كربريتر باترول

[البقمي911]

السلام عليكم
عندي باترول 92 فيه مشكله بالكربريتر يتفتف وذا طفيته يقعد ينتفض دقيقه
وذا مشيت فجئه يفصل ادعس بانزين مايدعس ويطفى ادعس شوي بانزين
ويظبط وديته الورش قالو لازم تنظيف نظفته ولا ظبط بعد فتره نظفته مره ثانيه
ولا ظبط قالو لازم تغير والاصلي تعرفون سعره غالي 2800 في ناس قالو
ركب حق تيوتا وناس قالو ركب رياضي ف وش تنصحوني ؟؟؟

[برهوش]

النفظه من وزن الديلكو

[الفلاني فلان]

اخوي انا نفس مشكلتك سويت له اصلاح ولا نفع فيه تفتفه
طلع مو من الكبليتر هذا الله يسلمك حصلت وزن البلوف
يجي سته عادم وسته بنزين حصلت العادم كله مقفل
انا مثلك واذا مسكت بريك احيان يطفي واحيان لا
اذا تبي الشخص اللي زبطه لي من اول ماجيته عرف العله
لاني وديته لثنين قبله واحد قالي اصلاح وسويت الاصلاح عنده
ولا نفع طلعت من عنده من بكره راحت لورشه ثانيه قالي اصلاح
قلت له توني مسوي قام يخبط وخفة منه وطلعت ولكن اذا تبي هالشخص
هذا رقمه اسمه احمد سوداني دكتور كبليترات له اكثر من 30 سنه كبليترات
انا اعرفه من 10 سنوات من المجمعه هو هذا رقمه كلمه وهو يخبرك

من بعد اذان الادارة

[الزامل الاول]

قد يكون الديلكو محتاج وزن

والبليتين تغيره

[abo naser 1]

السلام عليكم

أخوي قد يكون من وزن الديلكو
وبالنسبة للكربريتر تقول ب 2800 ريال فيه كربريتر ياباني نفس حق الوكالة سعره ببحر 900 ريال الى 1000 ريال نفس حق الوكالة الفرق بالكرتون فقط الوكيل يحط كرتونة ويدبلة بالسعر 200%

[جي يونت]

اتأكد اول لاتستعجل
احتمال يكون من البلوف وهذا اعتقادي
الكربريتر اذا فيه مشكله بيدخن عليك او بتشوف عليه آثار كثيفه من البنزين والرواسب ويستهلك بنزين وحتى لو هو مكتوم يتصفى وينوزن

[البقمي911]

اليوم رحت الصناعيه قلت لهم السالفه قالو لي يبي لها توضيب ؟؟؟..:confused:

[sgl2002]

ياخوي ابدا بالاسهل

افحص اسلاك البواجي
بعدها شف البلوف هل هي موزونة او لا
بعدها اوزن الديلكو

اما توظيب هذا اذا بها حرارة او نقص زيت فقط

[أحمد محمد1429]

اخوي انا نفس مشكلتك سويت له اصلاح ولا نفع فيه تفتفه
طلع مو من الكبليتر هذا الله يسلمك حصلت وزن البلوف
يجي سته عادم وسته بنزين حصلت العادم كله مقفل
انا مثلك واذا مسكت بريك احيان يطفي واحيان لا
اذا تبي الشخص اللي زبطه لي من اول ماجيته عرف العله
لاني وديته لثنين قبله واحد قالي اصلاح وسويت الاصلاح عنده
ولا نفع طلعت من عنده من بكره راحت لورشه ثانيه قالي اصلاح
قلت له توني مسوي قام يخبط وخفة منه وطلعت ولكن اذا تبي هالشخص
هذا رقمه اسمه احمد سوداني دكتور كبليترات له اكثر من 30 سنه كبليترات
انا اعرفه من 10 سنوات من المجمعه هو هذا رقمه كلمه وهو يخبرك


من بعد اذان الادارة
ماشاء الله عليه لا يفوتك لو تعني له بس خذ منه موعد قبل لا تضرب مشوار له وتراه نصوح مره

[راع العراوي]

النفظة هذا الكربريتر يرجع البنزين للمكينة

[البقمي911]

الرقم شكله غلط وبعدين بالمجمعه
اذا تخبرون لي ورشه بالرياض ممتازه ؟؟

[الفلاني فلان]

ماهو غلط يالغالي الرقم صح وتوني تأكدت من صح

طيب شوف لك ورشه مزبوطه وقوله شوف لي وزن البلوف

راح تحصل ان العادم مقفل والبنزين فاتح هذي المشكله صايره معاي

لا تسوي شي غير هالشي بس قووله شوف لي وزن البلوف مزبوطه او لا

احسسن من الخساير الزايده انا والله غيرت كبليترين وسويت اصلح وبالاخير

طلعت من هالمشكله اللي قلتها لك فوووق ترا مايكلف وزنها بس 100 ريال

[RW7..ALBDAWA]

اخوي إن كآنت المشكله من الكربريتر ترى يوجد لدي كربريتر اخو الجديد اصلي شآريه من ابو صآلح التركي بـ 2800 ريآل حدي فيـه 1500 ريآل مدة الاستخدآم للكربريتر 7 شهور