فيه صوت طقطقه بمكينة الكامري 2010 هبل بي

[عاشق الشمس 14]

حبايبي
السلام عليكم ورحمة الله وبركاته مبارك عليكم الشهر الفضيل الله يتقبل منا ومنكم الصيام والقيام
أنا إنسان جاهل بالمكينيكا وما عندي أي خلفية عن مشاكل السيارات وكيف أحل مشاكلها
عندي كامري 2010 أتماتيك
ماشي 82000 اثنين وثمانين ألف كيلو
دايم أسمع صوت طقطقه بالمكينة إذا دعست على البانزين بشكل خفيف
أما إذا دعست الدعسة أسرع يروح الصوت
دائمً اسمعه بوصط الحارة إذا جيت لبيتنا ولا أدري وشو
ودايم أسمعه عند الرقيات الطلعات يعني
هبلبي وجنني
غيرت فلتر القير وزيت القير
غيرت فلتر الهواء
غيرت البواجي لكن ما فيه فايده
إذا كان عندكم حل تكفون لا تخبونه علي
الله يجزاكم خير

[200]

وعليكم السلام ورحمه الله وبركاته
واحد من الشباب عنده كامري 2011 توه فاكه وفيها صوت تكتكه وكانت عنده 2007 وفيها هالصوت
( عاد مدري هو نفس الصوت ألي عندك أو لا تأكد )

[مخ سعودي]

على ماعتقد والله يوضح من كلامك ان المشكله من صبابات البلوف او البلوف نفسها وهي غالبا تنسمع اذا شغلت السيارة الصباح لكن غير نوع البنزين
واتمنى ان تقوم بتغيير زيت لزوجته 10w30
وباذن الله موترك مافيه شي

[عاشق الشمس 14]

وعليكم السلام ورحمه الله وبركاته

واحد من الشباب عنده كامري 2011 توه فاكه وفيها صوت تكتكه وكانت عنده 2007 وفيها هالصوت

( عاد مدري هو نفس الصوت ألي عندك أو لا تأكد )


يعطيك العافية ما قصرت

[عاشق الشمس 14]

على ماعتقد والله يوضح من كلامك ان المشكله من صبابات البلوف او البلوف نفسها وهي غالبا تنسمع اذا شغلت السيارة الصباح لكن غير نوع البنزين
واتمنى ان تقوم بتغيير زيت لزوجته 10w30
وباذن الله موترك مافيه شي

أنا أعبي 95
يعني استبدله ب 91
الله يكتب اللي فيه الخير
مشكور وما قصرت

[الكلاسك]

يمكن الزيت ثقيل من النوع 20-50 واكثر السيارت الجديده تطلب زيت خفيف 10-30 جرب سوبر شل لانه خفيف مره وشوف

[عاشق الشمس 14]

يمكن الزيت ثقيل من النوع 20-50 واكثر السيارت الجديده تطلب زيت خفيف 10-30 جرب سوبر شل لانه خفيف مره وشوف

صحيح
نوع الزيت اللي استخدمه ثقيل والسبب أن واحد من العيال يقول أحسن الثقيل بالحر
لكن أمس غيرته حطيت خفيف أحس الوضع أحسن شوي لكن الصوت ما راح بس حدته قلت

[alwali]

نعم انا سيارتي غيرت الزيت وحطيت ٢٠-٥٠ وطلع معي صوت خصوصا والسيارة باردة
وغيرته الى ١٠-٣٠ وضبطت معي

[مكنيكي]

لا زيت ولا غيره رجعها للوكالة المكينة ضاربه عندك صوت سبايك المكينة مع الوقت يدمر لك المكينة بشكل نهائي واللي يقول لك تؤظيب ينصب عليك ما ينفع لها الى تتغير المكينة مع العلم أن ضمان الوكالة حده لـ 100 الف لو حاب تتأكد من صحة كلامي ادعس على البنزين وحاول تثبت الرس على 2 والصوت بيكون واضح ولا وعلطول بس لو زوت على الدعسه راح يروح الصوت

