المشوره في نوع الدربيل لاتبخل بنصيحه والعلم

[أبو خالد وبس]

اريد نوعية دربيل ممتاز وعملي وسعره متوسط او معقول :good2: :good2: :good2:

مع العلم انه لايوجد لديه خلفيه عن انواع الدرابيل

ولكثرته بسوق كلن يمدح بضاعته :eek: :eek:

والله امن الكاتب لنى رجال شرئي على المشوره والنصيحه :good: :good:

[v506]

دربيل سلاح او دربيل عيون

[مكشاتي مهاجر]

شف اذا تقصد دربيل عيون وسعره متوسط فيه ياطويل العمر
دربيل ليبولد 10*42 ممتاز جداً مقارنه بالسعر طبعاً خفيف
وواضح وبارد على العين سعره 1500 ريال تلقاه في متجر بيتي والرحلة الالكتروني
لاني مالقيت احد يبيعه الى هم او عن طريق موقع الامازون
(ترى مالي شغل بهم لامن قريب ولا بعيد) انا شريت من عندهم واعجبني الدربيل وعرضته على ناس لهم خبره بها الامور وجربوه ومدحوه بعد

[محب الهيف]

ابو خالد وش نوع الدربيل حق عيون ولا اسلاح

[ابو السمك]

عليك بالسايز الالماني كارل سايز جديد او مستخدم نظيف
ترى المستخدم مهو غالي

[أبو خالد وبس]

دربيل عيون والمعذه على التاخير يا محب الهيف

[انا ابو بندر]

خذ لك جلوري ودع القلق

[أبوصالح9]

تبي شي طيب وسعره فيه

خذ لك شتاينر ( الصقر ) الماني مقاس 8 * 30 والله انه دربيل ماشاء الله وانا جربت ليبولد نفس المقاس اللي ذكره اخونا ( مكشاتي مهاجر ) فوق -- فرق كبير لصالح شتاينر حوالي 800 ريال وغير السعر وضوح الهدف بدربيل شتاينر مقارنة مع ليبولد -لا يزعلون اصحاب ليبولد بس والله العظيم اني انقل تجربة الدربيلين بنفس الوقت ونفس الهدف ( والهدف هو طائر العقاب وهو يطير بكبد السماء ) ودربيل ليبولد اصلي بعد من امريكا بقراطيسه عشان مايقولون يمكن دربيل ليبولد مهب اصلي بس احفاد هتلر دايم كذا :good:

وعندك مقاسين لشتاينر الكبير والصغير

الكبير سعره 1200 والصغير اللي انا ذكرته لك بالبداية سعره 700

يمتاز بوجود ربل على عدسات الرؤية تمنع الحرارة عن العين وايضا جودة الغطاء على العدسات الامامية حيث انه يقفل العدسات بشكل قوي لمنع الاتربة والغبار

كلامي عن تجربة لأكثر من 6 سنوات


تلقاه عند شركة عبد الواحد او محلات الرحلات الكبيرة او الرماية اللي بطريق التخصصي واذا انت بالقصيم رح للمرباع بعنيزة قبل امس شايفة عندهم

واذا تقدر تدفع اكثر لا تتعدا السوارفيسكي بس ترا الاسعار للطيب منها تبدأ من 4000 وفوق

طبعا انا قلت فيه مقاسين واذا تبي شوري خذ الصغير افضل بالنسبة لي خفيف ولا يتعب بالحمل المتواصل اذا كنت تمشي على رجلينك وتدور صيدك بين الطلاح ويؤدي الغرض على اكمل وجه وانت بالخيار بس هذي نصيحتي-موفق خير

[ذيب الحويد]

يااخوان وش رايكم في دربيل الصقر الكبير من كل النووواحي ياليت تفيدوني الله يبارك فيكم

[مليح البآرود]

اشتر مليح ولا استريح

اخوي نصيحتي خذ من احد الانواع
لايكا
سوروفاسكي
سايز
عاذي اجود الانواع وافضلها وانا اخوك قميتها فيها

[أبو خالد وبس]

أشكر جميع من تفاعل معى فى الردود والأرشادات والله ايحرمكم الأجر

ويعتبر ان شاء الله من العلم الذي ينتفع به