استفسار عن تسليك الموتر والمحول

[أبومحمد عنيزة]

السلام عليكم ورحمة الله وبركاته:
حياكم الله يا أهل مكشات والله يوفقنا وياكم للعمل الصالح..
يالربع أنا ودي أسلك للموتر بطارية إضافية ومحول وأفياش للجارمن والكنود وسلك للثلاجه وغيره. أبي محل ممتاز وأهم شي السعر ، وجزاكم الله خير
وياليت يكون بالقصيم

[أبومحمد عنيزة]

ألا يوجد أحد يرشدنا

[بن.حسن]

حي الله اخي ابومحمد

زور هذا الموضوع لاخونا علي العساف

وإن شاء الله تجد مبتغاك

موضوع مخصص لمشاكل الثلاجات والبطاريات والتمديدات !!! (http://mekshat.com/vb/showthread.php?t=516388)


-----------

[سرهيد]

السلام عليكم

ربي يوفقك ويسعدك

هذا واحد تعاملت معه في الرياض شغله روعة والرجال وجه وجه طيب ونصوح ويشتغل شغل مرتب فواصل وسط جرجور وسعره مناسب اسمه ابو سليمان هذا جواله

صلحت عنده بطارية لونيت ثم لجمس جديد ولي ثلاث سنوات وانا مركب عنده ولا هنا خلاف روعة

0504472382

موفق اخوي الكريم

تحياتي لك

[أبومحمد عنيزة]

بيض الله وجيهكم يالربع وجزاكم الله خير على المرور الطيب

[ابوٍ تركي]

وعليكم السلام والرحمه .

البطاريه الاضافيه محلات تسويها ب 950 مثل عروق الشمال ومحلات ب 800 وشوي مثل العثيم مع البطاريه شغل هبال اشوفه ؟ قيمه البطاريه 300 معقوله شغل يد 600 ؟ وهي تحتاج بس قاعده ويمد سلك سته ملي قيمت المتر منه 7 ريال !

عموما انا انصحك تمر محل حداده تفصل عنده قاعده للبطاريه واشتر الاسلاك وكل شي وخذها معك لكهربائي وبس خله يسلك

على طاري ها السالفه مريت محل عروق الشمال بركب لمبه خارجيه قالي ب 150 ريال قاعده مع اللمبه قلت خلاص المهم جلست شوي وقالي مافيه وقت المهم مشيت والا احصل محل حداده قلت له كم تفصل لي قاعده للمبه قال بـ 15 ريال ؟ سويت عنده وبعدها شريت سلك باريال للمتر تخيلت الفرق

[أبوصالح9]

السلام عليكم
ياراعي عنيزة فيه محلين اعرفهن بصناعية الرواف ببريدة واحد العثيم والثاني السيف
الوصف تعرف السنيدي الجديد الكبير خله على يمينك وجهك يم اشارة المحاكم الشرعية لف مع الاشارة يمين بعد كارفور شف الصناعية يسارك امش لين اللفة ديور يسار همن ادخل الصناعية وسيده لين يجيك اجباري يسار فتح اعيونك عدال تلقاه بخشك والسيف اذا لفيت يسار وصارت ورشة العثيم يمينك دعسان لين يجي بعد بخشك
رحت للعثيم وقالي ب840 -بطارية 80 امبير وتمديد اسلاك للثلاجة مع الدقمة - انت رح عنده وخذ من راسه همن رح للسيف وشف الفرق بينهم والله يكتب لك اللي فيه الخير

[سرهيد]

السلام عليكم

بخصوص تركيب البطارية انصح بتركيبها عند متخصص لأن الكهرباء اي خطأ قد يسبب التماس وقد يحدث ما لا تحمد عقباه ... فازود مئة او مئتين او حتى خمس مئة ريال اسلم لي من التماس يعدم السيارة عليّ ...

مجرد نصيحة ..

وربي ييسر امرك

تحياتي لك