دعو الصباح والمساء.....صقار الاسياح

[صقار الأسياح]

سوال عن الدعوا بداية الوقت صباح ومساء لجرد الطير واختصار الوقت هل هي مفيده ام لها اضرار على الطير ناويها هالسنه بس متخوف ولا عمري جربتها

[عيد العازمي]

نصيحه مني لك وللجميع الطير اجذبه الفجر قبل طلوع الشمس جذب عادي لانك بذن الله على سعه والعصر ما انصحك تجذب الطير لان الجو حار حييل حييل وماهو زين للطير الا اذا برد الجو عليك يعني زين ويساعد الطير بالملاعب من يعني ٢٠ -٩ وورا اجذب صبح وعصر بس لاتتعب الطير وتجهده لان وقتك على مافهمت ان يساعدك بجرد الطير قبل عبور وكثرت الحبارى



اتمنى افدتك والله يوفقك باللي اتمنا انت والجميع

[(هزاع)]

درجة الحراره 49
وش رايك براد
مايبتدي يتغير الجو الا 6/10 وهودخول سهيل

[عاذي]

والله كثرة الجرد للطير مفيدة بس وين الوقت اللي يسمح لك دعو الطير بالصباح والعصر

[صقارعزاااام]

درجة الحراره 49
وش رايك براد
مايبتدي يتغير الجو الا 6/10 وهودخول سهيل
لتصحيح المعلومه دخول سهيل 24 اغسطس يبرد الجو

[جلاد الحباري]

يدعى الطير الفجر بدري على شق النور دعو من مسافه مناسبه وطيبه ويلاعب بشي بسيط وينسر نسور بسيط ويطق برقعه وانا اتكلم على بداية الدعو ومسيان ادعه دعو من مسافه جيده بدون ملاعب وعشه بعد ماتريحه ولاتخليه يفح واجد حطه بالبراد واستمر على هالفتره مده معينه لين تشوف جناح الطير انطلق وبعدها ادعه مره واحدة والله يكتب اللي فيه خير

[مذخور]

مامثله لكن وين اللي فاضي
بالتوفيق,,,

[عشق الرحيل]

افضل الأوقات زي ما تفضلوا الاخوان قبل طلوع الشمس وبعد الغرواب يكون الجوا في هالوقات براد وبالتوفيق للجميع ان شالله ...........

[albhhhar]

ياخوك سهيل يدخل 6/10 الموافق 24/8 ميلادي

[اقدم صقار]

افضل وقت للدعو خاصة اول الموسم بعد الفجر قبل طلوع الشمس اول ما يشق النور
دعو خفيف بدون ملاعب لمده 15 يوم كل يوم ابعد عن اللي قبله

الله يوفقك وكل مسلم

[راعي - عديم]

أكثر الطيور باقي فيها ع موس والبعض قاط الموس
ولابه نقله ودعو ألا بعد شهرين
قد دخل سهيل وبدى الجو بالأعتدال
أما دخول سهيل رابع العيد أحسب وراك 15 يوم أو أزود من حساب القيض
وأفضل دعو للطير وقت البرادين
ويفيدونك اللي أخبر منا

[ســـبــار ربــعـــه]

الصباح والمسا طيييب بالحيل.

الصباح شقلاب بسيط والعصر جذب بدون شقلاب.
لين يطق خمسين الصبح واربعين العصر ولا اقل من الجذب مسافة كيلو.

واهم شي الشب والموميان اول الايام عطها الطير لو ماتلاحظ عليه شي.

[حامد الحنيني]

السلام عليكم ورحمة الله وبركاته


مساء الخير


والله ما خلو الربع شئ وانت معلم ماتنعلم


لاكن دعو الصبح اول الوقت مريح للطير لأن الصبح براااد


والسلام ختام .

[رقاب الضرابين]

.والله يالربع ماعمري دعيت الصبح ان كان قبل طلوع الشمس او بعد طلوعها اظهر طيوري نهاية شهر عشره ميلادي
وادعيهن اقل من عشر ايام ويعلقن بالحباري واكثر الوقت ما ادعي الطيور لان يكون جرد الطير بالصيد يحصل باليوم لو 3 مرات هدد
افضل من الملواح
هدد الضحى وهددين العصر على اقل تقدير يكون الطير انجرد واستهد ولا افضل من هذا شي

[ذراع الذيب]

السلام عليكم ورحمة الله وبركاته..
مسيت بالخير ياصقار الاسياح..