[زياد علي]

شيك على الزيت لان فيه الان عند البناشر زيوت مغشوشة +شيك على البكرات بكرة الشداد والسيور احتمال الصوت منها اوحتى يمكن ماصورة الشكمان مفلتة وطلع صوت مع الدعسة ونت حطيت العيب من المكينة لان تويوتا الان صار تلفيق لاتستغرب لان كان معي كامري 2011 يوم قلبتها الا قطعها مشكلة انوار شمعاتها صينية الشاشة صيني فلتر قيرها انتاج امريكي والباقي ملفق من عبداللطيف لكن ذي ماعليك منها اهم شي
.{المكينة افحصها كمبيوتر وراح يبيلك مستوى النظافة فيها بدل التخمين والخساير }لان المكينة اذا فيها شي راح تلاحض صرفية بنزين+خروج دخان+صوت تكتكة مستمر اثناء الوقوف وبدون ماتدعس واذا كان الصوت مايجي الاوالسيارة باردة فهوطبيعي لان زيت توه يطلع
.................................................. .
وتاكد انك متحط زيت ثقيل لانه راح يعدم عليك الطرنبة مع مرور الوقت وتاكد انك ماتمشي الالين توصل حرارة المحرك الى مستواها الطبيعي
وبالتوفيق ان شالله

[زياد علي]

لا زيت ولا غيره رجعها للوكالة المكينة ضاربه عندك صوت سبايك المكينة مع الوقت يدمر لك المكينة بشكل نهائي واللي يقول لك تؤظيب ينصب عليك ما ينفع لها الى تتغير المكينة مع العلم أن ضمان الوكالة حده لـ 100 الف لو حاب تتأكد من صحة كلامي ادعس على البنزين وحاول تثبت الرس على 2 والصوت بيكون واضح ولا وعلطول بس لو زوت على الدعسه راح يروح الصوت

هههههههه لاتخوف الرجال لانه يقول مادري عن اي شي في السيارات ومشاكلها يعني احتمال الصوت يكون من شي ثاني وهو يفكر ان الصوت من داخل المكينة

[أبوأسامه...]

ههههههههههههههههههه



عطه حل بالمنطق



غيرت الزيت طيب السيفون شريته من البنشري انكان شاريه من البنشري رح للوكاله واشتر سيفون اصلي وركبه ووتأكد ما يكون فيه سلك او اي شي متعلق بالمكرات على القزوز وابعد بعد الشمس عن القمر من السيفون الي بالبناشر الي يدعون انه اصلي مهما اقسم لك



اكثر مايخبط السياره السيفون فيه واحد من الشباب يقول واقف عند الاشاره وطقطقت المكينه طبعا فتك السياره فجأه المهم وضب المكينه وسألته قلت وشسبب التخبيط قال مادري قلت له خذ السيفون الي بالمكينه وده للوكاله واسأل عنه هو اصلي ولا لا وراح وطلع السيفون تجاري وعلمته بغش ابو يمن بنسبة 90% إلى من رحم ربي لايلدغ المرئ من جحره مرتين

[قمة افرست]

لا زيت ولا غيره رجعها للوكالة المكينة ضاربه عندك صوت سبايك المكينة مع الوقت يدمر لك المكينة بشكل نهائي واللي يقول لك تؤظيب ينصب عليك ما ينفع لها الى تتغير المكينة مع العلم أن ضمان الوكالة حده لـ 100 الف لو حاب تتأكد من صحة كلامي ادعس على البنزين وحاول تثبت الرس على 2 والصوت بيكون واضح ولا وعلطول بس لو زوت على الدعسه راح يروح الصوت

تقريبا زي ماذكر الاخ مكنيكي
صوت السبايك والله اعلم تحتاج تغيير سبايك
انت شاد على الموتر مطلع قلبه وطلع الصوت
والله اعلم
شوف كذا ورشه وافحص ولاتشد على سيارتك لين تصلحها