شوفو حل للموتر لا اولعبه

[المنطلدز]

بالخير
مباركن الشهر

المهم الموتر احمى تسبدي وبديت اعوفه

المشكلة منول المكيف مآيبرد تقل صحراوي او اردا بعد واغير فريون اصلي خسرنا فوق الـ300 ولا استنفدنا شي ومير يقولون لي يبيله تغيير كمبرسر واروح اسال بقطع الغيار ولاه الاصلي بـ 2600 والياباني بـ 1200 وارجع للمجل قال شف انا عنديلك كمبرسر فاكه من موتر ياباني واشرطه لك ومن هالهرج قلت بكم قال بـ 800 وانا وياه ومير اركبه يوم قعدت يومين اطلع الظهر بالموتر ابد المكيف ماتفرقه عن الصحراوي وبالليل زوين مهب شين

وش الحل يالربع اولاه دبرونا بحل يخليه يبرد بالنهار مهب حاله ذي كل ماشريت موتر لازم يطلع عله بمكيفه :mad:


الموتر فتك 2006

[العابر2222]

افحص مروحة المكيف الي امام الاديتر

[الزامل الاول]

وش وضع الحراره هل هي طبيعيه او لا

توقاعتي ان المشكله بالكمبروسر

[قناص502]

شوفو حل للموتر لا اولعبه

ههههههه معصب هد يالغالي فيه حل لقيته لك بموقع وبنقله لك بالصور وان شاء الله ترتاح ولاتولع به

الي من يواجه مشكله في اتيبرد في عز الحر
السلام عليكم
ابعطيكم حركه بسيطه للكمبرسن حتئ يكون التبري ازين اولآ افتح كبوت السياره
وشغل المحرك وشغل المكيف ونتظر ربع ساعه ثم قم بتحسس الموصير المكيف الكمبرسن سوف تحس انهو يوجد ماصوره حاره ويوجد ماصوره بارده ان وجدت الماصوره البارده قم بتغطيته بغطى اسفنجي حتي يمنع من وصول حرارت المكينه اليها
والماصوره الحاره خلها لاتلمسه

سؤل: من اين القاي الغطى الاسفنجي
جواب: سوف تجده عند راعين قطع الغيار المكيفات البيت

ملاحظه : الفكره ليست جديده بل قديمه سوف تلاحظ ان بعض
السيارات الفخمه مغطه والسيارت النقل لايوجد فيها


انا طبقته على سيارتي ومن بعدها شفت البراد في عيني وبديت اقصر عليه اسال مجرب
هذي صوره اللي العازل...

الصورة الاولى
http://im13.gulfup.com/2012-08-01/1343771628696.jpg


وهذه صورة بعد التركيب :
صورة رقم 1
http://im13.gulfup.com/2012-08-01/1343771628333.jpg

صورة رقم 2
http://im13.gulfup.com/2012-08-01/1343771628471.jpg

صورة رقم 3
http://im13.gulfup.com/2012-08-01/1343771628602.jpg


صورة رقم 4


و هذي اللصق الاصلي ..افضل من التجاري لانو التجاري مع الحراره يطيح...
http://im13.gulfup.com/2012-08-01/1343771628275.jpg

و هذا بعد التركيب ...
http://im13.gulfup.com/2012-08-01/1343771628754.jpg


بس انتبهوا في لي علي اليمين يكون حار لا تغطونه...
صورة
http://im18.gulfup.com/2012-08-01/1343771970136.jpg


و اتمني اني افدتك ترا منقول ان شاء الله يضبط معك...
تحياتي لكم...

وتابع الموضوع الثاني
ترهيم مروحة ثانية للموتر عشان يبرد المكيف !!
http://www.mekshat.com/vb/showthread.php?t=371645

بيني وبينك والله بسويهن الاثنين زين انك خليتني ابحث هههههههه
وان شاء الله ماتشوف شر وموترك يضبط يالغالي

[المنطلدز]

ماقصرتو لكن الحرارة الظهر فوق الخط الثاني بشوي
وبالليل على الخط الثاني او دونه

اخوي قناص ماتوقع المشكلة من المواصير اعرف اني اسرع به عشان يلفحه الهوا ولا يحتر وكله واحد

مهب حاله ذي

[200]

الله يبارك فيك
الحل رح لورشه معروفه يمكن معبيلك فريون صيني
ثاني شي شفت الليات ألي رايحات للثلاجه على شان لاجاء البرد تشغل التدفئه أفصلهن وخلها بدون دفايه يمكن يضبط إن شاء الله

[برايدوي عنيد]

هلابك اخوي

واحد من الربع يقول انه خرب عنده الكمبرسر وغيره وركب كمبرسر 97 بس يبي شويه ترهيم طبعا فتك 2006

فيه واحد ببريده يزينه شغله نظيف وسعره مناسب

بوسط الشارع التجاري هندي اسمه ابوتركي

تقبل مروري...

