باركوا لي شريت لي ايكوم

[خبايا انسان]

بسم الله الرحمن الرحيم


اللهم لك الحمد حتى ترضى ولك الحمد اذا رضيت ولك الحمد بعد الرضى ,,



ابشركم شريت جهاز ايكوم 2100 ,, وبغيت استفسر منكم وين افضل مكان يسلك لي من البطاريه للجهاز ويكون التلسيك مدعم بفيوز؟


ووش افضل قاعده واريل ؟


ووش افضل قاعده للجهاز الايكوم ؟



* يرجى كتابة الاسعار واماكن تواجد السلع لا هنتوا ,,,,

[أبوصالح9]

وين مكانك اول

[أبوصالح9]

بالنسبة للقاعدة خذ قاعدة تايواني- والانتل انا مجرب لارسن الامريكي الاصلي- والتسليك اشتر سلك ومدد انت على كيفك تراه مايبي شي مع واير الكبوت يدخل وحطه عند القير ولا بأي مكان تبيه مجرد سلك طرفه بالبطاريه والطرف الثاني يجي فيه راس بلاستك تشبكه بالجهاز بس اهم شي لا تعكس الاسلاك ولا تراه بيحترق جهازك اذا ماتعرف لا تخاطر والشغله تراها سهله- بس ماودي اعلمك همن تدعي علي- موفق-ههههههههه

[نهآش]

انا ما عندي خلفيه عن كل الامور اللي ذكرت .. لكن حبيت اسألك من وين شريت و بـ كم ؟
وشكرا لكم

[يوزر نيم]

السلام عليكم :
الأخ نهـــــاش .. سؤالي لك .. وش الل تبي من جهاز(يدوي أو ثابت)(استعمالك له ) أو مكان البيع أو طريقة التركيب .. علشان نفيدك اذا أنت من الرياض .. أنا لست بائعاً ولكن أحب أفيدك فقط..
تحياتي .. ولك 73

[خبايا انسان]

اشكركم جميعا ع المشاركه ,,,

طبعا الاي كوم شريته بحدود ال 700 من الانترنت ,

شريت له سلك من محلات الزينه اسمه ( سلك كينود ) مع فيوز , ومددته من البطاريه على داخل الكبوت على الغماره = ب 15 ريال


وشريت له اريل وقاعده من نوع ( انتي نيكس ) من المرسلات يقول انه امريكي اصلي ! وانا صراحه اخذت على كلامه = 100 ريال


طبعا فحصت الجهاز عند محل العامة وطلع لي 40 ميقا << والعامل يقول ان المفروض انه يكون 55 ميقا << مادري هل هي ميقا او شي ثاني ,, بس قالي واحد من الزملاء ممكن ان الجهاز مافك الاي سي حقه ف عشان كذا مع الوقت صار 40 ميقا ,,


طبعا وانا راجع ف الدائري شغلت الجهاز وبحثت ف القنوات وطلع لي قنوات المرور وسمعتهم , وكان في اكثر من دوريه سريه

وبحثت ف القنوات ايضا, وراسلت شباب قالوا الاشاره ممتازة عندي , وراسلت واحد بالقصيم,, واشياء كثير اجهلها ف الجهاز ومع الوقت حبه حبه بتعلم ومنكم نستفيد

[شادي الاول]

مبروك بس انتبه لا يصادر لان من الآن وصاعدا يبدا موسم الصيد والمقناص وسوف يكثر التفتيش على الطرق يعني لازم يكون الجهاز مرخص

[خبايا انسان]

مبروك بس انتبه لا يصادر لان من الآن وصاعدا يبدا موسم الصيد والمقناص وسوف يكثر التفتيش على الطرق يعني لازم يكون الجهاز مرخص


وكيف ارخصه ؟

[S3oDi]

خبايا انسان

الف مبروك على الجهاز

والله يعطيك خيرة ويكفيك شرهه
حبيت ابارك لك



واستفسر بعد كيف نرخص الكنود بلشنا بترخيص السلاح وطلع لنا ترخيص الكنود مابقى الا نرخص انفسنا خخخخ :p

[انس عبد الله]

الف مبروك اخوي خبايا انسان

[فرقاص]

الجهاز مايترخص لأنك مامعك رخصة.والرخصة بدها إختبار.مالك بالطويلة
لكن المهم انك ماتخليه مكشوف عن الدوريات وعن الشباب

[خبايا انسان]

الله يعين على ذا التعقيدات ,, عموما الجهاز ماراح اخليه في السياره ,, وقت البر بركبه ف السياره ,,


وبارك الله فيكم جميع ورزقكم مما تحبون

[صقرولدصقر]

الله يستر الشغله بعد فيها ترخيص

انا توي مشتري جهاز وتوي مابعد استلمته من شركة الشحن

انا في جده وأول مره استخدم هالاجهزه الله يستر

[متيم ضباء]

الله يستر الشغله بعد فيها ترخيص

انا توي مشتري جهاز وتوي مابعد استلمته من شركة الشحن

انا في جده وأول مره استخدم هالاجهزه الله يستر


اخوي صقر اذا مامعك رخصه ترى الجمارك راح تصادر جهازك دبر لك احد بالجمارك يساعدك

واذا جهازك وصل احمد ربك وعطنا خبر خلنا نحاول مثلك يمكن الامور تسهلت

[نهآش]

السلام عليكم :
الأخ نهـــــاش .. سؤالي لك .. وش الل تبي من جهاز(يدوي أو ثابت)(استعمالك له ) أو مكان البيع أو طريقة التركيب .. علشان نفيدك اذا أنت من الرياض .. أنا لست بائعاً ولكن أحب أفيدك فقط..
تحياتي .. ولك 73

طوّل الله عمرك ابي جهاز ثابت واستخدامه للطلعات البريه ..
وانا يا طويل العمر من الدمام لكن عطني 4 ساعات وأصير من الرياض ما عندك مشكله :D

وبيض الله وجهك ومشكور على تجاوبك وانتظر المعلومات منك