من يخبرني عن أفضل طريقة ؟؟؟

[هدلان]

يا جماعة الربع من يخبرني وش أفضل طريقة لتبريد الماء في فصل الصيف ؟ اذا خلص الثلج وانت بالبر ولا معك ادوات تبريد ( قربة - مطارة الخ .. ) يعني ما معك الا ماء بالتوانك والحر شواك من جميع الجهات ولا حولك ديرة قريبة فما هي الحيلة لتبريد الماء ولو لدرجة معقولة للشرب ؟؟

[مطرح البيالات]

اخوي مسافر......... صبلك موية في (سحلة) وخلها شوي إن شاء الله تبرد وإذا كانك مركب تانكي لو تحط علية عازل يكون أفضل

[مسافر1]

أخي .. مسافر11 ..
حياك الله يوجد طريقة ..
وهي أن يوضع الماء الذي تريد شربه في علبة محكمة الإغلاق أو كيسة يعني باغة . وشدها جيداً ..
ووضعا بسطل يوجد فيه ماء ..
والاستفادة من الغاز وذلك بوضع لي الغاز في الماء وفتحه لمدة قليلة بعد ذلك .. يتم التبريد ..
تشكر أخي ..

[هدلان]

أشكر لكم تعاونكم وسوف اجرب ما ذكرتم وأعلن النتائج إن شاء الله تعالى

[المخيال]

والله انت صكرت علينا الابواب من كل جهه
لعل اراء الشباب واقتراحاتهم تفيدك

[البركة]

اخوي مسافر 11
صب ماء بقدر او طاسة ويفضل ان تكون عدن وحطه بظلال السيارة وانتظر وراح تبرد ان شاء الله

[أبو زكية]

أخوي مسافر 1 ..

هل سبق وأن جربت الغاز ؟؟

أنا بصراحة جربته كذا مرة لكن ما استفدت شيء غير الريحة !

ولا شفت بروده

[aamd01]

معلومات تنفع بارك الله فيك

[googl11]

صب ماء بكيسه وافصخ فنيلك ولفه علي الكيس ورش الفنيله واربطه بالمرايه وكل ما نشفت الفنيله رشه وانت تمشي بالسياره واذا حطيت بريق الشاهي بالفنيله احسن وانتبه لسنيناتك من الثلج هههههههههههههههه
معليش من جده لا تواخذونن

[sameer_1798]

هههههههههههههههه معليش من جده لا تواخذونن

؟ ؟ ؟ ؟ ؟ ؟ ؟ ؟ ؟ ؟.

[قرقاص]

خذ لك خيشه ورش عليها ماء وحط اللي تبيه يبرد تحتها وحطها في مكان ظلال ويطقه الهوا

وكل مانشفت من الما رشها

ماتشوف راعين الخضره يغطون الجح والبقدونس والخس

واذا طلعها من تحت الخيشه تلقاه بارد وكنه محصود من شوي

[صبي غلباء]

بعد السلام على الجميع

من رائي انك تعبي الماء او اي مشروب مثل الببسي في غراش مويه صحه كبيره وحطه فوق الطبلون وحول المكيف فوق وخله يضرب عليه بس اذا الشمس شديده حط فوطه او اي عازل بين العلبه والقزازه وخذ بروده تقول توك مطلعها من الثلاجه بلا غاز بلا امراض ناقصين حنا الحمد لله كل سياراتنا مكيفه او وش راي اعضاء مكشات الكرام
وشكرا

[جهام القصيم]

صب ماء في صحن ويفضل ان يكون ستيل على شان طعم الماء وحطه بظلال السيارة وانتظر وراح تبرد ان شاء الله

ولا ارخ الكيس وشتر لك فريزر من الطمرة 50 لتر والدنياء فانية او رق

[سعد القاسم]

بالنسبه لي افضل عزل التوانك تساعد على حفظ البروده نوعا ما ... وبالتوفيق ان شاء الله

[اشهب الزلفي]

هل سبق وأن جربت الغاز ؟؟

أنا بصراحة جربته كذا مرة لكن ما استفدت شيء غير الريحة !

ولا شفت بروده[/QUOTE]


يمكنك اخوي مجرب الغاز اللي بالعلب اللي تغيرهذا خراط مهوب شي
لكن جرب الغاز حق الدوافير او البراميل واذا حطيت اللي داخل السطل شف الميزانية حقت الحنفيه اربطها لآخر شي
لأنه لازم يكون دفع الغاز قوي مره وعلى طول يثلج الماء.

[صدى الهوجاس]

بامكانك انك تحفر حفره بمكان يوجد به ضلال ولا تكون الحفره كبيره يعني اكبر من حفره الضو بشووي وافرش اي كيسه ابو باغه فالحفره وحط فوقها علب الما او المراد تبريده وصب عليها ما ورش على اطراف الحفره شووي وان شاء الله انها تبي تبرد