ومرررة أخرى رجعة حرارة الباترول 96 !!!!؟؟؟؟

[وبل نجد]

السلام عليكم ورحمة الله وبركاته

يااخوان انا قبل شهر كتبت موضوع عن حرارة موتري باترول 96 في هذا المنتدى وطلعت المشكله من االرديتر وركبت رديتر اردني ب 260 وظبطت الحراره ولله الحمد
والان وبعد شهر من. تغيير الرديتر رجعت الحراره
في الخط وعلى سرعة 100-140 تتعدى الربع توصل الثلث وسواء مع مكيف او بدون مكيف وسواء فالليل او النهار
واذا هديت السرعه من 80 وتحت تنزل الحراره لاقل من الربع وهو الطبيعي
طبعا اللي غيرته كالاتي :
خرطيش جديده وكاله
غطاء جديد وكاله
بلف وكاله
مويه تايوتا ومخففه بماء مقطر
الطرمبه سليمه وتسحب المويه تمام
عدم وجود تهريب فالطبات ولا الليات والمويه ايضا ماتنقص
التماتيك حق المروحه تمام وشغال
المروحه مافيها اي كسور والريش حقتها تمام
والغطاء حق المروحه تمام ولايوجد به اي كسور
مع ملاحظة:
اني صيخت رديتر الوكاله النحاس مرتين ونفس الكلام ترتفع الحراره
وايضا فكيت البلف وترتفع الحراره ورجعته وايضا ترتفع الحراره
وايضا اذا الخرطوش اللي تحت ينسفط اذا دعست ع السياره وركبت لها سسته ولازالت الحراره ترتفع فالخط الى الثلث
والراس سليم لادخان ابيض ولا فسفوري هههههه
ولايوجد فقاعات ولا اي شي ولله الحمد
فهل لازالت المشكله من الرديتر مايعطي المكينه الماء الكافي
وانا اشك فالرديتر والسوق مليان من الرديترات السعوديه والصينيه
والاردني هل. هو نوع واحد او انواع لان اللي شريته رصتين ومرسوم عليه وجه ازرق واحمر هل هو اللي مجرب ؟؟؟

دلووووني ي جماعه عسىاكم ماتشوفون مكروه

[فورد ماركيز]

يمكن الطرمبة ريشها تعبانه وفحصها لابد من فكها افضل

والرديتر اللى شريته نحاس او الومنيوم

[وبل نجد]

الرديتر المنيوم رصتين اردني
مرسوم ع كرتونه وجه نصفه احمر ونصفه ازرق
والطرمبه سليمه تسحب المويه صح وتدور المويه داخل الرديتر
وششاااكر لك اخوي ع سرعة الرد

[فورد ماركيز]

ان شاء الله الاخوان يفيدونك

[200]

شف تماتيك المروحه ترا له دخل بلحراره

والخراطيش أشتر جديد
(وأهم شي أنك تقول غيرت البلف لايصير قالبه ترا فيه سهم بالبلف لازم يصير فوق )
والأديتر ماله دخل صيني أو سعودي لاصار جديد بس فرقه عن الأصلي أنه يخرب بسرعه

[مخ سعودي]

اخوي المفترض اذا انت مسرع تبرد السيارة بالهواء لان دفعه راح يكون قوي لكن تاكد حفظك الله من اديتر المكيف احتمال انه مطعج ومايدخل هواء كافي للسيارة مع السرعه ( مجرد احتمال ) ويكون في علمك اخوي. حرارة الجو ٥٠ الله يكفينا عذاب جهنم كذلك اخوي هل تاكد من كلتش المروحه وليش ماتركب مروحه ميرسيدس ٣٠٠ خارجية وسعرها تقريبا ٨٠ ريال الى ١١٠ ان ماغلوها التجار
ومتتشوف باس وانتبه على نفسك من السرعه ترى الكفرات تفجر وانا اخوك من الحر

[وجعين]

اسمع وخذ رايي انا وعوذ بلله من كلمت انا يوجد لدي ثلاث سيارت الثلاثه سيارت الدوام وكلهن من دخل رمضان ونا ناقدن على حرارتهن فسيارك ياولدي مابه الا العافيه بس الجو نيران هذا الشهر اجل المكسيما حرارته دايم بين الخطين البارح امشي 150 ووصلت الثلث وديتره جديد بس يوم ناضرت درجة الحراره ولا 43 وحنا بلليل وشلون بعز الضهر.

