إخواني الأعزاء اريد حل لعلبة الدركسون السفلى بالجيب لاند كروز

[aboamar]

السلام عليكم مبروك الشهر الكريم إخواني عندي تهريب زيت هيدروليك مع المقص الأيسر للجيب موديل ألفين واثنين ورحت الورشة ويقول علبة الدركسون السفلية يبغى لها إصلاح وطلب مني الف ريال لكي يصلحها وقلت له تضمنها لي قال ما تضمنها ولا يوم او جيب لي جديدة وانا أصلحها بخمس مئة ريال/////المرجو منكم إخواني الكرام التفضل بإعطائي تجاربكم وآرائهم أكيد لا بد مرت على احد منكم وهل لها حل غير تغييرها او الاصلاح ودمتم بخير

[aboamar]

اتمنى للجميع التوفيق

[كاشت بالبر]

وعليكم السلام ورحمة الله وبركاته


أسأل ورشات ثانيه عن الأسعار والضمان

وترى التصليح غير مضمون يعني يمكن بعد شهر ترجع تهرب زيت , اذا بتصلح دور لك ورشة ممتازه عشان يضبطونها لك ان شاء الله

وابحث بالتشليح عن علبة دركسون سفليه نظيفه ( دوده دركسون ) لأن بعض اللي بالتشليح بها مشاكل من الحوادث

قارن الأسعار واختر الافضل


لا تستخدم الا زيت دركسون الوكاله

[أبورزان100]

شف القحطاني للعكوس في الناعيه القديمه يصلحها 600 ريال لان خرابها عيب في الجيب ومتكرر فلا فائده من جديده

[أبوصالح9]

احوك 1000 ريال

ماتتعدى 700 ريال لو يطير ومهب كل من يشتغل فيها يضمنها رح لواحد يضمنها لك وترى الجديد سعره بـ 3000 وزيادة اعتقد 3600
والتشليح ما انصح فيه بالنسبة للدودة لان الغالب مايضمنونها يقول اخر ماعرفك لا طلعت مع الباب

انا اقول سولها اصلاح بس عند انسان موثوق وسبق انه اشتغل فيها-موفق خير

[aboamar]

بارك الله فيكم جميع ومشكورين يا اخواني الكرام
واتمنى من مرت عليه تجارب بشأنها يفيدنا
ودمتم بخير

[راع العراوي]

الوالد شرى اكثر من اربعة جيوب ورى بعض وكلهن يطلع فيهن البلا ذا بس اول شي سو غسيل بستم وشف ثاني مرة كبف يهرب هو تهريب قوي ولا على خفيف