بشتري ثلاجة وش تنصحوني !!!!

[الكونغررس]

السلام عليكم ..


بشتري ثلاجة للمقناص وانا ماعندي خبرة نهائياً فيهم واللي شفت الانواع كثيرة من خلال مواضيع الاعضاء وانا احترت كثير وش تنصحوني من خلال تجاربكم الشخصية

اللي ابغاه تكون الثلاجة كـ الآتي ؛

ماتسحب كهرباء واجد يعني اخليها شغاله حتى وقت النوم
تكون عاليه الجودة وفيها تثليج يعني اقدر اثلج فيها اللي ابيه




من خلال تجاربكم انصحوني
وياليت كل واحد من الاخوان يرد يقولي وين وكيلها ووين تنباع حتى ان توفر رقم الهاتف

[Al_zenad]

مرحبا أخوي الكونغررس
يسعدني ويشرفني أن أفيدك وأخدمك كأخ لنا في هذا المنتدى
أولاً:
قبل شراء الثلاجة يستحسن إنك تعرف كل الامور المتعلقة بطريقة استخدامها و المحافظة عليها و هذا مهم بالدرجة الأولى من أجل تثليج قوي و عمر طويل للثلاجة و أتوقع الاخوان ماقصروا في مواضيع سابقة بالنسبة
للطريقة الامثل للمحافظة على الثلاجة و تسليك الكهرباء لها و جميع الامور المتعلقة بذلك


ثانياً:
بالنسبة لأفضل ثلاجة من وجهة نظري و تجربتي فأنا أرشح لك ثلاجة الويكو(الطمرة) 40 لتر فرار ألماني أصلي بالكامل
و أتوقع تلقاها عند محل المرباع بعنيزة و كما أذكر إن عندهم عرض عليها بـ 3500 ريال مع محول كهرباء معها


و الله يكتب لك اللي فيه الخير دنيا و دين


تحياتي
الزناد

[أبوفاطمة]

حياك الله الأخ الكونغررس
و من تجربتي الشخصية لثلاجة الأنجل ,,ممتازة من كل النواحي لكن تآخذ وقت لين توصل للتجميد وهذا شي عادي و هذي الثلاجة معرررروفة من أكثر من 20 سنة حسب المواقع الأسترالية و كلهم يمدحون فيها

[طارق الحريري]

حياك الله اخوي بصراحه انا كنت اباخذ الطمره 50لتر يوم شفتها غاليه فكرت ادور مستعمله نظيفه قلت

يطيح منها الف ريال بركه وبعد ماشاورت ناس مستخدمينها يمدحونها ولكن يقولون لوفصلتها يذوب الثلج

بسرعه قلت الشور قالو فيه ثلاجه اسمها آلاسكا صينيه تشتغل على كهرب البيت وبطارية السياره وضمان

3شهور وستيل من برا ومن داخل مثل فريزر البيت يعني تحافظ على البروده وسالت احد مستخدمها

يقول4سنين الحمدلله ماشتكيت منها والله واخذلي وحده جديده60لتر وكل من شافها قل ماشاء الله

سعر ومميزات وفيها ميزة التيربو تثلج بسرعه وقطع غيار متوفر ورخيص بصراحه انصح فيها لو اعرف

انزل صور نزلتلك صورها

[بن حمد33]

حياك الله اخوي بصراحه انا كنت اباخذ الطمره 50لتر يوم شفتها غاليه فكرت ادور مستعمله نظيفه قلت

يطيح منها الف ريال بركه وبعد ماشاورت ناس مستخدمينها يمدحونها ولكن يقولون لوفصلتها يذوب الثلج

بسرعه قلت الشور قالو فيه ثلاجه اسمها آلاسكا صينيه تشتغل على كهرب البيت وبطارية السياره وضمان

3شهور وستيل من برا ومن داخل مثل فريزر البيت يعني تحافظ على البروده وسالت احد مستخدمها

يقول4سنين الحمدلله ماشتكيت منها والله واخذلي وحده جديده60لتر وكل من شافها قل ماشاء الله

سعر ومميزات وفيها ميزة التيربو تثلج بسرعه وقطع غيار متوفر ورخيص بصراحه انصح فيها لو اعرف

انزل صور نزلتلك صورها




وين نحصلها اخوي وكم سعرها بارك الله فيك

[الكونغررس]

الزناد

مشكور طال عمرك بس في لهم فروع غير عنيزة ؟


ابو فاطمه

شكرا ع المرور بس وين احصلها الانجل ؟


طارق الحريري

اشكرك ع الرد يالغالي


بن حمد 33

شكرا للمرور





ياجماعه الخير اللي يذكر الشي الزين يذكر وكيله ومكانه

[طارق الحريري]

حياك الله اخوي سمعت انها موجوده عند السنيدي او عروق الشمال ببريده انا ماخذها من الكويت من الوكيل تقريبا 1750ريال

وعندهم 3احجام 40و60و80 كنت اباخذ 40 حجمها زين لكن شفت فرقها عن 60 بسيط قلت اخذ 60 ماتسوى عازتها

ذبيحه او خضره وعندي سله بالموتر قلت اخذه ولا تحسف بعدين

[طارق الحريري]

واحد من الربع يقول انها اغلى بالسعوديه واخذوها من الكويت

[الكونغررس]

طارق الحريري


منو وكيلها بالكويت ؟

[طارق الحريري]

وكيلها شركة المخزن العام بالشويخ الشارع اللي فيه شركة النصف اذا تبي صوره

للثلاجه راسلني على الخاص ارسلك بالوتس الصوره لاني ماعرف انزل صورتها

[الطرس ممدوح]

حياك الله اخوي بصراحه انا اشور عليك خذ الطمره

[سرهيد]

السلام عليكم

بلا شك ان الانجل من الثلاجات الرائعة ، لكن من واقع تجربة ، كما ذكر البعض بطيئة في التبريد وتسحب كهرباء ..

انصحك بالطمرة سواء الفرار وهذا ما يفضله البعض او الاليكترونية فانا شخصيا لا استخدم الا الاليكترونية

وموفق اخوي الكريم

[طارق الحريري]

نسيت اذكر تبريد وتجميد من10 الى22-

وسحبيت الثلاجه ال40 55واط و60و80 65واط

نصيحه لاتعداها وابعد عن جشع التجار

[Al_zenad]

بالنسبة للمرباع مااتوقع ان لهم محل خارج عنيزة
لكناللي اعرفه انهم يوصلونها لك لحد مدينتك
تمنياتي لك بالتوفيق

[الكونغررس]

ماقصرتوا يا جماعه وبيض الله وجيهكم كلاً بأسمه
بالنسبة للطمرة اي حجم يكون مناسب !!

وبالنسبة لشركة المرباع اللي بعنيزة وع كلام البعض ان فيه توصيل نبي ارقام هواتفم المرباع !

[Al_zenad]

هذا رقم المرباع تفضل 063646555

[عبدالله العامر3141]

الطمره وبس

[طارق الحريري]

نصيحه خذ آلاسكا وخل الطبعه تقعد اذا المقاس من40 وفوق

ترى نص السعر يبي يطيح عنك تقدر تمدد بطاريه اضافيه للثلاجه

وتحط طبق وتلبس الثلاجه ويمكن يبقى معك دراهم نصيحة اخو

لايغرك صينيه ترى ممتازه والقوانيص بدو يتوجهون لها يعني

يمكن يزيد سعرها خذها ماراح تندم لاتنسى انها ستيل من برى

ومن داخل قصدير والطبعه بلاستك من برى ومن داخل ماتحافظ على البروده

اي سؤال عن الثلاجه حاضر

[هولوكس2005]

السلام عليكم ورحمته الله وبركاته

أنا جربت ثلاجة الرماية 45 لتر ممتازه لها عندي تقريبا سنتين ونص
واعرف ثلاث أشخاص شرو نفسها يمدحونها

وافضل ميزه لاحظتها سماكة العازل يعني لو تطفي 4 ساعات ماحل الي وسطها
صرفيتها للكهرب ضعيف يعني بطارية الاساسية تكفي ل 6 ساعات بالراحة بدون تشغيل السيارة

تبريدها جيد جدا

[تقويم]

