مشاهدة النسخة كاملة : كيف طريقة الصيد الطفاحي
صياد السيف
06/07/2006, 02:26 AM
اقرا في هذه الكتابات القيمة عبارة " الصيد الطفاحي بدون ثقل "
ممكن تعلموني هذه الطريقة يا اهل الخبرة ولكم جزيل الشكر والتقدير
Alhzzen
06/07/2006, 08:37 AM
اخوي صياد السيف شوف هذا الموضوع انشاء الله يفيدك
http://www.mekshat.com/vb/showthread.php?t=51561
مو شرط تطبق نفس الطريقة بالضبط حاول انك
تخترع وتسوي
استخدم اشياء غير الفلينه تطفو فكر فيها انت
^_*
شكرا
صياد السبيطي
06/07/2006, 09:35 AM
هلا والله خوي هدا الموضوع ادا مافهمت اي نقطه تراني جاخز
واي استفسار حاضرين ..........
http://www.mekshat.com/vb/showthread.php?t=51561
وشوف ادا تبي خد هدا الطعم (للسبيطي)
http://www.mekshat.com/vb/showthread.php?t=51895
ولا تنسونا من الدعاء
صياد السيف
06/07/2006, 05:59 PM
شكرا وما قصرتوا
هاوي النيوه
07/07/2006, 05:22 PM
مرحبا ضياد السيف
انت تسئل عن الطفاحي وهو أنواع
السيف له طفاحي نوعين وداخل بحر له بعد طفاحي
طفاحي السيف نوعين أما انك قاعد على السيف وخيطك بيدك بدون بلد ( ثقل ) , أو أنك تهد الخيط مربوط راسه في فلينه او ( كيس زباله منفوخ هوى ) .
قعدت السيف أحذف خيطك وخله يسمر ( يروح ) مع المايه مكان ما توديه عطه ليان ( أرخيه ولا تشده ) حتى تسحب عليه السمكه ولازم تعطي السمكه تروح بالخيط على الأقل نص متر حتى تضمن أبتلاع الطعم وهذا يحصل مع سمك الشعم والمزيزي والسبيطي .
الطفاحي بربط الخيط ( بفلينه أو كيس زباله منفوخ بهواى ) هذا تحتاج خيط سمك على الأقل 70 ويكون راس الخيط مربوط والميدار ( السناره ) على بعد 10 متر تقريباً من راس الخيط وترمي البداية مع اتجاه الهوى , عندك حالتين أما انك توقف مكانك أو ان كان في مجال تمشي مع السيف .
الطفاحي داخل بحر وهذي هوايتي في منطقة النيوه بعمق من 4 إلى 6 متر , تحط الطعم وترمي الخيط ترخيه حوالي من 10 إلى 15 متر ولاتزيد عليها حتى تسحب عليك السمكه .
كل هذا والله أعلم
وإذا انت راعي النيوه والا نويتها انصحك بوقت الثبر وبالذات في الليالي السود بدون قمر والصبر .
أتمنى لك المزيد من الفائده
صياد السيف
09/07/2006, 03:08 AM
الصحيح ان الطريقة روعة جميلة وسهلة
جربتها وحصلتها ممتازة
الله يجزاكم كل خير
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir