اهداء للاخوان سلطان+ابو امين+ابوسيف

[النـادر]

بدون مقدمات ابيات اهداء للاخوان سلطان وابو امين والاخ الغالي ابو سيف ولكم ايضا صقاقير مكشات

طارت على وقت الزراق وتعلت=واطلع وعاد النور طاوي شراعه
شاهين جير ولاذكر يوم حلت=اول مهداته فصيل وشجاعه
من شافها هارب وقام يتفلت=ويسابق خيوط النهار وشعاعه
وراح يتزوا والدرابيل كلت=عجزت تنوشه يوم جات القلاعه
ساعة فراق وحولت واستدلت=ماغير سبق وحجل تلوي كراعه
عفت النهار اللي من اوله هلت=بشاير الفرقا ورمثه وقاعه
مطيرها للشرق يوم استذلت=راحت بحر من خوف مدري لكاعه
ياجعلها للموت اخطت وزلت=يوم انها تعكس دروب السناعه
وانكفت خامس يوم والنفس ملت=طرد السراب اللي وراه انقطاعه

[ذراع الذيب]

السلام عليكم ورحمة الله وبركاته..
صبحت بالخير يالنادر..

ماشالله هالقصيده قريتها خمس مرات صح لسانك على هالابيات الاليمه..
والله يعوضك بالطير الطيب وياليتك عاشق للوحش كان قرينا اطيب القصايد فيه:D..
ويستاهلون صقاقيرنا ابوفيحان وابوامين وابوسيف وصقاقير مكشات..
لاهنت وتحياتي لك..

[حمد الدجران]

صح الله لسااااانك

[سلطان 1]

[center]اول شي يابو عمااااااد
مشكوررررر علي الإهداء.
وابشر والله بالعوض وانا خوووووووك.
والثاااانيه اجمل ماقريت في وصف ضيااااااع الطير.
ومااااافيك حيله.

وهذي مجااااارااااااه بسيطه لانيب شاعر
لكن استعنت بصديق هههههههههههههههه

مثل السيوف اللي من الغمد سلت / ابيات فالجيرالشجاع وضياعه


ابيات في راس الطويل استقلت / ماجات من خزنة رخيص البضاعه.

من فكر عبدالله ووصفه تجلت/ ابو عماد اللي طويلن ذراعه

قمت اتخيل ماجرا يوم تلت / ودخلت في جو الهدد واندفاعه

والله مالومك يوم فالطير ولت / يلومك اللي ما شكا من وداعه

مير الطيور اما كذيا تخلت / ولا خذاها الموت فيات ساعه

لو تعلم النفس القدر.. ماتسلت / وافضل كنوز الارض..؟ كنز القناعه

[طلعه وكاد]

صبحكم الله با الخير
والله يعوضك بالطير الطيب وصح لسانك / النادر

اخوي / سلطان
لو تعلم النفس القدر ما تسلت / وافضل كنوز الارض .. كنز القناعه
بيض الله وجهك بيت قمه في الحكمه
وصح لسانك

[عبدالرحمن بن ذياب]

صبحك الله بالخير .. صح لسانك جزله من جزل
و الله يعوضك بالطير الطيب

[أبو أمين]

يا مرحبا بالنادر الشهر عليك مبارك

هذا مشاركه بسيطه مني وانا ماني بشاعر وانت وشاعر ابو فيحان اكبر من اني اجاريكم

لكن شي فالخاطر عساه يجمل بس


لولا عروقن صايمه ما استهلت @ نذرن بين الآوادم انشر اشاعه

ابيات النابغه بنا اليوم حلت @ من فتال بيتن ما عاق امتناعه

يا همومن بين الحنايا استظلت @ سبايب كاس الموادع واجتراعه

ما لوم لفوك يومها ما استبلت @ كبودن على بشرى الملقى ملتاعه

ويا صاحبي دامها مرت وجلت @ عوضك زودن على الصاعين صاعه

هذا بيورن كفَ تبطي ما كلت @ من لطم المدواس وشك الجلاعه

بياض لونه على الريشَ استحلت @ وعلى متنَ سود القلوب ودّاعه

من زينَ يسهى بالجماعه لا صلت @ والخرب المصقر دعاكن شراعه

واقدار ربي بدربها استقلت @ ما يشكمها العبد وتاتي انصياعه


تحياتي

[ذراع الذيب]