نصيحه خذ آلاسكا وخل الطبعه تقعد اذا المقاس من40 وفوق

ترى نص السعر يبي يطيح عنك تقدر تمدد بطاريه اضافيه للثلاجه

وتحط طبق وتلبس الثلاجه ويمكن يبقى معك دراهم نصيحة اخو

لايغرك صينيه ترى ممتازه والقوانيص بدو يتوجهون لها يعني

يمكن يزيد سعرها خذها ماراح تندم لاتنسى انها ستيل من برى

ومن داخل قصدير والطبعه بلاستك من برى ومن داخل ماتحافظ على البروده

اي سؤال عن الثلاجه حاضر



نعم عندي سؤال

ممكن اخوي وين احصلهاا ولا شفتهاا اجيبلك خبرهاا وجودتهااا وكم سعرهااا

وشاكر فزعك اخووي

[طارق الحريري]

حياك الله اخوي تقويم وين تحصلها يقولون بالقصيم

عندالسنيدي او عروق الشمال اوالمحيميد او المبارك

مأدري بالضبط اقدر افيدك بالكويت لاني ماخذها من الوكيل

الثلاجه ماعليها كلام ان شاء الله واستخدموها قوانيص ماقالو فيها شي

سالت واحد قبل لا اشتريها يقول 4سنوات الحمدلله ماشكيت منها

سالت الوكيل يقول محد شراها وجانا يشتكي لقيت عنده ثلاجه80لتر تصليح

آيس طبعا من2008 الثلاجه قلت من شنو الخراب قال من سوء استخدام شابكها غلط

كم تصليحها قال 28دينار سالته عن الكمبرسرقال30دينار قطع غيارها متوفر والعزل والتبريد

مضبوط يعني مواصفات وسعر ممتاز بالنسبه للموجود بالسوق

[تقويم]

طارق مساء الورد ونور وسرور

وعتذر على الاستفسار الواجد .... المهم

كم ... سعرهااا

وهي تثليج وتحمل المطامر بالمقناص

وهل سحبهاا للكهرباء كثير يعني كم امبير تسحب


ويااااليت صورتهاااا

[طارق الحريري]

الثلاجه تجي 3احجام 40و60و80 ال40/ 120دينار و60/ 130 و80/ 150دينار

والثلاجه تبريد وتثليج من 10 الى22- وتحمل المطامر بشرط تثبتها بالسياره ماتحرك

وفيها ميزة التربو والعزل الصور ماعرف انزلها ياليت توضح الطريقه انزلها عشان

يستفيدون الاخوان اللي مايعرفون الثلاجه نسيت اذكر سحبها ال40/ 55واط

و60و80/ 65واط

[رحال كعب]

كل التجارب ناجحة المشكله في الاستخدام انصحك بالويكو شاريها من دبي 2000 مقاس 35 وموجوده حاليا في السنيدي في الرياض كم السعر الله اعلم ناسي والله

[الكونغررس]

ماقصرتوا ياخوان وبيض الله وجيهكم


رحال كعب من وين شريتها من دبي بالتحديد ؟

[اتجاه السحاب]

المرباع للرحلات ..القصيم ــ عنيزة
هاتف/063646555
والأفضل تاخذه من السنيدي علشان الضمان لانه صار وكيل ويكو
السنيدي للرحلات ..القصيم ــ بريدة
هاتف/063255555
وعلى ماأذكر من 50لتر وفوق كمبرسر ألماني و45وتحت كمبرسر صيني
بالتوفيق..

[تركي الخنفري]

من واقع تجربتي ثلاجة السنيدي اناشريتها قبل سنة من محل السنيدي بالرياض مخرج 12

40 لتر

ضمان 6شهور
فريزن كامل يعني تبرد سوا وتثلج سوا ولاشفت عليها اي ملاحظة علما اني شغلتها ع بطارية السيارة اكثر من 6ساعات ولاتاثرت البطارية منها ولونها من برا استيل
رحت للمنجد حق السيارات ولبستها لاباد بيج في لون البر
انا انصح اللي يشتريها ماهو خسران حتى قيمتها رخيصة 1890ريال واللي يبي معلومات اكثر ع الواتس بعد اذن الادارة 0555262762

[ابوفهدالقصيمي]

وكيلها شركة المخزن العام بالشويخ الشارع اللي فيه شركة النصف اذا تبي صوره

للثلاجه راسلني على الخاص ارسلك بالوتس الصوره لاني ماعرف انزل صورتها


الأخ العزيز طارق

فضلاً لا امراً ارسل صورة ثلاجة الطمره 40 لتر على جوالي على الواتس اب

ولك جزيل الشكر

0543309999 ابو فهد

[ركان]

عطاك العلم Al_zenad (http://mekshat.com/vb/member.php?u=26161) والأخ سرهيد .