[sgl2002]

حساس الحرارة ماقد غيرته؟؟

[sgl2002]

والديلكو هل هو موزون؟؟

[وبل نجد]

شف تماتيك المروحه ترا له دخل بلحراره

والخراطيش أشتر جديد
(وأهم شي أنك تقول غيرت البلف لايصير قالبه ترا فيه سهم بالبلف لازم يصير فوق )
والأديتر ماله دخل صيني أو سعودي لاصار جديد بس فرقه عن الأصلي أنه يخرب بسرعه

هلا اخوي
التماتيك سليم ومافيه الا العافيه
والخراطيش جديده ووكاله
والبلف غير مقلوب والسهم ع فوق كذلك

ومشكوووررر

[وبل نجد]

اخوي المفترض اذا انت مسرع تبرد السيارة بالهواء لان دفعه راح يكون قوي لكن تاكد حفظك الله من اديتر المكيف احتمال انه مطعج ومايدخل هواء كافي للسيارة مع السرعه ( مجرد احتمال ) ويكون في علمك اخوي. حرارة الجو 50 الله يكفينا عذاب جهنم كذلك اخوي هل تاكد من كلتش المروحه وليش ماتركب مروحه ميرسيدس 300 خارجية وسعرها تقريبا 80 ريال الى 110 ان ماغلوها التجار
ومتتشوف باس وانتبه على نفسك من السرعه ترى الكفرات تفجر وانا اخوك من الحر

هلا بالمخ السعودي كله
اديتر المكيف مافيه طعوج ولا وصخ ول شي ومنظفه من فتره بالهواء عن التراب والاوساخ

والمروحه الكهربائيه ممتازه لكن قبل لازم اعالج الحرااره بعدين اركبها
الله ينجينا من نار جهنم
وشاااكر لك

[وبل نجد]

اسمع وخذ رايي انا وعوذ بلله من كلمت انا يوجد لدي ثلاث سيارت الثلاثه سيارت الدوام وكلهن من دخل رمضان ونا ناقدن على حرارتهن فسيارك ياولدي مابه الا العافيه بس الجو نيران هذا الشهر اجل المكسيما حرارته دايم بين الخطين البارح امشي 150 ووصلت الثلث وديتره جديد بس يوم ناضرت درجة الحراره ولا 43 وحنا بلليل وشلون بعز الضهر.

هلا اخوي
انا ناقد ع موتري من بين سياراتي الباقيه واولها لاند كروزر 97حرارته تمام ماشا الله ع الربع
لكن هالباترول مدري وش اللي مكدر خاطره ×

[وبل نجد]

حساس الحرارة ماقد غيرته؟؟

هلا غلا اخوي
الحساس ماقد غيرته بس اني فاكه ونظفته بالصنفره
ولا اشك فالحساس ابدا لان الخرطوش اللي تحت ينصفط قبل لا اركب له سسته
وهذا يخليني اشك فالرديتر اكثرر لانه مايعطي المكينيه المااء الكافي واللي تحتاجه

والديلكو موزون من سنين ماحركته ولله ااحمد ×

[turke2545]

الخرطوش الاصلي اكثر ليونه لاجته حراره من التجاري وفيه نوع كوري والتجاري لاجته حراره صار اقواء هذا كلام راعي محل اديترات ومعروف عنه الامانه والنصح عندنا بالقصيم لذا تاكد من الخرطوش التحتي

[طيار ارضي]

السلام عليكم

اخوي باذن الله راح تلاقي الحل وشوف ترا الشكمان يزود الحراره واذا تبي تتاكد شووف الشكمان هواه قوي ولا مكتوم اذا كان مكتوم غيره وفيه بعد حل ثاني واتوقع انه هو الحل الصحيح باذن الله روح لمحل رديترات وخله يغسل الرديتر مع السلندر لان يمكن انت سويت تنظيف لرديتر بس والسلندر فيه وسخ يرجع لرديتر وترجع المشكله الاولى وكنك ماسويت شي