ابوفيحان..
ظهر من قصيدك مخبيه عنا ليه ترانا نستاهل القصيد الطيب..
والله يبارك في النادر اللي خلاك تقول ماعندك
مير الطيور اما كذيا تخلت / ولا خذاها الموت فيات ساعه
دايم نسمع عن هالبيت ولاكن انت ماشالله عليك صغته بأجمل الحروف
لو تعلم النفس القدر.. ماتسلت / وافضل كنوز الارض..؟ كنز القناعه
وهالبيت حلق بسلطان 1 في سما الابداع

ابوامين..
يا همومن بين الحنايا استظلت @ سبايب كاس الموادع واجتراعه

تصوير ولااروع ماتجي الا من شاعر وظهر ماعندك وسويت فيها انا الدكتور غسان ههههه

اعتقد لكم مساجلات شعريه انت وابوفيحان :D

[جير دبي]

صح لسانك يالنادر على هذا الكلام الجزل وأبشر بالعوض...

[النـادر]

ابو ناصر لك ولكل محبي الشياهين لانك غالي وطلبك غالي


ياحمود لاتشكي على واحد وجع=ترى شكاتك جددت فيه الاوجاع
مبطي يون ورايح الصوت له رجع=ماينسمع له لجة بين الاضلاع
من يوم قفت ماعرف حاجره هجع=ماغير يتخيل مهدات بتاع
واخر مهداته ميامين اهل نجع=بدو ٍ على ذكر الحيا فاعو نجاع
يوم ابطحوا للصفر طارت من الفجع=ثم عانقت جو السما في ترفاع
شيهانة ياحمود شبكت وسط بجع=اقفت ورى القشرا تمزع تمزاع
اقفت وخلت خافقي منلجع لجع=من يومها فارقت حلو التهجاع

[النـادر]

السلام عليكم ورحمة الله وبركاته..

صبحت بالخير يالنادر..


ماشالله هالقصيده قريتها خمس مرات صح لسانك على هالابيات الاليمه..
والله يعوضك بالطير الطيب وياليتك عاشق للوحش كان قرينا اطيب القصايد فيه:D..
ويستاهلون صقاقيرنا ابوفيحان وابوامين وابوسيف وصقاقير مكشات..

لاهنت وتحياتي لك..



ابو ناصر ماعليك زود وانت غالي ولك هدية تلقاها باسمك

[النـادر]

صح الله لسااااانك


صح بدنك ياحمد ولاتهون

[النـادر]

[CENTER]اول شي يابو عمااااااد

مشكوررررر علي الإهداء.
وابشر والله بالعوض وانا خوووووووك.
والثاااانيه اجمل ماقريت في وصف ضيااااااع الطير.
ومااااافيك حيله.


وهذي مجااااارااااااه بسيطه لانيب شاعر
لكن استعنت بصديق هههههههههههههههه


مثل السيوف اللي من الغمد سلت / ابيات فالجيرالشجاع وضياعه


ابيات في راس الطويل استقلت / ماجات من خزنة رخيص البضاعه.


من فكر عبدالله ووصفه تجلت/ ابو عماد اللي طويلن ذراعه


قمت اتخيل ماجرا يوم تلت / ودخلت في جو الهدد واندفاعه


والله مالومك يوم فالطير ولت / يلومك اللي ما شكا من وداعه


مير الطيور اما كذيا تخلت / ولا خذاها الموت فيات ساعه



لو تعلم النفس القدر.. ماتسلت / وافضل كنوز الارض..؟ كنز القناعه





ابو فيحان

طلاااااق مايجيني شي لامنك ولامن غيرك الدعوة تحريك مشاعر قبل النقلة يوم دخل المرزم وقرب الكليبين ومن وراه سهيل

وردك عندي اثمن من كل الريش تسلم لاخوك دايم

[النـادر]

صبحكم الله با الخير
والله يعوضك بالطير الطيب وصح لسانك / النادر

اخوي / سلطان
لو تعلم النفس القدر ما تسلت / وافضل كنوز الارض .. كنز القناعه
بيض الله وجهك بيت قمه في الحكمه
وصح لسانك

