محتاج رايكم بدربيل للخرازه

[جديعان]

السلام عليكم ورحمته وبركاته

قررت اركب دريل للخرازه وانا ما افهم بانواعهن ابي دربيل عملي ونضرته ثاااااقبه :D
وما تغير وزنيته :good2:

مريت الرمايه عندنا حصلت انواع كثيره واسعار خياليه :mad::f
ميزانيتي 1000 ريال
ومخاب من استشار مكشات :good2:

[جديعان]

سبحااااااان الله

[Al-wify]

وعليكم السلام ورحمة الله وبركاته
اخوي بصراحه انا مجررب دربيل كوري سعره زين وادائه زين وعملي وصبور والصراحه انصحك فيه وبقوووه
اسمه سويفت اللحين حوول ٨٠٠ او ٧٥٠
وكيله الهدف
اخذ الحجم الكبير احسن من الصغير
حقيقه ممتاااااااااز

[Al-wify]

نسيت اضيف شي ونا اخووك القوااعد لاتاخذ الا الصليه

[معوكس]

عندك بعد يا الغالي دربيل هاكو الياباني عند الهدف قيمته ١٠٠٠ ريال الكبير وركب قواعد انجليزيه اصليه


الله يوفقك

[جديعان]

طيب دربيل سويفت ياليت تفيدني افضل مقاس له
وافضل مع زوم ولا بدون



ابي اسئلك عن هالدربيل يالغالي ابو نقطه حمرا مكتوب عليه golden eagle
مرسوم عليه نسر والدربيل قصير يباني وشهو من لحيه

ثواني وانزل صورته

[جديعان]

http://t3.gstatic.com/images?q=tbn:ANd9GcQWz_cgglANmrYX0UX7oFBtsbgo7bNvg SDwey2fTmz_mpVo8BDO9yZX3vR6Mg

[Khaled_R]

هذا يجي بدون تكبير

مجرد نقطة حمرا بعدة درجات وضوح .. بس بدون تكبير

انا اظن ان مقاس 3-9*32 او 3-9*40 للدربيل هو متوسط ومناسب للخرازة

[جديعان]

طيب كيف دربيل سويفت ابي النوع الافضل ومقاسه

[Al-wify]

والله طالع عمررك هذا النووع ماعرف عنه شي
اما السوفيت ف يشهد الله انه يبرد الكبد
والمقاس ٦*٤٢
والزووم فيه زوووم
وان حصلت مقاس اكبر ترا ازين هذا مقاس الي عندي

[ALKKKK]

تبي النصيحة

انا جربت دربيل سويفت

1- الكبير مرة يقرب ويكبر بس عذروبة الكبر ويبي لك قواعد رفيعة ويقوم يحك عندك في السيارة ولاتضطر تفك السرج مثلي وتوهقت ونكسر

2- الصغير حلو وفية من داخل دائرة رهيبة للرمي

احرص على سويف ابو طوق احمررررررررررررر

[عادل زيد]

ممتاز قولدن اجل يابان.سعرة رخيص ولا يتغير مع الرمي .يجي نوعين له نقطة حمرا مثل الي باالصورة والثاني صليب .....ابونقطة مافية زوم مثل ماقال الاخوان لازم تكون النقطة بوسط الدايرة لدقة الاصابة وهومناسب لصيد الدخل لان مافية زوم يقرب الشجر وتضيع الدخل بس لازم وضعية صحيحة عكس الصليب اصابة على طول اي واحد يصيب فية وهو الافضل باالنسبة لدي .بس مايجي معه قاعدة ثابتة زي ابونقطة لازم تشري قاعدة اصلية ونا جربتهن على الساكتون فقط

[الجدي2010]

وعليك السلام ورحمة الله وبركاته


كان عندي الدربيل سويفت الكوري مكتوب علية swift , premier, w.a , 1.5-4.5x32
وكذلك مكتوب علية wide angle ومكتوب model no.srps648rm korea الهدف والزوم من 1 إلى 4.5 ومعه غطى للعدسة الأمامية والخلفية وتراء الصيدة من خللها ولونها أخضر بإمكانك إزلتها من خلل إزالت الغطى
وشريت قاعدة صينية متصلة أربع مسامير ما لقيت غيرها عند الرجال اللي أخذت منه الدربيل
وكان أفضل مما يكون رائع جداً لكن فيه أنواع كثيره منها الغالي ومنها الوسط ومنها الرخيص
وكان معي على الوزنه الأولى وإذا أختلف وزنته من طلقه عن طريق الملزمه
وهذي تجربتي مع دربيل سويفت الكوري الصغير لكن خذ الحجم الكبير أفضل من ناحية حجم العدسه أكبر والتقريب أكثر من الصغير


تقبل تحياتي وأحترامي

[taCtiCal]

شباب الدربيل . صليب . ام ميل دوت . بمعنى نقط متدرجـــــة .. وهل هو متوفر بالغربيه