[الوافي512]

اخي الغالي مثل ماقالك اول رد

شيك على التماتيك حق المروحة

احيانا يفوت وانت تشوفه شغال تمام بس ببداية خرابه

جرب تحط مراوح كهرب من احد الشباب او تماتيك وجرب الموتر

نصيحة لا تتخسر

[وبل نجد]

الخرطوش الاصلي اكثر ليونه لاجته حراره من التجاري وفيه نوع كوري والتجاري لاجته حراره صار اقواء هذا كلام راعي محل اديترات ومعروف عنه الامانه والنصح عندنا بالقصيم لذا تاكد من الخرطوش التحتي

هلا اخوي الخرطوش اللي انا ركبته اصلي وكاله
وبعد التركيب ينصفط وركبت له سسته عشان مايصفط وفعلا ماعاد ينصفط الان لكن لاتزال الحراره تتعدى الربع وتوصل الثلث
ومشكوور اخوي

[وبل نجد]

السلام عليكم

اخوي باذن الله راح تلاقي الحل وشوف ترا الشكمان يزود الحراره واذا تبي تتاكد شووف الشكمان هواه قوي ولا مكتوم اذا كان مكتوم غيره وفيه بعد حل ثاني واتوقع انه هو الحل الصحيح باذن الله روح لمحل رديترات وخله يغسل الرديتر مع السلندر لان يمكن انت سويت تنظيف لرديتر بس والسلندر فيه وسخ يرجع لرديتر وترجع المشكله الاولى وكنك ماسويت شي

وعليكم السلام
الشكمان يدفع هوااء قوي حتى اذ دعست اشوفه ينثر التراب ماشا الله تبارك الله

والسلندر غسلته اكثر من اربع مرات×

[وبل نجد]

اخي الغالي مثل ماقالك اول رد

شيك على التماتيك حق المروحة

احيانا يفوت وانت تشوفه شغال تمام بس ببداية خرابه

جرب تحط مراوح كهرب من احد الشباب او تماتيك وجرب الموتر

نصيحة لا تتخسر

هلا بالوافي

راح اجرب تماتيك عندي قديم وصاير شابك على طول بس الله يعينني على الحنه :D

وانا شاك فالتماتيك والرديتر والحساس واحد منهن فيه عله

[عاشق الشعبيات]

إذا هذا كله مسويه فأتوقع بنسبة 80 % إن مشكلتك في وزن الديلكو

رح لواحد تعرفه يوزن الديلكو وخله يشوف كم موزون عليه إذا أعلى شي فهو سبب الحرارة اللي أنت فيها

خله يحطه على مقاس عشره ورح جرب وبإذن الله تدعيلي

[وجعين]

نسيت اقولك ترى انبير الباترول لعاب خاصه لاولعت النور او المكيف ينقز على طول اناعندي باترول 92 ولاعمري صدقت حرارته لانه لاوصلت الثلث وبغيت اعرف هل هي حقيقيه طفيت المكيف والنور على طول تنزل لربع انا اشير عليك تسوي ها الطريقه قبل تخسر

[وبل نجد]

إذا هذا كله مسويه فأتوقع بنسبة 80 % إن مشكلتك في وزن الديلكو

رح لواحد تعرفه يوزن الديلكو وخله يشوف كم موزون عليه إذا أعلى شي فهو سبب الحرارة اللي أنت فيها

خله يحطه على مقاس عشره ورح جرب وبإذن الله تدعيلي

هلا اخوي عاشق الشعبيات

الديلكو موزون من ثمان سنين تقريبا يعني استبعد ان الديلكو هو السبب لان لو كان السبب كان الحراره من زمان تبين

ومشكوووور وماقصرت

[وبل نجد]

نسيت اقولك ترى انبير الباترول لعاب خاصه لاولعت النور او المكيف ينقز على طول اناعندي باترول 92 ولاعمري صدقت حرارته لانه لاوصلت الثلث وبغيت اعرف هل هي حقيقيه طفيت المكيف والنور على طول تنزل لربع انا اشير عليك تسوي ها الطريقه قبل تخسر

هلا اخوي المبير موب بعيد يسوي كذا هو والحساس
لكن راح اجرب اللي قلته وباركب التماتيك اللي عندي واجرب ان شاء الله

