبة للون هو الاحمرافضل لون مناسب للطير من حيث مشاهدة العلف من بعيد في المدعى وتقبل مروري

[عواد الشمري2]

لبد كل تفره تغيره وبنسبه للاون مافيه مشكله من لون محدد كل الاون واحد

[عشق الرحيل]

بالتوفيق.....

[THE SNIPER H]

من الضروري غسل الدس بعد كل علفه والجلد افضل من القماش مع التشميس

[عاذي]

قيمة الدس وانا اخوك 15 ريال لاتغسل ولا تنظف ريح نفسك بالجديد .

[قلب ذيب]

الله يحييك ويحيي مواضيعك الهادفه .
يستخدم للطير حاجتين لنقله , الدس والمنقله والمنقله أقدم من الدس ويستخدمها قدامى الصقارين ولها استخداماتها للطير حيث يمكن ان يوضع الطير على المنتقله ويربط فيها , وفي الاونه الحديثه اصبحت المنقله تغى بقطعه من الترتان ويتم استخدامها بكثره للطيور القرانيس .
اما الدس فهو على شكل قفاز ويخطي البعض ويسميه ( الدست )! ويستخدم للطيور الوحش حيث يتم مسك الطير بثبات ولايؤدي الدس الى كسر ريش الطير كما يحدث احيانا للمنقله ,ويفضل ان يكون الدس من الجلد والمنقلة من القماش ولايعلف الطير على المنقله الا نادرا وكثرا مايعلف على الدس .
ولابد من الاعتناء بالدس والمنقله وغسلهما بشكل دائم وتنظفيهما وعدم اطعام طير على دس طير أخر , ويمكن غسل الدس وحفظه في مكان بارد طوال مدة تقييض الطير , ولايحبذ ربط الطير بالدس او المنقله في الوكر وذلك خطأ كبير يعمد اليه بعض الصقاقير خاصه حديثي الصقاره .... والله اعلم .

[راعي - عديم]

يعطيك العافيه
خل معك دسين دس للنقل ودس للعلف
وكل فتره بدل دس العلف ماأرخص منه

[MMMمخاويMMM]

افادوك الاخوان. ماقصرووو.. كفوو ووفوو

[جلاد الحباري]

قبل لاتعلف الطير بساعة خذلك خلط ديتول مع ماء وقطعة قماش وامسح الدس ونظفه وخله ينشف وعش طيرك الديتول معقم ممتاز

[برق البروق]

دام موضوعك مبني على توقعات


اتوقع لو تشمسه يكفي



مرحبا بك ،، كل الدنيا توقعات :D

والتشميس اكيد له دور بالتعقيم

ومرحبا بك

[برق البروق]

دام موضوعك مبني على توقعات


اتوقع لو تشمسه يكفي



انت قلتها دس قماش ولا جلد انا افضل الجلد على شان تغسله وطبعن
اهم شي نظافة كفووف الطير


هلا بعيال وايل كلهم

فيه دس يجي مخمل واشوف بعض الصقاقير ياخذونه

وانا من وجهة نظري الجلد ازين بس حبيت اخذ الاراء

[برق البروق]

صباح الخير اخوي برق بالنسبة الافضل هو الدس الجلد وبالنسبة للون هو الاحمرافضل لون مناسب للطير من حيث مشاهدة العلف من بعيد في المدعى وتقبل مروري

صباح النور

سلمت على الطرح والمشاركة لكن بالنسبة للون اتوقع الاسود او البني افضل لتمييز العلف أكثر

ولاهنت على المشاركة

[اقدم صقار]

دس جلد واي لون والافضل تغير الدس كل شهر

وبالنسبه لدس العلف غير عن دس النقل

اخوك ابو منصور

[هاوي الصلفات]

حياك اخوي
الصراحه اعجبني انتباهك لسالفة الدس والبكتريا
ومافيه شك ان تنظيف الدس او تغييره شي مهم
بين كل فتره وفتره على الاقل لو ينظف بالتراب
بعد كل عملية تعليف للطير لان الما قد يفسد الدس الجلد
واتوقع لك ان شاء الله مستقبل جيد بالصقاره
موفق بأذن الله .