طعم البلاستك في المويه ز وش الحل

[الشنه]

شريت ترمس مويه امريكي
نستعد للمطاريش الصيفيه


المشكله الى الأن ما تهنينا بهالترمس له اسبوع استخدام
ولا زال طعم البلاستك في المويه


البعض يقول اغسله بشاهي والبعض يقول كلوركس



قلنا ما لها الا ربيعنا اهل الخبره والتجارب



وشلون اقطع طعم البلاستك في المويه؟

[أبو ذيب 77]

حط فيه فحم وهو فاضي من الماء وطبقه يومين...الفحم يشفط الريح

بس موب تعبيه فحم حط خمس كسيرات على كبر البردقانه..

الله يهنيك به.. جعلك تشرب من الكوثر

[الشنه]

الفحم زين للريحه

انا عندي طعم المويه

[سرهيد]

السلام عليكم

هلا بك اخوي الكريم

لا يكون الطعم في الماء نفسه :)

انا اقترح انك تضع في الترمس ماء وتخليه يوم كامل وتكرر العملية حتى تروح الريحة

وش نوع الترمس طال عمرك

تحياتي لك

[محلات الكشاتة]

أنتبه تغسله بكلوركس

[قناص502]

شوف الاخوان اعطوك رأي كثير لكن عندي لك رأي وبتدعي لي

خاصه بالترامس حط مويه مخلوطة بليمون

يوم كامل بعدها اغسله بمويه عاديه مرتين او ثلاث او حتى اربع بتنقطع ريحة البلاستيك
وبتروح طعم الليمون ولاتنسى ان الليمون معقم بعد وغير كذا يقطع الروايح

[أبوصالح9]

انا اعتقد والله اعلم انك تخلي الترمس مقفلة وهي فاضية وهذا هو سبب تكون الريحه وخصوصا اذا كانت بمكان حار او معرضة لاشعه الشمس دايم خلها مفتوحة او حط فيها ماء لو من البزبوز اهم شي لا تقفلها وهي فاضية- بعدين وش نوع الترمس لان الترامس مهب وحده فيه ترامس جودة عالية يمكن اللي عنده ترمس نوع رديء-وبالنسبة للحل جرب الليمون او الفحم-بس لاتنسى اللي قلت لك لاتقفلها وهي فاضية-موفق خير

[الشنه]

السلام عليكم

هلا بك اخوي الكريم

لا يكون الطعم في الماء نفسه :)

انا اقترح انك تضع في الترمس ماء وتخليه يوم كامل وتكرر العملية حتى تروح الريحة

وش نوع الترمس طال عمرك

تحياتي لك



مالك لوا الطعم من الترمس
ايقلو امريكي 100%


لي اسبوع اعبيه واخليه يوم وارجع اعبيه من جديد

[الشنه]

شوف الاخوان اعطوك رأي كثير لكن عندي لك رأي وبتدعي لي

خاصه بالترامس حط مويه مخلوطة بليمون

يوم كامل بعدها اغسله بمويه عاديه مرتين او ثلاث او حتى اربع بتنقطع ريحة البلاستيك
وبتروح طعم الليمون ولاتنسى ان الليمون معقم بعد وغير كذا يقطع الروايح

بنجرب ما يضر الليمون

[الشنه]

انا اعتقد والله اعلم انك تخلي الترمس مقفلة وهي فاضية وهذا هو سبب تكون الريحه وخصوصا اذا كانت بمكان حار او معرضة لاشعه الشمس دايم خلها مفتوحة او حط فيها ماء لو من البزبوز اهم شي لا تقفلها وهي فاضية- بعدين وش نوع الترمس لان الترامس مهب وحده فيه ترامس جودة عالية يمكن اللي عنده ترمس نوع رديء-وبالنسبة للحل جرب الليمون او الفحم-بس لاتنسى اللي قلت لك لاتقفلها وهي فاضية-موفق خير

الترمس جديد
ونوعه ايقلو امريكي امريكي

[أطلال نجد]

مثل ما قال أبو صالح9 ولا يهون الأخوان
أترك الترمس مفتوح وهو فارغ بعيد عن الشمس والغبار فترة يومين وبتشوف نتيجه طيبة إن شاء الله.
موفق للخير

[فتى ظبيان]

غسيل بالموية والملح وعصير ليمون وبعدها عبها ماء ورد وخله يوم
ولا فضى الخزان خله مفتوح
وبالتوفيق

[الشنه]

غسيل بالموية والملح وعصير ليمون وبعدها عبها ماء ورد وخله يوم
ولا فضى الخزان خله مفتوح
وبالتوفيق
اما اعبيه موية ورد سلامات
مسحناه بليمون
وغسلناه بفيري

ومن امس مفتوح ننتظرالنتيجه

[قحشة فشق]

السلام عليكم
خذ العلم وانا خوك ولا يهونون الاخوان
مايقطع طعم البلاستيك والخزانات الجديدة الا الماء الهماج وحتمال الهماج مايحصل لك فعليك
انت عبه مو يه وملح وزود الملح بزياده وذوب الملح لدرجة لو تذوق الماء عقد لسانك من الملح
وخله يوم كامل مسكر وبعد اليوم الاول غير المويه وبنفس الطريقة مويه وملح يوم ثاني
وبعدها اغسل ترمسك وعبه مويه حلوه واشرب قراح

[الزامل الاول]

الفحم ممتاز أو نعنان لمدة كم يوم برضه حرارة الشمس

[سيف الظفير]

عبه موية وكب علبه ( باكينج بودر ) حق الكيك في الترمس او التانكي


ثم خله يومين


واغسله وتروح الريحة


اخذت هذي الطريقة من ( علي ) اليمني اللي بمحل ذيب الصحراء

[الصقيع]

السلام عليكم
اخي الفاضل احيانا يكون احد الاسباب هو اللي -- انا عندي خزان من الفيبرقلاس اللي تباع في محلات الكشتات وكل ما اقوم بتعبئته يتغير طعم الماء وهو على الضمان فاتصلت بهم وقالوا يمكن من اللي غيره واذابقي الطعم اتصل وانا برسم الخدمة نجيوناخذه - فعلا جربت وصار منه مع العلم تشرب مباشرة من اللي مايطلع له طعم جرب ولن تخسر شئ