شباب الله يوفقكم ردوا علي بسرعه

[عرفان1]

قبل قليل غيرت بطارية السياره تريلبليزر وبعدها المكيف ما يدفع هواء من فوق الهواء من الاسفل رجعت لمحل البنشر قال مع المشي يتصلح لان هذي برمجه المهم حاول وجلست عنده حوالي ساعه فك اصبع البطاريه ورجعه وطفيت السياره شوي وشغلت مافيه فايده مشيت حوالي نص ساعه برضه ما اشتغل المكيف 00 يشتغل وتبريد عادي لكن الهواء من الفتحات تحت 00مريت على كهربائي طفى السياره وخليتها حوالي نص ساعه شغل اشتغل المكيف لكن طفا مرة ثانيه 00 اقصد ما يدفع هواء من الفتحات اللي فوق في الطبلون 000 قال عادي اذا وقفت السياره ساعتين او اكثر وشغلت اكيد راح يشتغل لان البرمجه للكمبيوتر تأخذ وقتها وطمني الان انا وقفت السياره طبعا عندي دوام بس ما ادري كلام الكهربائي صحيح والا حصلت مشكله مع تغيير البطاريه ا000 ارجو من يعرف يرد الله يجزاك الخير

[كبسولة2]

1-فصل إصبع البطارية السالب فقط بعدها تفتح السوتش
وتشغل بالمفتاح للاخير لسحب الكهرباء من أجزاء السيارة والاصبع مفصول طبعا لدة 5 دقائق
بعدها تطفي السوتش وترجع الأصبع للبطارية
2- يتم وضع السويتش على وضع ON (بدون تشغيل) لمدة 10 ثواني
ثم OFF لمدة 10 ثواني
3- يتم تشغيل السيارة لمدة 5 دقائق ومن ثم إطفاؤها.
4- يتم تشغيلها مرة أخرى والتحرك فيها لمدة 10 دقايق بدون إشعال المكيف ، ثم بعد ذلك تقوم بإشعال المكيف، وبعدها إن شاء الله نقول رجعت السيارة لضبط المصنع.

[عرفان1]

الله يجزاك خير اخوي كبسوله2 ويرحم والديك 00

[عرفان1]

طبقت الطريقه واللي حصل معي انهعند المشي بالسياره لاحظت امبير الحراره انخفض الى الصفر قلت يمكن مع المشي عشر دقايق يشتغل ما اشتغل.... المهم وقفت السياره بعد تقريبا عشر دقايق لشراء اغراض رجعت شغلت وشغلت المكيف اشتغل ثواني ورجع الى حالته السابقه يدفع هواء من تحت الطبلون .. ههناك حل اخراذهب الى ورش

[عرفان1]

يا اخوان هل يوجد طريقه اخرى غير التي افادني الاخ كبسوله بها00 جربتها ولكن للأسف لم يتغير شيء هل اعيد الطريقه ربما اكون علطت في شي ما؟ 00 واذا احد عنده طريقه اخرى لاعادة برمجة التكييف يطرحها مشكورا0
مع الشكر لتجاوب الاخ كبسوله

[BLA6K]

اخوي اذا كانت المشكله وانت ماشي يتغير مكان الهواء فتأكد من منظم هواء المكيف اللي هي الليات قد يكون انكسر احد الليات عند تركيب البطاريه يعني شوف حوالين البطاريه

[راعي المجهم]

صارت لي في جمس 2005

وسويت برمجة زي الي كتبها المشرف كبسولة 2

وضبط ولله الحمد

حاول تطبقها صح

[عرفان1]

يا اخوان طبقت طريقة كبسوله جزاه الله خير وما تغير شي بالعكس الهواء اللي كان يدفع من تحت اصبح حار

[قناص502]

اخوي الحل ان شاء الله وانت مشغل السيارة افصل البطارية وهي بوضع التشغيل

وبعدها طفي السويتش وركب الاصابع وحط المفتاح خل اللمبات تشتغل شوي وشغله

كذا سويت بالكابرس وضبطت معي يمكن تضبط معك

[عرفان1]

اخوي قناص الله يجزاك خير 00 هل افصل الموجب والسالب كلها والسياره شغاله وبعدين اطفي السويتش واسحب المفتاح ولا لا؟ وهل افتح السوتش تقصد بدون تشغيل حتى تولع اللمبات والا بدون فتح السويتش اشغل على طول؟ كثرت عليك اسئله لكن لك دعوه بان يوفقك الله

[عرفان1]

الحمدلله تم اصلاح العطل00واشكر كل من رد على موضوعي

[كاشت وحداني]

الحمدلله اللي يسرها لك
بس ليت توضح وش لون حليت المشكله

تم الإرسال من جهازي GT-I9300 بواسطة تاباتوك 2

[عرفان1]

وتكييف ممتاز وقلتواحد كهربائي وتكييف ممتاز فك الغطاء اللي تحت الدركسون ثم فك غطاء اخر تحته ما ادري جلس يشتغل فييدق ويفك ويشغل المكيف ويطفيه الين ما اشتغل المكيف من فوق ورجع كل شئ زي ماكان قلت له ايش المشكله قال المنظم عندك فيه خلل والان فصلشغلت لك اللي فوق اما تحت او توزيع الهواء يعني تحت وفوق مفصول واذا تبغي تيشتغل على ححميع الجهات لابد تغير موزع الهواء ويحتاج الى شغل كثير وفك اشياء كثير تحت الدركسون بس قلت لا طالما شغال الان الحمدلله مافيه داعي اكبر الموضوع وحاسبت الاخ ومشيت يعني الشغله طلعت بسيطه والحمدلله

[الكلاسك]

صارت معي بس بطريقه ثانيه . المكيف ينفخ هواء حاااار بدون لا يشتغل الكمبرسور . اطفيه ما يطفى المكيف .المروحه معلقه ولا تزيد سرعتها ولا تنقص ولا تطفى معلق الهواء على سرعه متوسطه اطفي السياره اشغلها نفس الوضع . فتحت الكبوت فصلت السلك السالب ولامسته مع الموجب ورجعت ركبته . وطلع مظبوط 100%
الشاهد ان السياره كلها كمبيوتر تحتاج الى رستارت كل فتره حتى لا تظهر مشاكل في المكينه او المكيف او القير وهكذا .

[ي و م]

فادوك الشباب