المساعد الشخصي الرقمي

مشاهدة النسخة كاملة : استفسار توظيب جي اكس آر


فهد 003
30/07/2012, 12:35 AM
السلام عليكم ورحمة الله وبركاته

شخباركم كيف الحال يا أعضاء المنتدى

معي جي اكس ار 2001 احتر معي قبل فترة وصار ينقص زيت ويهرب زيوت مع كل الوجيه

وأبي اوظبه ومادري كم يكلف

وحبيت أسأل كم يكلف التوظيف سواء كان كامل او نص توظيب

اتمنى اللي سوو التوظيف يقولون لنا كم كلفهم
فهد 003
30/07/2012, 03:32 AM
معقولة مافيه اجابة ؟
ابوراكان تبوك
30/07/2012, 03:51 AM
يكلف على حسب القطع
واحد من اخوياي وظب 2001 بسبب الحرارة يقول كلفه 6000 ريال قطع اصليه بس مشكلة الاسعار كل فترة تتغير وقطع تويوتا هزت شوي عن اول
بس عندي سؤال كم ماشي موترك ؟؟؟؟؟؟
فهد 003
30/07/2012, 04:14 AM
يكلف على حسب القطع
واحد من اخوياي وظب 2001 بسبب الحرارة يقول كلفه 6000 ريال قطع اصليه بس مشكلة الاسعار كل فترة تتغير وقطع تويوتا هزت شوي عن اول
بس عندي سؤال كم ماشي موترك ؟؟؟؟؟؟



يعطيك العافية موتري جديد والله
ماشي 210 ألف بس جته الحرارة ذي وحاسته علي وصارت تهرب جميع الوجيه اللي في المكينة وصار فيه نقص بالزيت والمكينه الحمد لله صافي اشتغالها ومافيها شي ماعدا النقص والتهريب البسيط في الوجيه
sgl2002
30/07/2012, 04:41 AM
طيب ممكن مايحتاج توظيب

ممكن يبغالك وجيه والراس يمكن في شعر بسيط يصلحونه بالمخرطه وخلاص كلها تكلفك ١٠٠٠ ريال كحد اقصى

اهم شي مافيه دخنه
sgl2002
30/07/2012, 04:44 AM
والنقص ترى ممكن انه يروح بعض الزيت مع موية الرديتر لانك تقول الوجيه راحت

لكن ترى توضيب مكاين ٢٤ بلف غالي شوي وال٦٠٠٠ريال هذي ماتسوي نص توظيب
كبسولة2
30/07/2012, 05:10 AM
أخي الكريم ودي السيارة لورشة وقله غيري لي طقم وجيه كاااااامل

وإذا فتح المكينة شوف بنفسك السلندرات من الداخل إذا فيه شفه

تحتاج لتوضيب وإذا السلندرات سليمة ومتساوية

غير طقم وجيه فقط للراس والكارتير والصوف على طريقك
فهد 003
30/07/2012, 06:10 AM
يعطيكم العافية حبايبي ماقصرتو والله واخذنا منكم الفايدة
عز الله ماتبلش بعمرك دامك عضو في منتدى مكششششات
ربي يحفيظكم ويحميكم

يعطيكم العافية ///
ابوراكان تبوك
30/07/2012, 09:01 PM
sgl مالك لوا اذا غير الراس يبي له طقم بلوف ووجيه وتطبيق في المخرطه وطقم البلوف الحاله اكثر من 1200 ريال اصلا جلد البلوف الحالها مع تركيبها يكلف الف ريال وخويي موظب توظيب كامل بـ 6000 والقطع أصليه وانت تقول الرأس الحاله يكلف 1000 وخليت سعر البلوف وقيمه الراس والوجيه وشغل اليد والمخرطه

اخوي فهد الحراره الزائدة تذوووب البساتم اذا مافيها صوت طقه والسياره بارده غير وجيه واكشف على الرأس عند مخرطه وراي كبسوله زين
موووووووووووفق