كيف طريقة الصيد الطفاحي

[صياد السيف]

اقرا في هذه الكتابات القيمة عبارة " الصيد الطفاحي بدون ثقل "

ممكن تعلموني هذه الطريقة يا اهل الخبرة ولكم جزيل الشكر والتقدير

[Alhzzen]

اخوي صياد السيف شوف هذا الموضوع انشاء الله يفيدك
http://www.mekshat.com/vb/showthread.php?t=51561
مو شرط تطبق نفس الطريقة بالضبط حاول انك
تخترع وتسوي
استخدم اشياء غير الفلينه تطفو فكر فيها انت
^_*


شكرا

[صياد السبيطي]

هلا والله خوي هدا الموضوع ادا مافهمت اي نقطه تراني جاخز

واي استفسار حاضرين ..........

http://www.mekshat.com/vb/showthread.php?t=51561

وشوف ادا تبي خد هدا الطعم (للسبيطي)

http://www.mekshat.com/vb/showthread.php?t=51895

ولا تنسونا من الدعاء

[صياد السيف]

شكرا وما قصرتوا

[هاوي النيوه]

مرحبا ضياد السيف

انت تسئل عن الطفاحي وهو أنواع

السيف له طفاحي نوعين وداخل بحر له بعد طفاحي

طفاحي السيف نوعين أما انك قاعد على السيف وخيطك بيدك بدون بلد ( ثقل ) , أو أنك تهد الخيط مربوط راسه في فلينه او ( كيس زباله منفوخ هوى ) .

قعدت السيف أحذف خيطك وخله يسمر ( يروح ) مع المايه مكان ما توديه عطه ليان ( أرخيه ولا تشده ) حتى تسحب عليه السمكه ولازم تعطي السمكه تروح بالخيط على الأقل نص متر حتى تضمن أبتلاع الطعم وهذا يحصل مع سمك الشعم والمزيزي والسبيطي .

الطفاحي بربط الخيط ( بفلينه أو كيس زباله منفوخ بهواى ) هذا تحتاج خيط سمك على الأقل 70 ويكون راس الخيط مربوط والميدار ( السناره ) على بعد 10 متر تقريباً من راس الخيط وترمي البداية مع اتجاه الهوى , عندك حالتين أما انك توقف مكانك أو ان كان في مجال تمشي مع السيف .

الطفاحي داخل بحر وهذي هوايتي في منطقة النيوه بعمق من 4 إلى 6 متر , تحط الطعم وترمي الخيط ترخيه حوالي من 10 إلى 15 متر ولاتزيد عليها حتى تسحب عليك السمكه .

كل هذا والله أعلم

وإذا انت راعي النيوه والا نويتها انصحك بوقت الثبر وبالذات في الليالي السود بدون قمر والصبر .

أتمنى لك المزيد من الفائده

[صياد السيف]

الصحيح ان الطريقة روعة جميلة وسهلة
جربتها وحصلتها ممتازة
الله يجزاكم كل خير