استشاره ولاخاب من استشار ارجوووو الدخووول

[رجل المرور]

السلأم عليـكم ورحمه الله وبركاته .... مساكم الله بالخير جميــع ... الموضوع يااخواان باختصار انا معـروض على جي اكس 2008 ماشي 150 الف ...والرجال طالب
زود فوق موتري الي هو جيب شاص 2008 وزود فوقه 35000 . الصراحه لي ثلاث ايام ومتردد ناس تذم وناس تمدح الجكس الجديد ... يالربع لاتبخلوون علي ابي المشوررره تكفوون

[عساف بن شنكار]

من رأيي
الجيب مريح وأفضل من الشاص
(وإذا عزمت فتوكل على الله)

[أرجوك أعفيني]

والله كثيره وانا خوك تزيده 35,000 أنا شوفها مبلغ مبآلغ فيه شوي وهذي وجهة نظري وشوري لك

[رجل المرور]

الله لايهينكم ياخواان .. والله اني محتار وبلشان بنفس الوقت . لاكن نبي نشوف رايئ الاغلبيه وبذن الله تسير الامور

[ابو خالد خالد]

الجيب مريح كما قال عساف بن شنكار
انا ما ادري وش نوع الجيب gxr موصفاته الون سعودي خليجي 1 او 2 او 3 فل عادي 8 او 6 اسلندر ...الخ
وعطني سعر الشاص واعطيك رايى الان ما اعرف اسعارها بضيط

[سيل رخو]

الله ييسر أمورك واستخير ربك والتوفيق على الله

أكيدالجكسار أفضل بس على قول أبو خالد وش مواصفاته

[رجل المرور]

ياجماعت الخير نوع الجكسار الستندر و لونه لولوي قيمت جيبي الشاص واقف على 96

[كاشت بالحر]

انا اشوف انك انت الرابح

لو انا ما افوت الفرصه اي شاص واي بطيخ

[الهدد1111]

اخوي اكتب مواصفات كامله بلاعلان تقول جي كس واحد الرداد تقول جكسار ستنادر يعني مكيف واحد

[رجل المرور]

الحمد لله تم الهروب من البيعه بعد اتضاح ان الجكسار جايه الرفرف الايسر مع الكبووت .... الحمد لله يااخواان نصيحه لحد ياخذ كلام صاحب السياره ان السياره سليمه او انه وكاله الافضل ... افحص فحص شامل وريح بالك ... لاتقول الرجال مايكذب لو يحلف لك ترى فيه نوعيه من ربعنا مامن دين ياجماعت الخير والله انخدعت الا شوي بس الحمد لله فكني ربي هالمره وسلمت من النصبه ... يعطيكم العافيه يازقرت كل الشكر للي ردو علي ..