ربعي ياربعي لاتخلوني

[بطاش123]

السلام عليكم
مبارك عليكم باقي الشهر ..

كيف الحال
المهم مالكم بالطويله


ياربع انا مبتدى بالصقاره..

وناوي هالموسم اشتري طير..؟

محتار بالوكري او الشيهانه..

وابيككم تفيدون بالمعلومات بعد..

وعلى كم اسعار الوكري بالكويت
واشتري الطير وحش ولا صايد من زمان!!

نبي تفاعل يالربع

والسلام عليكم

[توكار]

عليــك بالوكري .وان ضاع او مات ماهو خسارة

وتترقي شويه وشوية وبعدها الشياهين والأحرار

[سعيد العقير]

اخوي انا انصحك بقرناس وكريه اخذها وتعلم شلون تدعي الطيره لان الشاهينه غاليه اشوي ويمكن تغدي عليك مهي مثل الوكريه هينه لينه والله يوفقك واترك الوحش اخذ قرناس

[قلب ذيب]

الله يحييك ياابني .
1 - حاول قراءة المواضيع المثبته والمقالات المكتوبه عن طيور المقناص .
2 - رافق الله الطيور من ربعك ومعارفك وقت الدعو والدوجه وتعلم منهم .
3 - شاورهم في شراء الطير المناسب معقول السعر وتعلم منهم .
4 - اذا كنت طالب حاول ان لاتؤثر نقلة الطير على مستقبلك الدراسي لانه اهم شي في حياتك .
الله يوفقك ويستر عليك .

[ابوبندر2012]

رافق الله وهل الطيور من ربعك ومعارفك وقت الدعو والدوجه وتعلم منهم:f

[عبدالله بن الشيخ]

الله يوفقك انشالله , وباختصار طال عمرك :

أنصحك بالحر وان ماحصل عليك بالوكري لأنه سهل المراس
وخل الشاهين لين ماتتطور اشوي لأنه عكر المزاج وممكن يكرهك بالصقارة خصوصا البحرية

وعليك بالرفجة الطيبة

[البرنس الليبي]

رافق الله وهل الطيور من ربعك ومعارفك وقت الدعو والدوجه وتعلم منهم:f

ابوبندر الله يحفظك ....قل رافق الله ثم اهل الطيور من ربعك لان الواو فيها شرك حماك الله ...اسأل الله ان يتقبل منا ومنك الصيام وصالح الاعمال .

بالنسبه لاخونا ...انصحك بقرناس وكري لانه يتحمل .

[راعي الدويمع]

أنصحك بفرخ شيهانه اجبليه

[الشلاعي]

أنصحك بفرخ شيهانه اجبليه




:good2::good2::good2::good2::good2:

[بدر العتيبي2]

افادوك الاخوان وبالتوفيق

[راعي - عديم]

أنصحك بقرناس بكر وحش
ههههههههههههه
أمزح معك أفادوك الأخوان وحياك الله بين أخوانك

[بطاش123]

بيض الله وجيهكم ولاهنتو يالربع

[عبدالرحمن بن ذياب]

ان بغيت شوري فقرناس وكري بيتي تعلم كيف تدعيه و تنقله وتلوح له
وابعد عن من يقول الشواهين لانها عكرة المزاج و صعبة المراس
وبعدها لا تمرست خذ لك على هواك و الله يوفقك