ارجو من اهل الخبرة الافادة والمشورة

[فيصل مبارك]

السلام عليكم ورحمة الله وبركاته
اريد فزعة اهل الخبرة في الشوازن
قابلت قبل يومين احد الاشخاص في الرياض وهو من اهل القصيم وشفت معه شوزن تركية مرهمها وقال انه مغير مكينة الشوزن الى مكينة امريكية والماصورة مغيرها الى ماصورة بلجيك ومغيرها في احد محلات القصيم الي في سوق الجردة والرجال يمدحها ويقول تسوق سوق طيب بالحيل مهما ان الماصورة قصيرة جدا
وبعد ما سمعت منه خطر على بالي ان اسوي مثله والرجال ما عرفة ولكن قابلته في محل لتصليح الاسلحة بالرياض وسلاحي الي معي شوزن تركية ام خمس وش رايكم ياخوان احد جرب ينصحي اسوي مثله
ولكم مني جزيل الشكر والعرفان

[فرخ الجني]

هههههههههههههههههههههه الحمد لله اللذي عافاني مما ابتلاكم

[سابرالضلع]

وعليكم السلام ورحمة الله وبركاته أخوي فيصل مبارك نصيحتي لاتولف في السلاح حتى لو كان مسمار
تقبل مروري

[فيصل مبارك]

هههههههههههههههههههههه الحمد لله اللذي عافاني مما ابتلاكم
مشكور اخي على الرد الرائع الذي يدل اخلاق صاحبه
واشوفلك موضوع حول الدعوة
http://www.mekshat.com/vb/showthread.php?t=509440

[فيصل مبارك]

وعليكم السلام ورحمة الله وبركاته أخوي فيصل مبارك نصيحتي لاتولف في السلاح حتى لو كان مسمار


تقبل مروري

حياك الله اخي سابر والله السلاح الي معي رافع ضغطي شاريه جديد بقراطيسه قبل سنتين لكن مع جنبها ما ينفع بريال وكل شوي انظفه واهندس فيه لكن ما فيه فايدة وقلت خلني اجرب التراهيم يمكن يبرد الكبد

[سابرالضلع]

هلابك أخوي فيصل مبارك والله وانا أخوك بكيفك لاكن دور المهندس الزين اللي يظبط لك السلاح

[برق 11]

وشهي من التركيات ؟

انا اعرف رجال مرهم لبندقه اجزاء من مكينه البنلي عند الرميان وبندقه بلاك ولف اما وش اللي غير فيها بالتحديد صراحه ما ذكر لي

[فيصل مبارك]

وشهي من التركيات ؟

انا اعرف رجال مرهم لبندقه اجزاء من مكينه البنلي عند الرميان وبندقه بلاك ولف اما وش اللي غير فيها بالتحديد صراحه ما ذكر لي
حياك الله اخي برق نوع الي عندي تركية اسمها ايسكورت

[فيصل مبارك]

للرفع الله يرفع قدركم

[انا ابو بندر]

طيب سؤال اخوي اذا ممكن شوزن الرجال وش ينقالها الحين ؟؟؟؟

تركيه

امريكيه

بلجيكيه


بامكانك الاستعانه بصديق

اللهم عافنا واعفوا عنا

[فرخ الجني]

مشكور اخي على الرد الرائع الذي يدل اخلاق صاحبه
واشوفلك موضوع حول الدعوة
http://www.mekshat.com/vb/showthread.php?t=509440

وهل يعني ترهيمي للمخزن تغيير في البندق انا اللي سويته اظافه بس لاكن اني اشيل مكينت بندق وارهم غيره هنا مصيبه اشيل ماصورة بندقي وارهم ماصورة هنا المصيبه اكبر انا ضد الترهيم من اجل الترهيم الا للحاجه يعني هو الحل الوحيد فقط هنا انا معك ارجوا انك فهمتني الحين :D

[شاهين12]

وعليكم السلام ورحمة الله وبركاته.

بندقك اخوي ايش مشكلتها ؟؟؟
،اللي خابر بعض التركيات تحتاج تولفلها بعض القطع من البنلي وااااااااالخ.
وليس يغير الجهاز بالكامل ،اكيد صاحبك يمزح .

[فرخ الجني]

يا اخوي يا شاهين اترك الموضوع عنك انا من يوم شفته قال ان اللي مسويها من القصيم وانا غاسل ايدي منه لا يجين احد يهابد من مهبلنا انا بعد من القصيم وعند اغلبنا قصة الترهيم موضوع اساسي مهب حاجه يعني واحد يشري سوبر بنلي شوزل عليه العلم جديده يركبه ومن دون ما يرمي يروح يرهم ماصورة بلجيك ليش ما اعجبك رميه طيب رح ركب شوكات يقولك خرابيط ذي واحد بهالعقلية وش ترتجي منه اللحين شركات تكلفت مصانع ومهندسيين والات بالملايين ولا ننسى خبره مثلا بريتا له500 سنه تصنع ذولا غلط همن يجين كسرة نصاب من حقين منب قايل صيانه لانههم مخربين البنادق يقولك هالمكينه ولا هالماصورة ما تنفع فكه بس ورهم احسن اعيد واقول الحمد لله اللذي عافاني مما ابتلاكم

[فيصل مبارك]

وعليكم السلام ورحمة الله وبركاته.

بندقك اخوي ايش مشكلتها ؟؟؟
،اللي خابر بعض التركيات تحتاج تولفلها بعض القطع من البنلي وااااااااالخ.
وليس يغير الجهاز بالكامل ،اكيد صاحبك يمزح .

حياك الله اخي شاهين والله الرجال ما اعرفه قابلته في محل تصليح للاسلحة بالرياض والسلاح معه وسالته عنها وقالي السالفة وقال انه مرهمها عند محل يقاله ابو فيصل لتصليح الاسلحة بسوق الجردة اما من ناحية الشوزن الي معي ما فكرت في الموضوع الا انها اعطالها كثيرة وسوقها ردي وكل شوي منظفها واذا ما نظفتها ما عاد تلقم الفشق

[فيصل مبارك]

يا اخوي يا شاهين اترك الموضوع عنك انا من يوم شفته قال ان اللي مسويها من القصيم وانا غاسل ايدي منه لا يجين احد يهابد من مهبلنا انا بعد من القصيم وعند اغلبنا قصة الترهيم موضوع اساسي مهب حاجه يعني واحد يشري سوبر بنلي شوزل عليه العلم جديده يركبه ومن دون ما يرمي يروح يرهم ماصورة بلجيك ليش ما اعجبك رميه طيب رح ركب شوكات يقولك خرابيط ذي واحد بهالعقلية وش ترتجي منه اللحين شركات تكلفت مصانع ومهندسيين والات بالملايين ولا ننسى خبره مثلا بريتا له500 سنه تصنع ذولا غلط همن يجين كسرة نصاب من حقين منب قايل صيانه لانههم مخربين البنادق يقولك هالمكينه ولا هالماصورة ما تنفع فكه بس ورهم احسن اعيد واقول الحمد لله اللذي عافاني مما ابتلاكم
اقول الله يعنيك على نفسك يافرخ الجني قل خيرا او اصمت انا ما طرحت الموضوع الا أريد الافادة والمشورة من اهل الخبرة لا انك تقولي الحمد لله اللذي عافاني مما ابتلاكم