اللـــي جنـــــوبه سلـــت و كـفـــوفه عقـــــاب.... مهم للصقاقــير..

[جير دبي]

بسم الله الرحمن الرحيم


السلام عليكم و رحمة الله و بركاته



شحالكم يالربع ، كلن باسمـــــــــه ؟:good2:


مشروع ناجح ومهم للصقاقير ومن هذا الباب نشكر القائمين عليه :good: حبيت انقله لأخواني في منتدى مكشات ..
فكانت دراسه مهمه عن كيفيه تتبع الطيور الي تم اطلاقها الى الطبيعه
فكانت النتائج مذهله على مدى سنين طويله في دراسه نمط حياه هذه الطيور
وعلى مأذكر في شياهين من الي تم اطلاقها من مده شهر قطع مسافه300كيلو
وهذا دليل تأقلم هذه الطيور مع الطبيعه سريعا والحفاظ على استمراريه هذه الطيور النادره
والله يرحم شيخ زايد الذي اسس مثل هذا البرنامج الطيب





http://img04.arabsh.com/i/444x444/jpg/1343677825.0e3f444c6df30c.jpg (http://arabsh.com/images/0e3f444c6df30c/جدول-1-jpg.html)
http://img04.arabsh.com/i/444x333/jpg/1343677825.0e3f444c6df205.jpg (http://arabsh.com/images/0e3f444c6df205/جدول-2-jpg.html)


يقول الشاعر ياسر التويجري :


ومعنا الحرار ونادرات الشـــــــواهين** لحضة المفارق بين كف ومركــاب
يمكن عددها عد ســـــته وثمانـــــيـــن **جاها عفو من دون ترجيع وحساب
الجبال الــــــلي بتــقدـــير ألفــــــــــــين** قدم مرافعها عن شعاب وتـــــــراب
راحن عسى الطيب يجي عقب سنتين** اللي جنوبه سلت وكفوفه عقــــــاب
واشريه من سوق الصقاـــــقير يألفين** فرصه .. لون ألفين حق لـمـــخلاب



تحياااااتــــــي للجميــــع

[ربع خالي]

وعليك السلام ورحمة الله وبركاته

بيض الله وجهك يالغالي على هذي النشره التفصيليه
والله يرحم ابونا زايد صاحب الفكره
تقبل مروري ولك صادق الود والاحترام
اخوك ابو سيف

[قلب ذيب]

ارحب والله يحييك .
مشروع زايد الله يرحمه
ان شاء الله يسيرون على طريقه
تقبل تقديري .

[ذراع الذيب]

السلام عليكم ورحمة الله وبركاته..
صبحت بالخير يابوراشد..

ايييه يالشيخ زايد مااقول غير الله يرحمك ويوسع على قبرك ويرزقك الفردوس الاعلى من الجنه..
الوحوش لو لا الله ثم الشيخ زايد الله اعلم وش هو حالها والله يبارك في عياله تابعين نهج المرحوم الله يطول بأعمارهم..
لاهنت على هالمواضيع الطيبه وتحياتي لك..

[صقار العنزي]

يعطيك اللعافيه ويرحم الشيخ زايد

[بو هاشم]

السلام عليكم ورحمة الله وبركاته
يعطيك العافية على البشارة والبيان المميز
واذا ما عليك امر ابي ارسل طير عندي غالي حيل علي ولة عشرة عمر معي قرناسة هذي السنه 11 هل في هذا العمر يمدية يتاقلم مع الطبيعة اذا اطلقتة او احتفظ به افضل الين اللي يختارة هذا الشي ما ودي اني اشوف لان يعلم الله غلاته من غلاة العيال وبتاثر اذا مات عندي لان له عشرة عمر وياي وصولت وجولات والطبوع الزينه من ركادة وطلع ولا في يوم فكيناه على حبارة وخيب الامل
ياليت اذا عندك احد يقدر يفيدني عن هذا الموضوع
اخوك بوهاشم

[عشق الرحيل]

بالتوفيق للجميع ان شالله ....