[المنطلدز]

يعني نبي نغير الكمبرسر مرتن ثانيه الله يعين دججنا المكيف

طيب هقوتكم مهب من فلتر المكيف اللي بالدرج منسد ؟

[ابوحمد766]

أخوي قناص502 كفيت ووفيت

[ابوماجد-1]

انا ضد اللي يركب مستعمل او تجاري

الموتر جديد ومالك حق تركب مستعمل مهما كان

حط الفرق وركب جديد وريح راسك واشترط على الفني اللي يركب لك

ولاتنسى تنظيف الراديتر حق المكيف والاهواز واذا في وسخ كثير بدل علبة الغاز البطل

وبعد كذا اذا ماضبط الحق على الفني لانك غيرت كل شي

من واقع تجربه مع الكمبرسيرات المستخدمه حرمت اركب غير جديد واصلي

[المنطلدز]

عاد الشكوا لله شريناه وبلحلنابه


لكن الظاهر باتسر ابودي الموتر للحراج وان جاب راس ماله بعناه والله يخلف علينا

[باترول 4500]

كمبروسر الفتك معروف دايم يخرب
أعرف كم واحد خرب عليهم الكمبروسر

والحل كمبروسر 4500 من التشليح بـ 500 ريال

بالتوفيق إن شاء الله

[كاشت بالبر]

شيّك على فلتر المكيف

نظفه ( انفخه بالهواء اللي عند البنشر )

الله يعينك

[المنطلدز]

ماقصرتم بيض الله جيهكم
وابزين كل اللي قلته لعل وعسى يزين

[الجيب]

المشكلة مرت علي قبل بفتك 2003
عبيت فريون اصلي مانفع
طلعت المشكلة من البلف الموجود بالبدي بأخر الكبوت
البلف كان مايفتح وكانت مواصير الفريون الباردة تتجمد !!!!
غيرناه ومشت الامور تمام
أتمنى اني افدتك

[دواس الضلماء]

البلف الموجود بالبدي بأخر الكبوت والبلف الي تحت السواق حلتهن بس بشرط اذا بغيت اتشغل تشغل كل المكيفين ويطلع المكيف على كيف كيف كيفك تبريد لا يعلى عليه بس اهم شي تحلت البلف الي تحت السواق وتشغل الاثنين يطلع شي لان البلف الي تحت السواق غااالي جداااا

[ابوسند9]

اخوي
اذا انت بالقصيم عني خبر
واذا انت مو بالقصيم اتوقع المشكله من الثلاجه فيها وسخ وتبغى تنظيف

[المنطلدز]

ايه انا بالقصيم

واذا شعلت مكيف ورا مع قدام تقل يغدي ازين المكيف وعلى هوياته مره مايبرد ومره يبرد يلهد

[ابوسند9]

طيب ابشر
الوصف بريده وانت في طريق الشاحنات وجهك شمال والسنيدي على يمينك اذا وصلت الاشاره اطلع يمين راح يجيك على يدك اليمين مطعم الشوايه اعتقد الشارع الاول او الثاني على يدك اليمين تمشي تقريبا 50 متر المحل على يدك اليمين ويفتح شرق واسم المحل الحسون للتكييف

[عاشق الشعبيات]

بإذن الله إن المشكله اللي عندك بلف ثلاجه

رح لفني ممتاز وخله يغير لك بلف الثلاجه الأمامي والخلفي ونظف ثلاجة المكيف وعب فريون أصلي

ولا تنسانا من دعواتك

[المنطلدز]

ابو سند رحت للحسون قالي الكمبرسر خربان ويبي يكلف عليك 1700 وعطان ضمان شهرين بس يقولي تعال بعد العيد

ورحت لكم محل عندنا بعنيزة واحد قالي ناقصه فرريونه
ورحت لواحد كلن يمدح شغله قالي اول شي الدبه حقت الفريون خربانه والفريون ناقص
ومير ارجع للي مركبنلي الكبرسر قلت اماك تقول اني مشيك عليه كله مابه تهرب فريون ومير اتلاجج انا وياه واخليه يعبيلي الناقص واروح واخليه ولا هلله عطيته الحرامي المهم رجعت للي يقول الطرمبه خربانه قلتله اكيد ومير يناضره مره ثانيه قال لا مهب خربانه هههههه غير رايه
قلت اجل وش البلا قال البلا من تهريب الفريون قلت والحل قال جبه عقب العساء نفحص كل الليات والكمبرسر ونزين الخربان ونعبيلك فريون اصلي


عاد انتم وش رايكم علمون ياعرب تراي ابروح لمه الحين مالي داعيه اصلحه همن يخرب عشان ما استاثم بالموتر ههههههههههههههههههههههههههههههههههههههههههه

[YUKON_GMC]

المس الثلاجه حقت المكيف اللي بالكبوت .. هي تثلج او لا .. ان كانت تثلج وتقطر مويه .. معناته الكمبرسر سليم ..

ان كانت بويرده نص ونص على قولت ابو هنوود يبيلك تغير كمبرسر وتنظف المواصير وتغير الثلاجه والبلف والتركيب عند محترف ولاتقرب اليمانيه ..

[المنطلدز]

الله يعافيك

لكن وين هيبه الثلاجه مكانه

رحت لم المحل اليوم قال اذا نسم الفريون او بدا يحتر المكيف جبه لي

[آ’بوخالد]

اخوي مشكلتك صارت بفتك عند اخوي وطلع البلف الي باخر ماصورة الفريون من جهة الراكب فحصناه وصار ضعيف مره يقفل ويفتح .. غيرناه بمستعمل اذكر بـ 150 ريال تقريبا وظبط ,, وبطريقك فك الثلاجة ونظفها ..
تـقبل مروري