باترول98 عزمه ضعيف [الأرشيف]

هبوب الحجاز0

31/07/2012, 02:35 PM

مساكم الله بالخير عند الجيب تماتيك موديل 98عزمه ضعيف الطرمبه والصفاية والبواجي كلها جديده الموتر عندي وانا امشي مع خط طويل مايتعدا 120 الا اذا دعست بنزين وطلع صوت الموت يوصل 160 واذا ريح صوت الموتر وبدل وترجع سرعته 120

وعندي أّذا مشيت اول لايحرك الموتر فيه صوت صرصره هل هي ألاقمشة وهل له علاقة بعزم الموتر

وفيه هواء حار يدخل من عند الرجول وأنتم بكرامه

وياليت تفيدوني واللي يعرف ورشة نيسان بجدة ممتازة يدلني عليها

والله يعطيكم العافية

هبوب الحجاز0

01/08/2012, 02:57 AM

مساكم الله بالخير انتظر ردودكم

سراي-01

01/08/2012, 03:29 AM

من ناحية الهوا الحار اللي من عند الرجلين وانتم بكرامه شيك على الشكمان الامامي القطعه اللي تطلع من القزوز مر علي نفس الموقف باترول 4500 شيكت لقيت الشكمان الامامي مشيول منه العوازل الحراريه اللي تجي شد بلد (غطيان حديد خفيف تجي على ماصورة الشكمان الامامي)رحت التشليح وشريت الشكمان الامامي ومن ذاك الوقت والأمور الحمدلله تمااااااااام لا حراره ولا شي ,,, الاشياء الثانيه ما يقصرون معك الاخوان ان شاء الله ... اتمنى اني افدتك تحياتي للجميع

هبوب الحجاز0

02/08/2012, 04:49 PM

مساكم الله بالخير
أخوي سراي الله يعطيك العافية علي هالافادة.

واليوم رحت الصناعية الي يقول اوزن الديلكو رحت بوزن الديلكو علي الجهاز ماحصلت يقولون بالليل يفتحون محلاتهم فاليت احد يفيدني موتري يقبل الدعس وكل شي ولافيه تفتفه ولاشي بس مشكلته بالخط الطويل مايتعدا 120 130 وفيه صاحب ورشة يقول يمكن القير وللمعلومية القير اتوماتيك

أنتظر تعليقاتكم وردودكم

هبوب الحجاز0

03/08/2012, 02:35 PM

مساكم الله بالخير وأنتظر ردودكم

الغاط الحصين

04/08/2012, 02:00 AM

المشكلة صارتلي على باترول 99 و الحل هو تنظف البخاخات بأجهزة

و الحين ماشاء الله غزم وكاله او افضل منه

صقرالحروب

04/08/2012, 05:33 AM

نفس مشكلتك باترول 96 توماتيك
ناس تقول من القير والاغلب يقولون الديلكو فيه فضاوه
اضطريت اشتري ديلكو جديد وتحسن شي بسيط وزان عزمه بس السرعه حدها 120 الى 140 وبعض المرات يحن غير ارفع رجلي عن البنزين
بس الاغلبيه يقولون الديلكو الجديد ماهو موزون زين
اذا لقيت حل تكفى بلغني ولوعلى الخاص تكفى

ابو راكانm

04/08/2012, 06:17 AM

نفس المشكله وغيرت طرنبه ولا فود

طيرشلوى 2

04/08/2012, 06:38 AM

شيك على الديلكو ولازم تركب عليها فرارت وهدرز ومراوح اشان يخف عيلك الموتر لانها هل المواتر هاذي ثقيله ويمكن عند الكبليتر متسدد نظفه

صقرالحروب

05/08/2012, 04:03 AM

للرفع ولكم الشكر

comمكشاتww

05/08/2012, 04:39 AM

http://1.1.1.3/bmi/www.mekshat.com/vb/images/avatars/10.gif (http://www.mekshat.com/vb/member.php?u=65413)صقرالحروب (http://www.mekshat.com/vb/member.php?u=65413) http://1.1.1.4/bmi/www.mekshat.com/vb/images/statusicon/user_online.gif
مكشاتي برونزي
تاريخ التسجيل: Nov 2007
الدولة: حيث ماتشبك الصقور
المشاركات: 1,103
المواضيع: 20
http://1.1.1.4/bmi/www.mekshat.com/vb/images/reputation/reputation_pos.gif

رد: باترول98 عزمه ضعيف
نفس مشكلتك باترول 96 توماتيك
ناس تقول من القير والاغلب يقولون الديلكو فيه فضاوه
اضطريت اشتري ديلكو جديد وتحسن شي بسيط وزان عزمه بس السرعه حدها 120 الى 140 وبعض المرات يحن غير ارفع رجلي عن البنزين
بس الاغلبيه يقولون الديلكو الجديد ماهو موزون زين
اذا لقيت حل تكفى بلغني ولوعلى الخاص تكفى