[ركن برزان]

يا هلا بذهب والمذهب

يقلون من خلف ممات يابوراشد وانتم عيال زايد فيكم الخيروالبركه

والله يرحم زايد بقبره ويغفرله ويدخله فسيح جناته

وكل الشكرلك على التقرير المميز وهذي عوايدك دايم مميز في كل شي

تسلم ولاهنت ورجو لا طول علينا في جديدك

[الخزز تقليد]

ماشاء الله الله يعطيك العافيه



تقبل مروري

[عبدالرحمن بن ذياب]

يعطيك العافية و الله يرحم الشيخ زايد

[جير دبي]

شاكر كل من مر على الموضوع ولم يسجل رده ...
عزيزي المشرف الغالي بوسيف الله لايهينك على ردك الجزل الي دايما يحفزنا لكتابه المزيد تحياتي لك ..
استاذ بو ماجد حضورك بحد ذاته يكفي ربي يسلمك ويعطيك العافيه تحياتي لك ..
الى النادر بو ناصر فلا يكمل موضوع دون مرورك أو ردك ..وربي يرزقك ماتتمنى تحياتي لك ...
صقار العنزي مشكوووور على المرور تحياتي لك ..
بو هاشم انت قصه لحالها يأخوي فكره طيبه ماتجي الا من طيب وبخصوص طيرك قابل لان يتأقلم مع الطبيعه وتقدر تتواصل مع مستشفى سويحان في بوظبي وهم بيفيدونك عن برنامج شيخ زايد لأطلاق الصقور وهم الي يستقبلون الطير عندك تشكر على المرور الطيب ..
تسلم أخوي عشق الرحيل على المرور الطيب ...
بو مشاري هلا وغلا والتميز منك وفيك يأخوي والله يقدر علة تقديم ماهو جديد ومفيد تحياتي لك ..
مشكور أخوي الخززتقليد على المرور الطيب ..
حيالله بأخوي مرااسل عبدالرحمن تسلم وربي لايهينك على الرد تحيايت لك ولاهل الباحه ...

[كابتن السحاري]

ماقصرت كفيت ووفيت

[كلي فخامه]

الله يرحم راعي الفكره ....

[ابوسرور الرشيدي]

الله يعطيك اللعافيه ويرحم الشيخ

ومشكور علا المعلومه

[جير دبي]

كابتن السحاري كلى فخامه ابو سرور الرشيدي
تسلمون على المرور الطيب ..

[النـادر]

زايد علم وعيال زايد مراقيب
دايم على سوح المراجل مشاريف

الشيب ماتنجب سوى عاوي الشيب
واللي يقول بغير قوله تخاريف

شكرا لك هذا الوفاء لاهل الوفاء

[هاوي الصلفات]

تسلم ياجير دبي على هذا البيان
والله يرحم زايد رحمة واسعه
ومشاريع زايد صراحة ترفع راس كل خليجي وكل من له حرص
على البيئة والموروث والتراث
سلمك الله .

[طير الهقاوي]

السلام عليكم ورحمة الله وبركاته
مشكور على هذه النشره الطيبه
ولايذكرنا هذا الي بالشيخ زايد صاحب الفكره تغمده الله بواسع رحمة
اللهم ارحم موتا المسلمين

تقبل مروري

[مذخور]

وعليكم السلام ورحمة الله وبركاته
رحم الله الشيخ زايد وجعله في عليين
لاشك أنه مدرسه جمع بين الحكمه والحزم والحلم والرحمة
ولايمكن ان نجازيهم على افعالهم
شكرآ لك ,,,

[جير دبي]

زايد علم وعيال زايد مراقيب * دايم على سوح المراجل مشاريف...صح لسانك يالنادر تسلم على هذا الكلام الطيب والله لا يهنيك تحياتي لك ..
هاوي الصلفات شاكر مرورك الكريم وربي يسلمك تحياتي لك ..
طير الهقاوي ردك يعني لي الكثير بارك الله فيك تحياتي وتقديري لك..
مذخور تسلم على المرور الطيب ويجعلك سالم تحياتي لك ...