آتمنآ آلدخووول ؛

[محمد الشرقيه]

السلام وعليكم ورحمة الله وبركاته

اخواني انا عندي جرو عمره تقريبآ 5 شهور ماينبح ابد ابد اذا شاف بس (قطو) ولا يلحقه مدري عشانه صغير

ولا فيه شي لا سمح الله ،، اتمنا الحل بأسرع وقت

[ابو ثآمر]

ياخي تبي تهد الجرووو وعمرهـ 5 شهور على قطوو مشكله والله

أقول انتبه القطو لآ يذبح الكلب

ياخي العالم مــآ تدرب جراوتهاا اللآ من 7 شهووور

[سهم الزود]

السلام عليكم
مساء الخير
اخوي احمد ركب انه مابنبح الي عندنا اقلبت روسنا بنبح بس للمعلوميه لاتهده على القطاوه وهو بهالعمر ترى تنكبه معاد يطرد لا ارنب ولا حصني في العمر هذا هده على ارنب ولاجربوع اما القطو والحصني اذا جاء عمره 8 شهور واكثر اما انباح يوم ماينبح عادي مافيه شي يمكن عشان طبعه هادي

[محمد الشرقيه]

الله يعطيكم العافيه اخواني

بالنسبه لابو ثامر انا مبتدى بالسلق يعني مافيه داعي تعصب تحملنا شوي ،، مع تمنياتي لك بالتوفيق والنجاح

تحياتي لكم.

[عاشق الرمله2]

ياخوي اهل السلق يدورون اللي ماينبح وانت تقول تبيه ينبح هههههههه الله يهديك بس
وعلى العموم ترا القطو لاتفكره سهل تراه يهاجم اذا انحد ويشمخ ولعلمك بعض السلق الكبار المتعلمه
اذا خدشها قطو ماعاد تلحق قطاوه لانها تعقد منه وتخاف منه ولو تلاحظ اذا هديت سلقه وحده على قطو لحالها
ماتقدر لانه بيكون في وجهها اما اذا هديت ثنتين واكثر سهل عليهم انهم يلقطونه لانه القطو بصير مرتبك ومشتت
بين الثلاث مو م مركز على وحد فقط فيسهل عليهم لقطه تقبل مروري واتمنا اني افدتك

[رفيق الأمل]

وعليكم السلام :
اخي الكريم الله يهنيك فيه وشف اول شي خله يتعود عليك ويلازمك ويطيعك فهذه النقطة المهمة وبهذا العمر يصلح تدريبه على طاعتك والمشي معك وجلوسه بقربك اما بعمر 6 الي 7 شهور فعليك تدريبه على الصيد بارانب محلية او جرابيع وبعدها الركوب والننزول من حوض السيارة واي شي انا في الخدمة ان شا ءالله

[محمد الشرقيه]

بيض الله وجهك مشرفنآ الغالي

وانا اعتذر اذا ثقلت عليك

وان شاء الله راح اوريك صورة وابي رايك فيه

تحيآتي لكم جميعآ

[شعراوي]

يخوي توه صغير

وجنب عن القطو ابك الكبير وعليه خطر من القطو القطو اخطر من الحصني

انتبه لا ياكله القطو ومن ناحيت النباح اصبر وبتشوف

[الررحاال]

ياخي تبي تهد الجرووو وعمرهـ 5 شهور على قطوو مشكله والله