غير طرمبة البنزين و يزين الموتر ان شاء الله

هبوب الحجاز0

06/08/2012, 01:55 AM

مساكم الله بالخير

أخوي الغاط الحصين يعطيك العافية علي هالافادة ووبجربها

أخوي صقر الحروب ياهلا فيك وأبشر ومتي ماحصلت حل وأنتهت المشكلة بارسلك التفاصيل مع الحل

أبوراكان يامرحبا فيك أنا غيرت الطرمبة والصفاية والبواجي ونظفت منظم الهواء والفيش الي بجنب قربة الهواء ببخاخ سي دلاكو ولافيه فايده ماتغير شي

طير شلوي ياهلا فيك والديلكو حصلت ميكانيكين يقولون نوزنه باليد بس رفضت ابي ووزن بالجهاز والي الان ماحصلت ومايحتاج تعرف الورش كل كلامهم يمكن وغير الهدرز أسمع انه حق طلعة طعوس وتحديات الفرارات في الطريق أنشاءالله بركبه والمراوح مرواح الموتر كويسه ولا عليه كلام الامره طولت واقف الظهر وصلت النص وكان المكيفين شغاله ويوم مشيت رجعت للربع عاديه

أخوي مكشات يعطيك العافية علي المرور وبالنسبه لي أنا غيرت الطرمبة ولافيه فائدة

بس بقولكم شي اليوم واحد من العيال يقول وهو كهربائي متخرج من معهد يقول أغلب مشاكل الباترول من الكتاوت حقت الطرمبة وقال شيك علي الكتاوت حقت الطرمبة حصلته تحت الدركسون علي اليسار مع مجموعة الفيوز طبعا لونه أزرق وماهي ظاهرة ومجموع الكتاوت 4 2منها واضحة و2 الثانية جايها وراها وصعب الوصل لها لازم فك ورحت لكهربائي وقال ماله شغل

والحين طلعوا لي الوررش يشي جديد يقولون يمكن القير

لكن الله يعين وييسر الأمور ونشوفكم علي خير أنشاء الله

صقرالحروب

06/08/2012, 03:55 AM

رحت اليوم لمكانيكي قالي غير البلف حق البنزين
محله يجي جنب الصفايه حقت البنزين موصل بالثلجه
وللاسف لم اجده في محل غير طلبيه وسعره 470 ريال
يقول العطل منه ورحت لمكانيكي ثاني سعودي قالي ماله علاقه
بس طلبته وابي اغيره نقول يمكن يطلع منه
وعلى فكره السعودي اول مافتح الكبوت قالي رح غير كلتش المروحه وتم تغييره تحسنت السياره شوي لكن ماتعدي 140

محسن اليامي

06/08/2012, 05:03 AM

الله يعينك وان شاءالله سهالات وتنحل

بس ودي اعرف الفيش اللي تقول عنه بجنب قربة الهواء وين مكانه بالضبط

واذا فيه صوره جزاك الله خير

هبوب الحجاز0

09/08/2012, 03:59 AM

مساكم الله بالخير

هلا أخوي محسن الفيش الي جنب القربه الي بيسار الكبوت ولا فيه الا هو فيش واحد ,انشاء الله اجيب لك الصور

وباقي المشكلة كما هي وأنشاء الله نوافيكم بالجديد

هبوب الحجاز0

28/08/2012, 02:29 PM

مساكم الله بالخير جميع

نظفت منظم الهواء والفيش الي بجنب القربة بمنظف سي ديلكو ولاتغير شي وصار الموتر أول مايشتغل وهو بارد الصباح يتفف لين يحتر وتروح التفتفة

وأمس نظف البخاخات بالجهاز ولاتغير شي بالعكس الموتر الحين الصباح صار يتفتف أول مايشتغل

الموتر صار ديزل لازم تدعس له حتي يصل 140 ويطلع صوته واذا بدل الموتر وريح رجعت السرعة كما كانت وفي الارض المستويه يمشي عادي ويقبل الدعس طبيعي

وأذا قابل هواء والا طلوع برد عزمه كانه ديزل

والوضع كما هو ماتغير علي عزم الموتر شي

وأستفسرت عن لي الهواء الي فوق المكينة مافيه تنسيم ولاشي

فيه صاحب ورشة يقول هذا القير الاوتوماتيك يضعف سمك الكلتشات مع مرور الوقت

وكشفت كمبيوتر طلعا حساس القير التغير الثاني يقولو مايغير والقير ميه ميه

وحساس بجنب المنظم حق الهواء يبي تغير وصراحة كلامهم مو ثقة لانهم كلنا يرمي علي الثاني يقول روح للوكالة

فاليت أحد يفيدني

والله يعطيكم العافية.

جي يونت

29/08/2012, 12:31 AM

اتوقع مشكلتك في القير ...

حاول انك تروح كذا محل اربع محلات او اكثر متخصصين قيور وخلهم يفحصون القير وشوف وش يقولون اذا طلع الكلام واحد فثق تمام الثقه ان المشكله 100% مثل ماقالو لك , احتمال سيارتك فيها اكثر من عطل مترابط
وترا احياناً بعض السيارات المكروفه تخليك تعيش في هستره فضيعه وهذا النوع من السياره ماله غير حل واحد وهو

((نفض السياره بالكامل من الصدام الى الصدام ))

هبوب الحجاز0

30/08/2012, 11:38 AM

مساكم الله بالخير

أخوي جي يونت الله يعطيك العافية علي المشاركة والمشكلة وأنا أخوك ان كل الورش مايقولك أكيد يقولك يمكن ويمكن وطفشت صراحة منهم

أمس رحت وزنت الديلكو علي الجهاز عندي مهندس تركي يقول الديلكو مرجع ورا ويقول انه ضبطه الموتر فيه تغير بسيط تحسه خف شوي

غيرت طرمبة البنزين نيسان والبواجي والصفاية ونظفت بخاخات وزنت ديلكو ولاخف الموتر

صراحة عفت الموتر فاليت أحد يفيدني

أننتظر ردوركم

هبوب الحجاز0

31/08/2012, 09:36 AM

صبحكم الله بالخير جميع

رحت أمس للصناعية وكشفت كمبيوتر وللمعلومية كل مارحت لمحل كمبيوتر يقول موديل 98 ماعندي
المهم طلع في الكشف حساس الدعسة يبي له تنظيف أو تغير
وحساس التغير الثاني في القير وش رايكم في كلامهم

وأحترت مع هالسيارة صراحة أنتظر تعليقاتكم

FaisalA

31/08/2012, 10:48 AM

واضح انك سويت كل شئ قبل ما تكشف كمبيوتر وكان اسهل لك قبل التعب !
لكن الان مافي امامك الا اتغير حساس القير ! وكان الله في عونك

FaisalA

31/08/2012, 10:50 AM

واتوقع المشكله في القير من خلال وصفك اللي ذكرت ، وكان الله في عونك

هبوب الحجاز0

01/09/2012, 05:12 PM

مساكم الله بالخير
أخوي فيصل هلابك الي أخرني ماكشف كمبيوتر كل ماجيت محل يقول مافيه كشف 98 وأيضا" أكثر المهندسين يقولون الكمبيوتر حساسات وكهرباء وغيار القير عندك تمام لكن الله يسر الأمور وأنا أخوك

فاليت أحد ألاخوان يفيدني في حساس الدعسة وحساس الغيار الثاني بالقير أو أحد مرت عليه نفس هالمشكله وحلها

والله يعيطكم العافية

ls1.5700

01/09/2012, 05:29 PM

وبل نجد

02/09/2012, 12:09 AM

طيب يالغالي تاكد من دبة البيئه يسمونها (شخالات) احتمااال كبيير منها
وكذلك احتمال حساس الشكمان يكون بداية خراب فيه
والله يعننا جميعا

شاص2007

02/09/2012, 06:35 AM

هبوب الحجاز0

02/09/2012, 07:08 AM

غير طرنبة البانزين بطرنبة جيب ربع تويوتا او فتك
اما القير مادامه ياخذ النمر كله ولا يحن يعني يفوت كانه جيب قير عايدي محترق صحنه
خلاص مافيه شي ممتاز لا يلعبون فيه
حساس الدعسه لو هو خربان مايوصل 100 ودعسته ثقيله يالله يمشي حتى ياصل 100
مشكلتك ضعف في ضخ الوقود

أخوي ls1 أشكرك علي هالافادة وبالنسبه للطرمبة أنا مغيرة طرمبة نيسان أصلية
أما القير مثلك أنا ماني مقتنع في كلامهم لان الموتر تبديلاته كله تمام
أما حساس الدعسة فالموتر دعسته خفيفه وتحس أنك تدعس علي الدعسة فاضية تمشي معك الي ان يتغير عزم الموتر ويشد الموتر معك بنمرة ويطلع صوته ويوصل140 وبمجرد الموتر يريح ويهدأ صوته ينقص عزم الموتر ويبرد ويرجع الي 120 100 أما أذا استوي الخط فيمشي معك الي 150 بس اذا قابل طلوع والا الهواء برد عزمه
والطرمبة جديدة هي والصفاية والبواجي بس أنشاء بجرب وأغير طرمبة الي قلته

والله يعطيك العافية

هبوب الحجاز0

02/09/2012, 07:19 AM

طيب يالغالي تاكد من دبة البيئه يسمونها (شخالات) احتمااال كبيير منها
وكذلك احتمال حساس الشكمان يكون بداية خراب فيه
والله يعننا جميعا

أخوي وبل نجد أشكرك علي هالافادة بالنسبة للشخالات رحت لحق الشكمانات وقلت له يشيل الشخال ويبدله بمفرغ ونزل تحت الموتر وقال مايوجد شخال

والله يعطيك العافية

هبوب الحجاز0

02/09/2012, 07:24 AM

عندي باترول ربع كلبليتر هبلبي نفس قصتك وجتك يوم فاضي وفكيت غطا البلوف ووزنتها ومن عقبها تغير الموتر 180 درجه فا يمكن موترك يبيله وزن بلوف الحين موتري يوصل بالعداد 180 ومن قبل ما يتعدا 140 الا بالطقاق الظاهر فيه بلوف مسكر وعلى فكره وزن البلوف يكلف تقريبأ 50 ريال ولاهو مضر

أخوي شاص 2007 أشكرك علي الافادة وموتر يوصل 150 في الخط المستوي بس بالقومه والطلوع وأذا قابل هواءبرد عزمه بس بس بسالك موترك نفس موتري موديله لاني سمعت في سيارات تنوزن بلوفه تماتيك ماتحتاج فك ووزن

والله يعطيك العافية

ls1.5700

02/09/2012, 07:58 AM

تاكد من كلتش المروحه اخافه مجيم مايفصل
له دور كبير في ضعف العزم

هبوب الحجاز0

02/09/2012, 11:38 AM

تاكد من كلتش المروحه اخافه مجيم مايفصل
له دور كبير في ضعف العزم

هلا أخوي كيف أتاكد منه الله يعافيك

شاص2007

02/09/2012, 12:51 PM

والله ما ضن انه موترك يوزن بلوفه اكتروني لني اتوقع انه 4500 مكينته القديمه وعلى العموم ترا وزن البلوف كويس للباترول وما يضر انشاء الله ولا ياخذ وقت بالورشه وانا مكينتي 4200 كلبليتر

وليد46

02/09/2012, 01:08 PM

اخوي لاتخسر فلوس ولا تسوي شي اغلب او كل الي معهم باترول بنفس هالموديل وتماااااااتيك يشتكون

من نفس الي تشتكي منه وتحداك اذا لقيت احد معه باترول نفس المديل وتماتيك ويقول نشيط

دام موترك تماتيك لاتسوي شي.

هبوب الحجاز0

02/09/2012, 01:08 PM

والله ما ضن انه موترك يوزن بلوفه اكتروني لني اتوقع انه 4500 مكينته القديمه وعلى العموم ترا وزن البلوف كويس للباترول وما يضر انشاء الله ولا ياخذ وقت بالورشه وانا مكينتي 4200 كلبليتر

أشكرك أخوي علي أهتمامك وردك نعم مكينة موتري 4500 بنجرب ونشوف والله يجزاك خير

هبوب الحجاز0

03/09/2012, 07:53 AM

هبوب الحجاز0

03/09/2012, 07:54 AM

تاكد من كلتش المروحه اخافه مجيم مايفصل
له دور كبير في ضعف العزم

كيف أتاكد منه

ls1.5700

03/09/2012, 03:13 PM

اذا المروحه دايم معلقه ماتفصل عند السرعه
بس يحن وطالع صوته
معناته خربان الكلتش الي هو تماتيك المروحه

هبوب الحجاز0

24/10/2012, 03:35 AM

السلام وعليكم ورحمة الله وبركاته

صباح الخير للجميع وكيف الحال صراحة هالمنتدي أستفدنا من الكثير ومن الواجب علينا كما قدمنا أعطال سيارتنا أن نقدم الحل أذا عرفنا سبب العطل .
وأبشركم تحسن عزم الموتر واصبح أحسن من أول وذلك عن طريق تغير كتاوت طرمبة البنزين والكتاوت موقعه فوق علبة الفيوز يعني اذا فكيت غطاء العلبة ناظر فوق تشوفه اعلي كتاوت هي وتحتاج أنك تفك الديكور الي تحت الدركسون حتي تصل الي الكتاوت والموتر خف ولله الحمد وزان بس الغريب انه قبل تغير الكتاوت كان مع أول دقة سلف يشتغل بس الان صار يلعلع لين يشتغل يعني يبي له ثلاث دقات عشان يشتغل وأتمنا أكون أفادتكم والعذر علي القصور والتاخير .