طلعه وكاد

صح بدنك

وابو فيحان مدرسه فالاخلاق والكرم والحكمة والشعر اقل ماينقال عنه رجااااااااااااااااااااال

[النـادر]

صبحك الله بالخير .. صح لسانك جزله من جزل
و الله يعوضك بالطير الطيب

بن ذياب

صح بدنك وماعليك زود يالراقي

[عشقي اكتوبر]

صح لسانك


و الله يعوضك

[ربع خالي]

هلا وهلين يابوعماد
جبرتني على شيٍ في نفسي
قصيده معبره وموجعه حيل
وليتني شاعر لجل أبرّد اللي صابني من ذا الصيده
ويالنادر ترا الفلك دوّار والليالي الطيبه مقبله بحيل الله
تحياتي وصادق ودي واحترامي لشخصك الكريم
اخوك ابو سيف

[صقار الأسياح]

صح الله لسااااااااانك

[وحيد الليل404]

صح الله لسانك

[النـادر]

يا مرحبا بالنادر الشهر عليك مبارك

هذا مشاركه بسيطه مني وانا ماني بشاعر وانت وشاعر ابو فيحان اكبر من اني اجاريكم

لكن شي فالخاطر عساه يجمل بس


لولا عروقن صايمه ما استهلت @ نذرن بين الآوادم انشر اشاعه

ابيات النابغه بنا اليوم حلت @ من فتال بيتن ما عاق امتناعه

يا همومن بين الحنايا استظلت @ سبايب كاس الموادع واجتراعه

ما لوم لفوك يومها ما استبلت @ كبودن على بشرى الملقى ملتاعه

ويا صاحبي دامها مرت وجلت @ عوضك زودن على الصاعين صاعه

هذا بيورن كفَ تبطي ما كلت @ من لطم المدواس وشك الجلاعه

بياض لونه على الريشَ استحلت @ وعلى متنَ سود القلوب ودّاعه

من زينَ يسهى بالجماعه لا صلت @ والخرب المصقر دعاكن شراعه

واقدار ربي بدربها استقلت @ ما يشكمها العبد وتاتي انصياعه


تحياتي

ابو امين انت غالي

وانت لاخوك راس مال والله يبارك لك في ما اعطاك وانا حالف حلف ومطلق عنك وعن غيرك

الهدف من اهداء القصيده تهييض بعض الغالين مثلك وشرواك

وردك عندي كنز في رايي

تسلم لاخوك

[النـادر]

صح لسانك يالنادر على هذا الكلام الجزل وأبشر بالعوض...


جير دبي

كلكم وافين ياعيال زايد

صح بدنك وكلك عوض وانا حالف من الربع كلهم

تسلم ولاتهون

[النـادر]

صح لسانك





و الله يعوضك



صح بدنك يالخوي ولاتهون

[ســـبــار ربــعـــه]

صح لسانك الله يعوضك باطيب.
تحياتي.

[النـادر]

هلا وهلين يابوعماد

جبرتني على شيٍ في نفسي
قصيده معبره وموجعه حيل
وليتني شاعر لجل أبرّد اللي صابني من ذا الصيده
ويالنادر ترا الفلك دوّار والليالي الطيبه مقبله بحيل الله
تحياتي وصادق ودي واحترامي لشخصك الكريم

اخوك ابو سيف

هلا وغلا بابو سيف

ماضنتي يالخوي انك خلي من القصيد لكن عسانا نلتقي في مقناص واسمع منك اللي تخشه

وترى الهدف من الاهداء تحريك المشاعر لاغير وانا حالف وانت مخبور ومعروف وانت بكبرك راس مال لاخوك

تبقى لاخوك سالم

[النـادر]

صح الله لسااااااااانك


ياهلابشاعر الاسياح

صح بدنك ولاتهون

[النـادر]

صح الله لسانك

وحيد الليل

صح بدنك ولاتهون

[النـادر]

صح لسانك الله يعوضك باطيب.
تحياتي.


سبار ربعه

صح بدنك ولاتهون يالشامخ