جنوط هلل للباترول

[عاشق نجد111]

مساء الخير لجميع اعضاء هذا الصرح الشامخ

أنا نويت إن شاء الله اركب لموتري باترول ربع 2005 جنوط هلل
وقلت أستشير أهل الخبره أول هل تنفع الجنوط التجاريه المتوفره بمحلات الكفرات والا لا
ووش أفضل كفرات تركب عليها وتنفع للبر والخط وتكون حلوه على الموتر.

اتمنى ما كثرت عليكم أسئله

تحياتي للجميع

[عاشق نجد111]

يالربع ما احد يقدر يفيدني

[سعود2006]

حاول تدور لك جنوط اصصليه انا ركبت تجاريه وتتعفط في البر ماتصلح واذا ع الكفرات مافيه احلى من الدنلوب المضلعه

[1771]

من وجهت نظري

ان الهلل التجارية ماعندك أزين منها بس بشرط ما ترقا الأرصفة وأي ضربة عليه قوية ينعفط
اما من ناحيه السعر ممتاز والاستخدام ممتازه جداً بشكل ماتصور اعرف ناس مركبها 3 سنين بر وديرة

اما الهلل الاصلية ماعليها كلام بس السعر مبالغ فيه مرة وهو نفس التجارية بشكل والاستخدام
بس يفرق انه يتحمل الضربات القوية وما ينعفط بسرعة مثل التجاري



أسف ع الايطالة

[عاشق نجد111]

شاكر مرورك أخوي سعود وتفاعلك
لكن حسب ماسمعت أن الأصليه نادرآ ما تحصلها

تحياتي

[عاشق نجد111]

مشكور على مرورك اخوي ١٧٧١ وانا معك انها تسد الغرض التجاريه لأني مركب هالحين جنوط كرووم حقت الفتك تجاريه ولا خليت رصيف ولا حصاه ما نقزتها فيها وكويسه ما عليها

تحياتي

[ولد اعنيزة]

انا كان معي ربع 98 باترول

وركبت عليه هلل وبالون طبععن الهلل تجاري

وطاعست وقمزت ارصفه ومسكت اخطوط ورحت لمناطق شبه وعره

مافيه احسن منه واذا بغيت تركب لاتبيع حقات الوكاله وغير كا مابين فتره وفتره

والجنوط راس مالهن ب420 جدد

اتمنى اني افدتك

[ولد اعنيزة]

ولا ازيدك من الشعر بيت

معي الان 92 سوبر وعليه هلل تجاري بعد

[عاشق نجد111]

تسلم يا ولد عنيزه على معلوماتك
بالنسبه للجنوط ان شاء الله خلاص رسيت على التجاري
لكن الكفرات البالون والله فيه ناس ما تمدحها يقولون ماهي راسيه مع الخط وخطره بعد

وش النوع البديل عنها

تحياتي للجميع

[عاشق نجد111]

هاه يالربع افيدوني

[google-999-]

البالون من وجهت نظري شكل وثاني شي قالبر مامثله بس بالنفود ماجاز لي ابد والله يوفقك