فتك 2002 ابي حل ياجمااااااعة !!!

[الكونغررس]

السلام عليكم


عندي فتك موديل 2002 قير عادي مشكلتي : الضغط يرتفع عندي الى 1ونص و2 ويزور الموتر ودائما يعلق ونادر ما يصير الضغط طبيعي الا ااذا كنت توني مشغل الموتر يكون طبيعي ومايمديني اسرع فيه الا ان الضغط مرتفع يعني اذا احتر الموتر شوي يزور الضغط
وانا وديته لكذا محل ماعرفوا المشكله الا واحد قال يبيله برمجة كمبيوتر وسواله برمجه وضبط الموتر لمدة اسبوع ورجع على ماكان عليه والموتر الحمدالله كل شي فيه سليم وحرارته طبيعيه

ياجماعة الخير انا من اهل الكويت ومالقيت حل عندنا اذا في حولكم ناس لها خبرة بالفتك ياليت تفيدوني بعناوينهم حتى اذا توفرت ارقام هواتفهم

[ابوسند9]

اخوي حياك الله
اتوقع المشكله عندك من حساس فلتر الهواء فك الحساس ونظفه بالهواء بس بشويش لانه على اسمه حساس
وكذالك تاكد من فيش الحساس لانه احيانا يكون عليه غبار او احد اسلاكه منفصله
واذا كان عندك احد معه فتك جرب بدل الحساس لان سعره غالي وكذالك شيك على فلتر الهواء لايكون قديم

[فتك الاسطوره]

اخوي روح الشويخ في محلات قدام قطع غيار البابطين ان شاء الله يفيدونك لان الفتك حقي كان سليتره طايح وغيرت حساس الدعسه وضبط يمكن الحساس حقك يبيله تبديل لان هو يرفع وينزل السليتر وبشرنا اذا ضبط

[قرناس الشرقيه]

يرجال الشويخ افضل لك من كل شي

مايجهلون شي

خصوصا انه في ناس اختصاصي فتك

[الكونغررس]

بيض الله وجيهكم ع الردود

فتك الاسطورة رحت الشويخ ومقابل البابطيين وسويت برمجة بالكمبيوتر وضبط معاي اسبوع ورد ع حالته الاولى مع العلم ان اللي سوا لي البرمجه واحد سوري وهو الوحيد من غير اللي من غير الشركة عنده برمجه فتك ع كلامه ولكن ابعرف شغله منك حساس الدعسه وين مكانه !! تقصد الشوك او شي ثاني !!

[فتك الاسطوره]

حساس الدعسه طال عمرك اذا موترك قير عادي تلقاه تحت الدعسه لونه اسود دائري

[ابوسند9]

اخوي حساس الدعسه ماله دخل في مشكلتك صدقني وبعدين حساس الدعسه موجود في اللهات وسعره غالي كما في الرابط ادناه http://www.mekshat.com/vb/showthread.php?t=242002
وانت جرب شوف افتح الكبوت وراح تلقي على يسارك بالرفرف بجانب فلتر الهواء علبة فيوزات كبار وعددها 5 فيوزات يوجد ثلاثه لونها ازرق بدلها كلها واحد للدعسه وواحد للقير وواحد والله ما اذكر ليش وللعلم هذه الكتاوت المفروض تتبدل كل اربع سنوات

[الكونغررس]

فتك الاسطورة

اشكرك ع التواصل .. حساس الدعسه عرفته بس بسألك يوم بدلته هل عملت برمجه للحساس الجديد بالكمبيوتر ؟ واذا عملتله برمجه وين علمتها ؟ وكم سعره بالشركه



ابو سند9

يعطيك العافيه ع المجهود .. مافي شي ماسويته انا خليت موتري عند الكهربائي وقال راح افحصلك الموتر بالكامل وانا ما ادري عن الكتاوتات اذا فحصهم ولا لا ؟ بس راح افحصهم واعطيكم خبر ان شاء الله

[ابوسند9]