[sgl2002]

نسيت اقولك ترى انبير الباترول لعاب خاصه لاولعت النور او المكيف ينقز على طول اناعندي باترول 92 ولاعمري صدقت حرارته لانه لاوصلت الثلث وبغيت اعرف هل هي حقيقيه طفيت المكيف والنور على طول تنزل لربع انا اشير عليك تسوي ها الطريقه قبل تخسر

اخوي مشكلتك سلك السالب شده بالبدي صح تلقاه مرتخي وبعدها راح ينضبط امبير الحرارة ويترك اللعب

[][ســهم][]

هلا اخوي وبل نجد الأديتر الاردني نفس الي عندي بالضبط بس اذا شريت جديد اوديه لمحل اديترات افحصه قبل لا اركبه احياناً يكون فيه تنسيم
تأكد من غطا الأديتر يكون اصلي واذا كانت دبه الشكمان قديمةغيرها احتمال يكون منها
وعلى فكرة انت في وقت احر ايام السنه الله لا يلومه الموتر

[وجعين]

اخوي مشكلتك سلك السالب شده بالبدي صح تلقاه مرتخي وبعدها راح ينضبط امبير الحرارة ويترك اللعب
ابجرب بس فيه ناس تقول من البطاريه لازم 80 انبير والي انا مركب70

[ابوسند9]

اخوي وبل نجد حياك الله وان شاء الله انك تلاقي المشكله والحراره مشكلتها مشكله احينا تغير كل شي ويطلع العطل شي تافه ولا تتوقعه والشباب ماشاء الله ما خلو شي وما قصرو
لكن راح اعطيك حلول وهي تبداء من الاسهل والاقل تكلفه تجنبا للخسائر
انت تقول ان الشكمان يدفع هواء قوي طبعا الكلام وانت واقف!
وانا اقول فك الدبه مع جهه واحده فقط يعني ما يحتاج تنزل الدبه فقط فكها من عند مشبك القزوز وحط حديده بين الماصوره والدبه او اربط الدبه با أي شي ونزلها تحت شي بسيط عشان الهواء ما يروح للدبه واطلع وجرب السياره وامسك فيها خط
لان الدبه فيها صاجه داخليه وما تنسفط وما تسكر خروج الهواء اللى عند السرعه اللى هي دفع الهواء والحراره
يعني وانت واقف ما تبين لازم سرعه ومع السرعه تجي دور الحراره ومن ثم تنصفط الصاجه الداخليه وتسكر خروج الهواء
كذالك اذا عندك المروحه تجاريه مع السرعه والاجواء الحاره تصبح ريش المروحه عديمة الجدوى في دفع الهواء وتكون لينه جدا وتستطيع انك تصفط الريشه بيدك
كذالك ما دام عندك تماتيك خربان وشابك على طول ركبه وشوف مع العلم انه من صوت المروحه تعلم اذا كان التماتيك عطلان او لا
كذالك تنظيف حساس الحراره على كلامك ما ينفع لان المشكله داخل مادة النحاس وليس البدي الخارجي
كذالك انت تقول الطرمبه تدفع كويس لكن المفترض انه عند تركيب الاديتر الجديد فكيتها وشيكت على الريش
كذالك غطاء الاديتر والبلف لازم تكون اصليه
كذالك الديلكو احينا يكون فيه فضاوه داخليه وتتغير وزنة الديكو ويسبب الحراره
اخير اذا انت تشك في الاديتر وانا استبعد ذالك لانه جديد لو تشوف أي حد معه نفس سيارتك وتاخذ الاديتر والتماتيك وتجرب.
لكن انا اشك في ثلاث اشياء دبه ,ديلكو, طرمبة ماء
والله يسهل امرك ان شاء الله

[العاتق]

تابع الرابط هذا يمكن يفيدك

http://mekshat.com/vb/showthread.php?t=518680

[المداوي2]

اشك في دبه البيئه وموترك كم ماشي
قد صار لي مشكله مع بنز وصار الدبه منسده من الوصاخه

[ابوصالح .]

آخر احتمال هو مشكلة في راس المكينة هل أنفك راس المكينة او غُير