طيري تعور جناحه !!!!!! للضرورة

[أخو المري]

السلام عليكم ورحمة الله وبركاته

مبارك عليكم ماتبقى من الشهر الفضيل

يالربع

قبل وقت الكراوين هديت طيري على نوارس واجده وضيعته
وحصلته بالجهاز صايد نورس صغير(حريش)

ويوم جا بكره الا جناحه مرتخي !!!!!!!!!!!!!!

واريحه يومين مافاد
وادعيه الا الجناح المرتخي بطئ والثاني سريع
وافزع به صوبه مستشفى الامير فهد بن سلطان فالرياض

وفحصت الطير وشيعته

قالو ملتقى الجناح بالهيكل العظمي اعصابه متقطعه ) !"!!!!"!!!"!!!!

وعطوني فيتامينات قالو عطها الطير عن الشكه !!!

يمكن احد منكم مرت عليه نفس المشكلة ولا شي

ياليت اللي يعرف له وصفه شعبية ولا شي لايبخل علينا

للمعلومية الطير جير شاهين وافي

وعسى الله يطرح فيه البركة

ودمتم جميعآ

[قلب ذيب]

الله يحييك .
مادام الطير جير ,وقالوا عنده تمزق في الاعصاب لابد من احضاره الى الامارات ( مستشفى سويحان )
او ند الشبا في دبي .
... حاول تضف جناح الطير ولاتخليه يخفق ابدا ويكون جناحه مضفوف , وعطه موميان راس كبريت كل 3 ايام ثلاث مرات , ولاتخلي الطير يكوش على العلف او يعتنز على جنحانه والله الموفق .

[ابرق الحرار]

طيرك فيه مثل الملع عليك بصفار البيض وخفقه بالشب وعطه الطير في الاوقات الباردة ويفضل ان يكون في الصباح الباكر وعسالله ينفعبه وزي ماقال اخونا قلب ذيب حاول انه مايكفخ كثير

[جرناس دبي]

مثل مقالك خوي قلب الذيب
جيب الطير الأمرات مستشفى سويحان
ولا عيادة بن طراف ند الشبا.


متمرسين في علاج هذه الحلات أما
الأربطه متقطعه هذا كلام عندكم


يمكن طيرك ضرب في حاجه وهوه نازل
بصيدته بجناحه في موضوع منزلنه أنا في مكشات أعتقد يتكلم عن هذا الموضوع . وأسم الموضوع طير خوي بوعبدالله


نفس حالت طيرك بحاول أجيبلك الصوره


لي رد على موضوعك .

السموحه الموضوع في المنتدى
ثاني

[خلف الفار]

الحلبه زينه اركه عليها 14 يوم متواصله
كان عندنا طير تعورت الفخذ من المفصل الورك
وكان مايطي عليها نهائي وبعد الحلبه طاب ولله الحمد

[المنصوري-قطر]

السلام عليكم ورحمه الله يا اخو المري

الطير صايده تمززق حاد في الاربطه وان شاء الله الله يفك عوقه
عليك بالماي الدافي والشب والمميان وعقب عرضه اشعت الشمس

وان شاء الله بيتحسن

[أخو المري]

لاهنتو وبيض الله وجيهم جميعآ

اما مسألة ادخله الامارات المراكز جزاهم الله خير !!!!!!!!!!
لا الطير مبروك مايخفق ولا يكوش وابرك الطيور


والشب ماقصرت فيه عطيته والله يكتب فيه نفع

وبيض الله وجيهكم ولاهنتو وعسى يشفيه

[(هزاع)]

مازود على اخواي قلب الذيب
في فرق بين الملوع وتقطع الاعصاب
الموميان والشب مالها علاقه بالموضوع
الطير يبيله ضف وعدم تحريك الجناح فتره والحلبه انصح بها وذا انت تقدرتاصل الامارات ولامستشفي فهد
الموميان والشب زوده مهوب طيب لانه كيماويات

[وسًاام]

الله يشفي طيرك

[عشق الرحيل]

الله يشفية ان شالله ..........

[أخو المري]

جزاكم الله خير جميعآ

ولاهنتو جميع

[المري]

ماقصرو الربع ياسعيد وعسى الله يشفي (( غــديّــر ))

وأبشر بالعوض وانا اخيك

الطيور وراعي الطيور كلنا على حساااابك ياسعيد..

[أخو المري]

جعلك تسلم يابومعيض

والله يطول عمرك وخيرك سابق

والربع ماقصرو الله يطول عمارهم