اللي يبي يدعي طيره بالمساء لابد ان يراعي الاجواء والاوقات وافضل دعو الصباح..
وعلى حسب نوع الطير والله يسهل لنا وياكم المقناص..
تحياتي لك..

[هاوي الصلفات]

حياك اخوي صقار الاسياح
والله موضوع مهم ويجلهل فايدته البعض لكن عن نفسي من واقع تجربه
عزالله انه يجرد الطير بأسرع مما تتخيل ويكون الطير قادر على اللعب على الوح اكثر
من المساء لبرودة الجو نسبياً ويساعد الطير يستهد بوقت مبكر عن الطيور الاخرى
لاكن لازم تأخذ حساب التدرج في التطليق ( الدعو ) لكي لا يلحق الطير جهد زايد
ولا ملوع وملاحضة التغير في الطير توكن واضحه ويبني عضل بسرعة عجيبه
وطبعاً لازم الوقت قد ابرد يعني من مضي كم يوم من سهيل .
وانا ترى ماني اكثر علم من كثير من الاخوان لاكن لكي تعم الفائده للجميع
ولك تحياتي .

[ابن قرمله]

سلام عليكم مالي راي فوق اخواني المتواجدين بس افضل انك تلاعبه الصباح والمسيان عشه علي كفك خصوصا ان اطير بيختلف عليك لازم تعوده علي يدك لانه كان في الربطه مفكوك وبيجي فيه مكافخ وبيعقدك شوي ولاني اعلمكم انتم الي تعلموني وفي النهايه تقبل مرور اخوك ابن قرمله بصدر رحب

[Turki1]

حياك الله اخي صقار الاسياح.
دعو الصباح لاشك انه مفيد في تجهيز طيرك مبكرا ولكن عليك الحذر من تنكر الطير في هذة المرحله وخلال دعو الصباح فاذا تنكر الطير فهو مستقبل الحر والقايله وخصوصا انه توة طالع من المقيض وكثيرا ممن يفقدون طيورهم يفقدونها أول ايام الدعو والجو حار.
دعو المساء برغم حرارته حتى وان تنكر الطير فهو مقبل عليه الليل بيمسي وفرصتك في استرجاعه اكبر باذن الله.
اذا اختيار وقت الدعو يعتمد على خبرة الصقار ،وعلى معرفه نفسيه طيرة، وانا ارى ان الاستعجال في كثير من الاوقات لايؤدي الى النتائج المرجوة.
دمت والجميع بخير.

[راعي انذار]

حياكم الله
الدعو الفجر افضل للطير هاذي الايام بس لازم تقصر على الطير تنزل وزنه لانه الوزن الزايد يضر الطير في هاذي الايام ولا تعطيه الا وجبه واحده مع الدعو لمدة عشرين يون بعدها تقدر تدعيه العصر وبالنسبه للموميان والشب ماهوب زين للطير ايام الحر لانه حار على جوف الطير يضره هاذي الايام ماينفعه ولتجنب الملوع لاتكثر علىيه لطيار لان اذا ظغطت عليه اذا جاء وقته ماينفع وفيه عندنا فالمستشفى كبسولات تعويض للاشياء اللي يفقدها الطير من المجهود مفيده جدا في اي وقت
وسامحوني اذا اخطات وشكرا

[الغطرس]

مشاء الله اهل الخبره ماقصرو الله يوفق الجميع

[سنجااار]

اول الايام ادع الطير الصبح ابرد لك ولطير

ولامن انطلق جناحه ادع الصبح والعصر

هذي طريقتنا من مبطي والله يوفقنا واياكم

تقبل مروري سنجار

[راعي بشير]

الدعو هالايام الفجر زييين

[راعي لا حاق]

الدعو الصبح زين ولا مثله لطير والعصر يعني تدعيه مرتين في اليوم شي طيب بس خل في بالك انك لا اتعبته بالدعو بتلحقه املوع وتعب ايذا بتتدعي لا تتعبه جدا هذا ايذا الوقت بارد وانت في مقناص تدعيه الصبح وتنسره نسير والعصر تدعيه وتعشيه وهذي الطريقه تجرد الطير بسرعه بحيث انك لا نسرته الصبح يكون حمش لصيد
اما البنسبه في هاوقت الصفري والجو حار فلا انصحك بدعو مرتين لانه راح يتعب الطير بالحر وراح تجهده والوقت حار خله اوال الوقت والجو حار دعو الصبح ابرك له
وتقبل تحياتي