اخوي
شوف الدعسه لها حساس وكتاوت
حساس اللهات نفس اللي في الرابط اعلاه وهذا سعره 1700 ريال ويتغير اذا كانت السياره يالله تمشي طبعا يتغير بعد ما تغير الكتاوت اللي بالرفرف وبعد التشييك على حساس القربه
نجي للكتاوت اللى قلت لك عنه اللي هو بالرفرف بجانب القربه طبعا الكتاوت ما ينفحص مهو زي الفيوز العادي فمن الصعب الحكم عليه انه عطلان ام لا! وانت غيرهم وزي ما قلت عددهم ثلاثه لون ازرق والواحد قيمته 40 ريال
اذا ما نفع فك خرطوش (هوز)القربه الداخل على اللهات (البخاخ ) وراح تشوف لهات لونه نحاسي كما في الرابط اعلاه حاول ترشها في بخاخ صداء او ايس ديلكو وحرك اللهات بيدك ربما يكون فيها صداء او كربون وتعلق
اخوي كل كلامي هذا ما ابيك تخسر قيمة دعسه وهي غاليه واخر شي ما يطلع العطل منها

[ابوسند9]

اخوي
سئلت لك احد الشباب يقول مرت على المشكله وفصلت اصبع البطاريه لمدة 10 دقائق ورجع تمام عشان يبرمج من جديد

[الكونغررس]

ابو سند9

الموتر تعبتي وخسرني والله وبالنسبة للكتاوت اللي بالرفرف يسار فحصتهم مافيهم شي وع كلام الكهربائي ان خرابها مايجي بهذي الطريقه وخرابه ان الموتر يكتم ومايمشي
وطفيت الموتر وفصلت اصبع البطاريه من فتره وماكو فايدة والله يعييني عليه

[الكونغررس]

اللي عملته برمجة كمبيوتر للتشوك وضبط معاي لفترة اسبوع ورد ع خرابه
فتحت الدعسه وغسلتها بأسي ديلكو ونظفتها وماكو فايدة
حتى الوكاله قالوا لي لازم تشيل الهدرز وتركب اكزور ومنيفولت وكاله ونفحصه لك وهذي بروحها تكلفه عالية جدا
واللي خسرته يا جماعه مبلغ من يد واحد ليد واحد والله ماشفت نتيجه الا الخساير والكلام الفاضي
ونبي اللي صارت معاه هالمشكله او يدليني ع واحد خبرة ومخه نظيف

اخر حل توصلت له قالي واحد التشوك اللي راكب بالدعسه عندك خربان
اللي بالصورة بالدائرة البيضه

http://i.imgur.com/LYAmn.jpg



وقال بدله ونسويلك برمجه وان شاء الله يضبط


ولقيت سعره بالشركه ب42 دينار ومع تركيب برمجه ب15
وانا ماهمني الخسارة اذا كان هذا الحل للموتر بس اخاف اشتريه واخسر ويطلع لي شي ثاني دعسه يمكن او غيرها



ياجماعه الخير عطوني رآيكم ،، هذا اللي صار معاي
وهذا الخراب قسم بالله كرهني بالموتر ونبي من النتيجه !!!!!!

[الواهج]

تبي العلم

رح للشويخ مقابل البابطين الي بشارع الزينه فيه كهربائي سوري اسمة خالد ودعييييييييييييييلي

[الكونغررس]

ابشركم من فضل الله لقيت المشكلة ووين واشكركم جميعاً
رحت للتشليح وخذيت دعسة كامله راكبة ع موتر فتك موديل ٢٠٠٤ وركبتها ومانفع يعلق معاااي حييل المهم زهقت من الموتر حييل قالي واحد من الربع في ميكانيكي فنان نبي مروح له قلت صعبه حييل كل اخصائي النيسان اللي بالشويخ ماعرفوا العله المهم رحنا للميكانيكي قالي بدل الدعسه قلت توني مركبها من التشليح وغسلتها ونظيفه قال مو مضبووطه اكييد المهم نصحني اشتري دعسه باثفندر موديل ٢٠٠٣ او ٢٠٠٤ قالي في بالتشيلح مكاين واصله من اليابان جدد فك لك دعسه وجيبها لي وشريت وحده قيمتها ب١٠ دنانيير ولاحظت انها تختلف عن حقت الفتك قال جيبها مالك شغل وجبتها له وشال من الدعسه الخربانه مكان السيم الثاني وركبها ع اللي جبتها وعوج بايب الماي شوي وركبها والحمدالله الموتر رد ع طبيعته وضبطت مية بالمية



واشكركم مره ثانيه جميعاً اخواني وبالاخص اخوي ابوسند٩
اخوي الواهج جيت خالد السوري اللي قدام البابطيين وسوا برمجه من غير كفالة واخذ فلوس وماضبطت نهائيا